بسم الله الرحمن الرحيم
السلام عليكم ورحمة الله وبركاته
بنات حواء .. أسعد الله مسائكم/ صباحكم بكل خير يارب ..
قصتي ما أدري هل هي عين أم حسد أم وسواس ...
أرجوكم أقرأوها وعطوني رأيكم ومساعداتكم بالنصح والدعاء ...
أنا من فتره صاير معاي تعب من كل شيء ..
أخاف أولا ً ما أحب أنام بالليل تجيني أعراض ..
خوف / خفقان بالقلب شديد / أحس النفس بيطير / أكتئاب // وضيقة / أبكي بدون سبب .. طول النهار وأنا بخير لكن إذا بدت حزة المغرب تبدأ معاي الأعراض ..
رعشة بالأطراف // لين أعرق .. أحيانا أحس ببروده أو حر .. أخاف من كل شيء مجهول ..
من فتره تعبت بتعب زي البرد لكن ماهو برد لاني رحت تعالجت عند كل احد قالو سليمه ولكن نفس اعراض البرد فوق ثلاث بطانيات والجو احيانا حار واستفرغ مايطلع شيء واحس برجفه كن قلبي بيطلع من مكانه وظهري يطلع منه هواء بارد لين يفركونه ويبدا يصب عرق وهذا حالتي فتره طويله لين سبحان الله قرا علي شخص أيات قران عن العين مره وحده وخفت الحاله هذه لكن بدأت بسوالف ثانيه وأتعاب ثانيه ووساوس ثانيه واطلع من شي ويصير شي ثاني تصدقون وانا جالسه احيانا اشوف اشياء صغيره كانها تمشي قدامي واتعوذ وترجع مااشوف شي وساعات احس اني اطير ارتفع من مكاني وساعات احس اني بطيح ورا وساعات لاجيت اصلي احس ان رجولي تدخل في الارض وابي اطيح ورا على ظهري رغم اني لاسمعت القران اتعب لكن مو تعب اللي مسحور ..
تصدقون يابنات تغيرت أول الكل يعرفني بالأمل الموجود في قلبي والسعاده اللي فيني دائما أضحك أدخل الفرح لقلب كل إنسان معاي .. أشيل هم الناس كلها ولايتعبني أي هم .. إيماني قوي ما أخاف من الموت وأحب الله حب شديد والحمد لله // ما أسمع أغاني وباره في والديني جدا ً وأحب ألناس والناس تحبني بشكل فضيع ..
لكني محسوده كثير تجيني ناس في وجهي يقولون لي أنتي جذابه جميله أي لبس تلبسينه يزين عليك لو تاكلين اي شي جسمك حلو مايخرب .. لاحول ولاقوة إلا بالله ..
طفشت .. حتى وأنا غايبه الناس تحسدني بكل شي .. أول صراحه رغم أني بكل شيء ديني حريصه لكن ما أقرأ اذكار مانيب مداومه عليها ..
إلين تعرفت على بنت الله يستر عليها لكن أنا من عرفتها وأنا تغيرت حالتي .. شكل عينها قويه أحيانا تقولي أنتي ماتطفشين وعندك خواتك وأمك مترابطين مع بعضكم وماتطفشين وأنتي عندك خالاتك بيتهم جنبكم . أنتي غير وأنتي غير رغم أني ماأحكي لها وضعنا لكن تشوفني مرتاحه .. تغير وضعنا تغير كل شيء فينا مو سيء مره لكن ماصرنا نحس بالسعاده زي قبل في لمتنا .. مانضحك كثير ولاننبسط كثير .. تحسدنا على حتى أن عندي خال مطوع يسافر بنا للعمره تقول ياحظكم بس تروحون للعمره صار لنا وقت طويل ماقدرنا نروح للعمره .. أنا ماأحب أعتقد لكن هذا اللي صاير أخر مره جونا للبيت هذاك علمي بالعافيه ..
صرت أدوخ وأتعب وجاني الوسواس والخوف إلين كبرت الأتعاب عندي وصار ووسواسي يتعبني ويحسسني بالكآبه والتعب من كل شيء ما أقدر أقرأ على نفسي كل يوم الرقيه . رغم اني لازمت الاذكار لكن مااقدر اتعب من الرقيه كثير ..ما أحس بقيمة الحياة وأحيانا يزود الأكتئاب لدرجة أني لو أني ضعيفة إيمان كان أنتحرت .. لكن الحمد لله ..
بنات أنا ما أركز وإذا جلست مع أهلي فجأه ما أدري وش قلت وأعيد السالفه مليون مره وفجأه أطالع نفسي كأني كنت أحلم وصحيت مانيب أسولف معاهم وساعات أحس إني ما أسمعهم كأني أشوفهم أو أسمعهم في حلم مو حقيقه وساعات كأني بعيوني غشاوة وإذا حللت في كل شيء قالو سليمه أختنق كثير وأبكي كثير ولا أنام لوحدي من الخوف الشديد وإذا جيت بنام أقول يمكن وأنا نايمه أختنق وأموت سخافات وأدري أنها سخافات بس غصب علي أرجع أخاف منها ...
نظرتي ماتركز ولو كنت في مكان مليان انواره او حتى بالنهار مااحس اني اشوف الاشياء بوضوح كانه يموج ببعيني شيء نظرتي ماكانت كذا مو ثابته ..بنات أخر شيء وصلت له زادت معاي الحاله صرت لو بطلع للناس أرجع مخنوقه واذا حضرت مجتمع او زواج ابي انحاش منه بأي طريقه مااقدر أجلس على بعضي عند الناس تجيني حاله ابي انحاش اتضايق اختنق مااعرف حتى اتنفس وصرت لو جيت بشتري ملابس جديده يجيني وسواس يقولي يمكن ماتلحقين تلبسينهم اعوذ بالله من ابليس واحيانا اذا حكوا ان شاء الله بالعيد الجاي والسنه الجايه اقول يمكن مااعيش ولا الحق اشوف السنه الجايه .. وصرت مااحب طاري الناس الميتين لاتجيبون طاري احد مات او احد مريض كله من الخوف اللي فيني يابنات انا اول مااخاف قويه جدا لدرجة اني كنت احلم اني اروح اجاهد من قوتي مااخاااااااااااااااااااااااااف ..فجأه تحول كل قوتي وسعادتي للعكس صرت انسانه نظرتي سوداويه .. وكلها من شهرين تقريبا ً ..
وصرت احلم بثعاااااااااابين وحشرات واحيانا الثعابين اول تحاول تلدغني واحيانا احلم بناس تجامعني زي الزواج واحيانا اتضايق واحيانا لا واحيانا ااشوف ناس اعرفهم رجال من قرايبنا يجامعوني واحيانا اتضايق لاصحيت واحيانا اشوف زي ماقلت حشرات وزواحف بأنواعها كثير ..
قالت لي امي بنعزم البنت واهلها كلهم وناخذ من غسول الفناجيل ونبي نبدا نقرا عليك عند شيخ .. وإن شاء الله ترجعين احسن من قبل وأنا مؤمنه بالله كثير ..
بنات انا الحين مختصره لكن ماابيكن تملن من كلامي والا الاعراض اللي جاتني كثيره وتعبتني ..
اخاف من الزواج ومن كل شيء كل شي لدرجة ان امي لو تروح مشوار اخاف عليها ابيها ترجع بسرعه اذا نامو اهلي وش اسوي احط يدي قدام خشمهم اسمع التنفس اخاف يختنقون والا يصير فيهم شي ادري ماراح ارد قضاء الله وقدره لكن الله يعلم انه غصبا علي والله غصبااااااااااا علي ]...يارب أشفني وأشفي مرضى المسلمين وأحفظ لي أهلي وأعطنا طولة العمر برضاك وارزقنا السعاده وكل من زارت صفحتي ارزقها مثل هذا الدعاء يارب
طمنوني بنات انا فيني شي يخوف قولو لي اي شي يطمني تعبت ان شاء الله ودي اطيب يارب ودي ارجع زي اول ..ودي اكون بقوتي اول لو اسافر لحالي في بر مظلم ماخفت ..
كيف ؟؟؟
ياااااااارب من عندك يارب ..سامحوني طولت كثير بس مالي بعد الله غيركم ماشاء الله قلبكم كبير ويوسعني ويتسع لي وراح تسمعوني وتفيدوني ان شاء الله ..
العالميه الصفراء @alaaalmyh_alsfraaa
عضوة نشيطة
يلزم عليك تسجيل الدخول أولًا لكتابة تعليق.
الله يشفيك شفاء لايغادر سقما
حبيبتي اكثري من تلاوة القران
ولاتنامين الا وانتي على وضوء واقري الاذكار لاتخلينها ابدااااا
لا تجلسين بالبيت روحي واضغطي ع نفسك
ولا تنامين لحالك ابد الا اذا تحسنتي وحسيتي انك قادرة تنامين لحالك
واي احد يجي لبيتكم خوذو من اثره
والله يشفيك
حبيبتي اكثري من تلاوة القران
ولاتنامين الا وانتي على وضوء واقري الاذكار لاتخلينها ابدااااا
لا تجلسين بالبيت روحي واضغطي ع نفسك
ولا تنامين لحالك ابد الا اذا تحسنتي وحسيتي انك قادرة تنامين لحالك
واي احد يجي لبيتكم خوذو من اثره
والله يشفيك
الضـــيّ
•
اتعوذي من ابليس
وانا احسه افضل انه المطوع يقرى عليييج
ويفضل بعد انج تشغلين سورة البقرة في البيت او قي حجرتج ..،،
والله يفرج همج ياااااااااارب
وانا احسه افضل انه المطوع يقرى عليييج
ويفضل بعد انج تشغلين سورة البقرة في البيت او قي حجرتج ..،،
والله يفرج همج ياااااااااارب
الصفحة الأخيرة
انا امي مره كانت تحبني من بد اخواتي وفجأه تغيرت 6سنوات وانا عايشه ظلم وقهر قمت اخذت اثر ناس يجونا من دون مااحدد وبعدها رجعنا انا وامي زي اولعلشان كذا ضروري تاخذين من اثرها
والله يشفيك وعندي كلام كثير لانك نفس حالتي برجعلك