هلا أختي ..

سبحان الله اول مرة ادخل القسم هذا بعد ماعرفت المنتدى ..وشفت عنوان موضوعك وجبرني ادخل وارد الله يعينك ويفرج كربتك ويشفيك ياااااااااارب

انا اعاني من الم الأسنان بصورة ماتتخيليها والعام زي الوقت هذا كنت حامل في الشهر الخامس ( ولدي الآن في الشهر الثامن)اجلس اتألم وتضيع حيلتي مااعرف اخذ دواء ولا اروح اعالج كله عشان خايفة على الجنين ..والله الذي لا اله الا هو اني ماابكي في ولاداتي لكن عند الم اسناني اموت من البكاء..

في نهاية الشهر الخامس رحت بولدي لموعد عنده عشان تقويم الاسنان وقلت فرصه وسألت الطبيب عن امكانية علاج اسناني وانا حامل عشان الالم اللي اعانيه فطلب انه يكشف علي او اكشف عن طبيب آخر متخصص..فطلعت على طول ورحت لطبيبة عندهم اسمها (ريدان)والله لو طلبت اللي وراي واللي قدامي عطيتها من شدة مااعاني منه..المهم كشفت علي وقالت لي لازم تقطيع عصب ..خبرتها اني خايفه من تأثير البنج على الجنين..فقالت وهذا نص كلامها ( ان مافيه تأثير من البنج على الحامل لكن يفضل عدم استخدامه في الاشهر الثلاثة الاولى والثلاثة الاخيرة ) كنت مترددة واخبرت زوجي استشيره وتوكلت على الله وفوضت امري له..والله اني احس ان الالم زي فولت الكهرباء اللي يضرب ..بس احط يدي على فكي واسكر اسناني على بعض بقوة او اتمضمض..المهم سوت لي واحد (الضرس اللي فوق)وقطعت الاعصاب وتركته مفتوح ومن بكرا جيت وكملته ..بعدها اخذت من الصيدلية مسكن اسمه(تيلكوتيل) استخدمه عند الالم يسكنها شوي ..واحمد ربي واشكره ولدت وولدي طيب مافيه الا العافية
طبعا انا انقلك تجربتي فقط ولاعندي اي خلفيه طبيه ..بس عشان تتأكدين وتتطمئنين روحي للمركز واسمه مركز اسعد على طريق الملك عبدالعزيز واسم الطبيبة (ريدان) واستشيريها في حالتك ..او روحي لاي طبيب تثقين فيه..اللهم ياكريم يارحيم اشف عبدتك من ما الم بها وخفف عنها فإنك ارحم بها من نفسها عليها..الله يشفيك ويعافيك ويخفف عنك وطهور لابأس إن شاء الله...واوصيك تحطين يدك على موضع الألم وتقريت الفاتحة سبع مرات وانت موقنه بالشفاء ..

الله يسمعني عنك كل خير ويهون عليك وعلى بنات المسلمين..وطمنينا على نفسك:26:

كلام ام نواف صحيح في حاجات معينه ميقدروش يعملوها الا بعد الولاده لانها بتحتاج مضادات ومسكنات زي العصب...انا عندي كذا ضرس مسوس للعصب شالوا التسوس وحطوا حشوا مؤقت علشان الالم يخف وهكمل بعد الولاده باذن الله

مشكورين يابنات على إهتمامكم ومروركم ودعواتكم الطيبه الله يجزاكم جنات النعيم أجمعين

طيب بالنسبه لخلع الضرس هل فيه ضرر ومين خلعت وهي حامل؟؟؟

السلام عليكم
اختي حنان انا مرتين اخلع ضرسي في حملي الاول والثاني يعني كل ولد بضرس وكنت في الشهر الخامس والمره الثانيه في السادس والموضوع مره سهل مع بنج الحوامل بس هو خفيف شوي بس الم ساعه ولا الم كل ساعه بس قولي للدكتوره انك حامل وماعليكي شر ان شاء الله والله يقومك بالسلامه ويرزقك بالذريه الصالحه امين

السلام عليكم ورحمة الله وبركاته
اختي حنان انا اعاني مثلك من تسوس بالاسنان والم شديد حتى اني لااستطيع النوم باليل من الالم وانا بالشهر الخامس ذهبت الى مراجعتي وشرحت للطبيبه حالتي وقالت مدام انتي بالشهر الخامس استطيع ان اقطع العصب واعمل بنج دون اي ضرر للجنين لاكن رفضت اختي وطلبت مسكن فقط ووصفت لي حبوب فيفادول ليسكن الالم وايضا طلبت مني ان اتمضمض بماء دافي وملح من شان التهاب الثه والحمد لله ان الالم يخف عني شوي والله يكتب مافيه خير لي ولكي انشاء الله