:eek: أنا مشكلتي ماحب أجامل ولا أحب أحد يجاملني ،،، فيه ردود صج ماعرف أقولها :08:واللي اعرفهم يعرفوني ، بس المشكله اللي مايعرفوني :11:

ساعات اذا ناس يقولون لي شي،، أقول لهم مادري شنو يردون :o

هلا اختي
انا ما ازيد على كلام الاخوات شي .. لكن .. ممكن اعطيك بعض الردود الي انت ما ذكرتيها ..
يعني فيه ناس جايه بنتهم من السفر .. اذا سلمتي على امها تقولين لها .. قرت عينك بفلانه ..
اذا احد من اهلك كان مسافر و رجع .. و قالو لك الناس قرت عينك .. تقولين لهم بوجه نبيك ..

اذا دخلتي عزاء .. تقولين احسن الله عزاكم و عظم الله اجركم الله يغفر له و يرحمه و يسكنه فسيح جناته ..

اذا دخلتي على ناس ساكنين بيت جديد .. تقولين ما شاء الله منزل مبارك .. و اذا دارو فيك في البيت علشان تتفرجين عليه كل ما تشوفين غرفه .. قولي ما شاء الله الله يهنيكم و يسعدكم و يجعله قدم الخير عليكم ..

اذا زرتي وحده مريضه .. تقولين لها طهور .. ما تشوفين شر ,, و الله يقومك بالسلامه .. و اذا انت كنت شايفتها امس قولي لها لا ما شاء الله وجهك احسن من امس .. (رفع معنويات) .. و اذا جيتي تطلعين من عندها .. قولي .. ما يعقبنا عليك الا العافيه ..

اذا شفت احد ناجح .. قولي ماشاء الله مبروك و عقبال التخرج ..

اذا وحده متزوجه .. تقولين لها الف مبروك الله و الله يجمع بينكم بكل خير ..

اذا احد جاي من العمره .. تقولين له ما شاء الله عمرة مقبوله ..

اذا احد جاي من الحج .. الحمد لله على السلامه .. و حج مبرور .. الله يتقبل منى و منكم صالح الاعمال ..

اذا هو بدايه رمضان .. تقولين الشهر مبارك ..

اذا هي العشر الاواخر تقولين .. مبارك العشر

وش بعد تعبت ........

اذا وحده والده .. الحمد لله على السلامه .. و مبروك ما جالك .. تربى بعزكم ان شاء الله الله يصلحه و يخليه ..

و اذا كنت معزمه .. تقولين للي عازمينك .. انعم الله عليكم ,, و كثر الله خيركم ..

و اذا احد جابك لك هديه .. تقولين .. مشكوره .. و الله يجزاك خير .. لا خلا و لاعدم .. بس ما كان له داعي الكلافه ..

.... هذا الي في بالي ان شاء الله اكون افدتك .. :17:

مرحبا بنات..
فعلا الموضوع جميل ولطيف .. وهو يعتمد على لباقة الشخص وذوقه والاخت الهندية ماشاء الله ماقصرت كفت ووفت

بس احب اضيف
في نهاية زيارة احد من الصديقات وشفتي احد عندها اول مرة ممكن تقولين وانت طالعة تشرفنا وفرصة سعيدة
واذا احد قالك هذا الكلام ممكن تردين عليه / وانا اسعد وانا اللي زادتني معرفتك شرف....
في اي موقف حزين مثل العزاء ممكن تضيفين بعد عظم الله اجركم واحسن عزاءكم حاسمة الشر او خاتمة الاحزان انشاء الله

ولا بد من بعض العبارات اللي فيها مواساة .. اما في حالة زيارة المريض لابد من رفع المعنويات والبشاشة مو ضيقة الخلق؟؟

يعني هذا اللي في بالي الان


ولكم تحياتي:26: :26:

يسلموووووو حبيبتي الهندية ...:26:
الــــف شكر لك ...صراحة كتبتي اشياء مرة مفيدة ...^ـ*


و يسلمووو حبيبتي البنت الحنونة ..
:26:
و زينــ الموضوع اعجبك ...:27:

بناااااااااااات خطر في بالي سؤال ... اهل العزاء يعني اذا جو الناس يزرونهم .. و قالوا لهم ..عظم الله اجركم أواحسن الله عزاكم وش يردون ؟؟؟؟ :21:


اوكيـــ اذا كنا في العيد و قالي احد ..كل عام و انتي بخير اكيــد بقول و انتي بخير ..
لكن !َ!
اذا قاليــ احد عيدكم مبارك وش اقول ؟ هل اقول علينا و عليــكــ ؟

و اذا احد قال من العايدين هل ارد عليه من الفايزين ؟