بنااااااااااااااااااات اقرو اقرو والله روووووووووووعه هههههههههههههههههه

السلام عليكم ياحلويين .. يالعيارين
وش لونكم وش اخباركم وش لون الاجازه ((والنتايج))>>لونها ازرق خخخخخخخخ
مدخل:موضوعي هذا صراحه انجاز اني كتبته لان كل ما طلعت لغرفتي اكتب الموضوع جا احد ناداني ……
مره امي تقول:هلاليه تعالي قطعي السلطه
ومره تقول:طلعي الغسيل للنشافه
ومره تقول:شوفي ليش أختك الصغيره تبكي
المهم حاله ,, يعني إذا كان الماظوع اوب زين والا ماصل فهذا بسبب الظروف ((ولا تواخذوني)) على القصور بس تراه طويييييييييل بس مايهم أقروه وش واركم ماتقرون أقروا
الــــــمــــــــوضــــــــــوع
..
..
..
7
في يوم من أيام السنه >>ترجمة في سنة من الأيام >>تسمع بالتطور
كنت قاعده اناظر التليفزيون وما وعيت إلا
اختي لمياء تصرخ باعلى صوت وتقول:هلاليه الحقيني الحقيني سرسور سرسور (يعني صرصور )
قلت: طيب وش اسويلك عادي
قالت:اقولك سرسور اسود طيار كبـيـيـر مره مره مره
وعاد يوم جيت والاقيه خمفس صعنطوط مره مره ياحرام مظيع امه
قلت بستهبال:هذا السرسور الكبير
قالت:ايه شوفيه
قلت :وجع يوجعك مناديتني عشان حمفسانه صعيره ياقلبي عليها تزنن
قالت بدلع: والله خمفس سرسور مالي دخل يلا اوطيه وشيليه بالمنديل وارميه في الزباله بسرعه بس لاتذبحينه قدامي مااتحمل اشوف احد يموت……..
وانا الي يرتفع ظغطي وا صكها هاك الطراق واشيل الخمفس واحطه في جيبي واوديه للحوش
عشان افتك من حنتها حطيت الخمفس بالحوش ودخلت البيت
قالت امي:روحي نادي لمياء وتعالو تغدو شوفو ابوكم جا من الشغل
قلت: طيب
رحت بنادي لمياء والاقيها تصيح بقوه من اثر الطراق
جيت بسوي نفسي غشيمه
قلت: لمو تصيح>>تدليع مصلحجيه,,
قالت:ابعدي عني انا مخسماك >>
قلت :انا ليش وش سويتلك
قالت( وهي بتتقطع):شوفي وجهي من تراقك يا متوحشه
(الشهاده لله وجهها فيه لعبه والمشكله ان طراقاتي لها بصمه مميزه مره
يعرفها ابوي زين امازين)
قلت :لمو روحي انتي والله انا آسفه مو قصدي لاتزعلين يلا الغدا جا روحي غسلي وجهك
واذا سئلك بابا قولي حساسيه>> مع اني عارفه انه ماهوب مصدق بس يله نجرب
قالت:لاءه لاءه لاءه
قلت:لوى يلويتس يالحيوانه بتسمعين الكلام والا ،،(وكفست اكمامي وعدلت يدي على شكل بوقس،)
تبين علامه فارقه ثانيه
قالت:لالا خلاس يا متوحشه
قلت: طيب صيري خوش بونيه وانزلي قدامي
قالت:لاءه
حمقت وطلعت عيوني وقلت:وشو الي لا
قالت:انتي انزلي قدامي اخاف الاقي (مرسي)او(فكيهه)في الطريق>>مرسي وفكيهه هذولي الفيران حقتي جابها لي بابا من مصر
قلت:لاتخافين يالخكريه حاطتهم بالقـفص
قالت:تيب يلا نروح
وماصدقت انها نزلت ،،
دخلنا غرفة الطعام وانا خايفه من بابا
قلنا انا ولمياء:على القوه
قال: الله يقويكم
جلسنا جنب بعض
غرفت لي سلطه وورق عنب بدون ملعقه
جت المخفه لمياء وقالت:يكي يكي هلاليه فيه اختراع اسمه (سبون)
قال بابا:لحظه لحظه (انا غصيت بورق العنب) ،،لمياء وش هذا الي في وجهك؟؟
(انا صب عرقي)
جت لمياء طالعتني وانا غمزت لها (يعني دبريني)
قال بابا: لمياء ليش ما تردين ؟؟
طالعتني مره ثانيه انا حطيت وجهي في الصحن
قال بابا:اها الحين فهمت هلاليه كم مره قلت لك لا تمدين يدك على لمياء
قلت بحركات بزران والخسه في فمي:***** الله يا بابتي خلاص موب طاقتها مره اخرى
(( وانا اضحك))
طالعني وقال:اتمنى ذالك
قلت في نفسي:ايه هين يصير خير اول تبطل رخامتها وتصير خوش بونيه بعد كذا افكر
((لاحظو قلت افكر يعني مو اكيد))
جت لمياء بدون سابق انذار قالت وهي تصيح:بابا طقتني بقوه مره والله
عورتني
قال بابا :ادري ان العربجيه هذي عورتك لاكن طيب اوريها شغلها عندي
قالت لمياء:يعني بتطقها
قال بابا:لا لانها استجلدت الظرب عندها صار زي شرب الما
ثمن الـتـفت بابا على ميمتي وقال:وانتي ليش ماتمسكين ولدنا الثاني،،(يقصدني)،،عن هالمسكينه
قالت امي: انا وش اسوي اصلح الغدا والا اشوف بناتك والا اباري امك الي بالمستشفى
قال ابوي: على طاري امي وش فيها لو استغنيتي عن جمعة الحريم الي عند ام صالح ورحتي زرتي امي اليوم
دخلت عرض وقلت:ايه ايه يمه حق وواجب هالعجيز المخرفه حسبت امك لازم تزورينها
قالت امي : انتي انطمي طاعون يشق بطنتس
قلت: ***** الله
قال ابوي: هلاليه ذا العجيز المخرفه الي تقولين عنها جدت الجيران؟
قلت:لا لا يبه وش فيك قمت تخرف ذي امك هيله ما عرفتها
قال:امي هذي تصير جدتك يا..................الخ
قام وسبني وما بقى عني ولاكلمه الا قالها

المهم نشبت الهوشه بينهم وزعل ابوي وقام ما كمل غداه وامي بعد والدلخه اختي
عاد انا انتهزت الفرصه واكلت صحني وصحن امي وصحن ابوي وصحن لمياء و رحت سيرت على القدور الي في المطبخ وشيكت على صحن الشغاله بعد>>ترى انا مو مشفوحه
(بعد الهوشه ابوي دخل ينام وامي اتصلت على خالتي تعطيها النشره بالتفصيل ولمياء بدون ما ادور عليها ادري انها مشغله اغنية كل القصايد وتقرا كتاب)
وانا رحت العب بليستيشن>>اقروه مفرق بليس_تيشن>>تيشن ذا شكله ابو بليس

وطبعا كان شريطي المفضل (مصاص الدماء)

ويوم تحمست جا الحما طااااااااااااااااااااااااااااط ابوي
وناداني يوم رحت عنده
قال:صح انك بثره بس ماحد يفهمني الا انتي
بلعتها وسكت
قال:نويت اصلح كشته
قلت: طيب وش المطلوب
قال:التجهيزات من الالف الى الياء
قلت: ازهلهاااااااااااا
وخلال نص يوم تمت التجهيزات حقت الكشته من قبلي من الى
جا وقت الروحه
طبعا انا لابسه بنطلون جنز برمودا ومعه حزام ماسك للخصر وبلوزه صك احس مصاريني
بتطلع من فمي بسبتها بس لازم استحمل لزوم الكشخه
دخلو بنات عمي وقالو:سلاااااااااااااااام يالهلاليه ياصاحبت الطله البهيه
قلت:شكرا شكرا جبتو العده
قالو:ايه افاعليك بس
قلت :وش جبتم
قالت ريا: بصفتي اكبر وحده في القروب حقنا انا الي بقولك وش جبنا
قلت: يله هاتي الي عندك
قالت كرتون ببسي* كرتون مليان شبسات مشكله* 5اكياس حب*
كميرافيديو*كميرافتوغرافيه* أرقيله*تتن*دباب *استريو*شنطة اشرطه قديم وجديد*
كيسة شماغات*(لزوم دق اللثمه).)
قلت: بعد حيي والله يا ريا تربيتي فيك ماظاعت
قالت :ولو تلميزتك
قلت: بعدي والله .تدرون وش انا جايبه
قالو:وشو
قلت:الاسبير حق اللاند كروزر
قالو:واااااااااااااااااو يعني بتطعسين بنا

قلت:أفا عليكم ازهلوهاااا
جت الجازي بنت عمي وقالت: تأخرتم اخوي فيصل معصب برى
قلت :طيب يا لمياااااااااااااااااااااء صمخ انزلي
طولت السالفه والاخت ما نزلت
قمت وطلعت عندها قلت:لمياء يلا بسرعه
قالت:تيب
نزلت وهي وراي
جو القروب حقي وظحكو
قالت لمياء:ليش تظحكون
قالو: من لبسك وش ذا الي انتي لابسته
قالت:وشو ترنق رياضه ونظاره شمسيه وجبت معي اللاب توب والروايه حقت (هيري بورتر)
قلت: ليش وجهك يلمع
قالت: واقي من الشمس
قلت: اعن ابوبليسك أي شمس وحنا مالنا كم يوم طالعين من المربعانيه
قالت: ماعلي منكم مو قلتم بنروح الدزرت ومافيه دزرت مافيها شمس
قلت:بنات خلونا نطلع لايجي فيصل(ولدعمي ) ويلعن ابوجدنا ترى تأخرنا مره
وركبنا الجيب مع فصيل والاقيه مشغل (خالد عبد الرحمن)
وبحركه خطافيه دقيت المسجل وطلعت الشريط ودخلت بداله شريط( ابو صالح سرى ليله)
8
8
8
لاحظو كل هذا بحركه خطافيه
جا فيصل قال: ممكن اعرف مين الي مد يده وغير الشريط؟؟
قلت:لمياء
(واشوى أنها مطنبسه راسها بروايه هري بورتر على قولتها ولا كان أفظحتني )
قال:اذا لمياء عادي اصلا لو تبي اخلع المسجل وارميه عاااااااااااااااااادي
انا طرطعت مكاني بس سكت وقلت في نفسي(رخمه يحب مايعه)>>ترى انا مو مقهوره
وصلنا للمخيم والاقي الزحيف عيال عمي مظبطين الخيام
وكانت عباره 5 خيام
قلت: يبه نبي خيمتنا حنا البنات وحده من هالخيام
قال: طيب >>>شكله كان خايف أصكه طراق خخخخخخخخخ
المهم .. عاد نزلنا الأغراظ وعينا خير وكان الوقت قرب المغرب وطبعا ماراح يمدينا نظبب اليوم
قلنا راح نخليها باتسر
طبعا هذي الليله ماعرفنا نام كل شوي تصرخ لميوه
مرة تقول سرسور ويطلع كسرة فحم طايحه ومره تقول شي يطير وشكله يعظ وتطلع فراشه
وعلى ذا الحال لين رحت جبت مفتاح وحده من السيارت وخليتها تنام فيها عشان احنا نقدر ننام
وبعد ليله ما بها ضو قمر طلع الفجر
وصلينا وبدينا نجهز لرحلة التضبيب طبعا لمياء شافتنا وأحنا نجهز
قالت : What do you do؟
قلنا : بنروح نضبب مع ابوي بعد شوي
قالت : وت نظبب دز مين ؟؟
قلنا : خلاص تعالي وأنتي تعرفين
قالت : OK
المهم .. رتبنا كل شي و انطلقنا
قالت لمياء : دادي ممكن تشغل هذا الكسيت
وعطته شريط
قال : امري
دخله ابوي في المسجل .. شوي إلا وناس يصرخون ما ادري وش يقولون
قلت يبه وش ذا ؟؟
قال:هذي أغنيه أنقليزيه
قمت وطمرت قدام وطلعت الشريط وذبيته مع الدريشه
قالت لمياء : Why you do this
قلت : انثبري مابقى إلا ها الهبال نسمعه
(ابوي ما قال شي شكله كان وده يسوي إلي سويته بس خاف تزعل )
لأنها على قولته حساسه
المهم .. وأحنا نمشي لقينا ظب توه بيدخل جحره وقفنا السياره ونزلنا عشان نمسكه
وأبوي يمشي شوي شوي عشان مايدري عنه الظب
انزلت لميوه وبس شافته وهي الي تصرخ صرخه مدويه خاف على إثرها الظب ودخل إلى جحره ......
و قعدنا نهاوشها ونقول لها : ليش سويتي تسذا
قالت : يماااااااااااااااا شكله يخوف
قلنا شكله يخوف هاه هين
و اغمز للجازي و ريا (بنات عمي)
ونا خذها ونربطها بأخر الجيب ونلزق أفمها وكل ما صدنا ظب رميناه عليها
وهي بتموت من الخوف
وتنقز مكانها
رمينا الظب الاول والثاني والثالث الظب الرابع البنت مالها حس ويوم التفت والاقي لميوه مغمى عليها
قلت:يبه يبه
قال:نعم
قلت:يبه خلينا نرجع للمخيم
قال: ليش؟؟
قلت بعصبيه: خلااااااااااااص مليت ابغى ارجع
قال: طيب طيب
وفجأه لقينا فيصل معه العيال ، وقف ابوي جنبه
وقال:يافيصل خذ البنات وودهم المخيم وعطني العيال نكمل تظبيب
قال فيصل: طيب
قلت لـ ريا والجازي :شيلو لمياء وركبوها ورى واقعدو معها وانا علي فيصل
قالو:طيب
هم ركبو ورى وانا ركبت جمب فيصل
قلت:فيصل لك والا للذيب
قال:يخسى الذيب لي اكيد
قلت:شف بالعربي ودنا المستشفى
قال: ليش ؟؟؟؟ سلامات
قلت: ابد سلامتك بس الدلوعه لمياء عليها قل صح
حمق وقال: وشو لمياء وش فيها؟؟
قلت:وش اسمه هذامدري اقول كيف الحال؟؟
الرجال ما عنده وقت ظرب فرامل ووقف وفتح الباب الي ورى وشال لمياء ووداني ورى وركبها مكاني وقعد طول الطريق وهو يمسح على راسها ويقو: لمياء ردي علي وش سوبك المجرمات ذولي وما بقى الاشوي ويصيح
خشيت عرظ في السالفه وقلت:ياخي لا تقعد تسويلنا فلم مصري من طقت افلام فاتن حمامه و ترى البنت موب لمك ترى هي محجوزه لـ مشعل ولد خالتي الشاب المليح ابو اللسان الفصيح
قال وهو ينافخ:احنا في ايش وانتي في ايش
قلت:طيب لاتنفخ ولا تقعد تلمسها كثير عشان مايروح مفعول واقي الشمس ولا تشغل الحميه عند مشعل رجل اختي المنتظر
وما وعيت الا وذاك الطراق الي طيرني ورى
المهم ..وصلنا المستشفى ودخلناها الطوارئ

جا الدكتور المصري وقال: هي في حد خوفها او رعبها دي البنت في حالت خوف شديده
هي حصلها ايه بالزبط
قام فيصل يطالعني بنظرات حقد
وقال:يمكن شافت شي خوفها يا دكتور
قال الدكتور:عموما انا علئت لها مغزي وحطيت معاه موهديء حينومها لبكره الصبح ***** الله
قال فيصل:طيب نقدر نشوفها الحين
قال الدكتور:معلش لا مواخزه هو حضرتك اخوها
دخلت عرظ وقلت:لا يادكتور يحبها
قال الدكتور: ايه بتئولي ايه
قال فيصل:تقول اخوها
قال الكتور:لا دي آلت كلمه بس ما سمع تهاش
قال فيصل:خليك منها الحين وركز معي نقدر نشوفها والا لا
قال الدكتور :لا
قال فيصل:طيب يلا يابنات
طلعنا برا وهو يناظرني بحقد تقل ما كله حلال ابوه
قلت في نفسي والله لارفع ظغطه)
مريت من جمبه
وقلت:يالي تطالع و تشنك ما تطالعني نظرتك هذي يالي تحب اختي لاتكررها
صحيح تخوف ولاكن صعب تخوفني انا على الطاير اخوفك واخوفها
لمياء اختي انا اعرف بحالتها لوجبت مليون دكتور مارح يعالجها
علتها الي جتها تراهي من عندي والي براس امه حرش يقابل بالطلعه
قال فيصل :هلاليه انا مو ناقص رجه
قلت:اخيرا اعترفت انك مرجوج
قال:هلاليه صيري عاقله مره وحده بس
قلت بصوت عالي:ليش مين قال انه انا موعاقله ؟؟ لايكون انت يالي صاقط بـ ثالث ثنوي مرتين
قال:هذي ثالث ثنوي لا وعلمي بعد وبدون مدرسين لاولما عدتها نجحت بنسبة 98% موزيك يالي صقطتي في ثاني متوسط ومع مدرسين
المهم بدت الاصوات تتعالى لين جا واحد رجال لابس ملابس شرطه ومعه عصات بيسبول
وقال :لو سمحتم تفظلو معي
قلت:لاشكرا الوالد مستنينا على كبسة ظبان يحبها قلب قلبك
قال الرجال:اقول تفظلو معي برا المستشفى
قلت:ليش ****له المستشفى حق ابوك يعني والاحق ابوك والايمكن حق ابوك
قال الرجال:انا هنا(سكيورتي)يعني حارس امن
قلت:بعدبعد زقرتي يبي يطلعني اسمع يا فصيل طنش تعش تنتعش وخلي الزقرتي ينفقش
قال حارس الامن :يعني موب طالعين
قلت:لاءه على قولت لموش
قال فيصل: انثبري ما بقى إلا انتي تتكلمين عن لمياء
قلت: ليه والله ان لها الشرف اتكلم عنها
قال حارس الامن : لو سمحتوا أطلعوا برا قبل لا انادي باقي الحراس ويطلعونكم بالقوه
قلت: نعم نعم أصلــ ......،،( جا فصيلوه وحط يده على فمي وطلعني برى)
قلت:شف يا فيصل لين الحين وانا محترمتك ومقدره فارق السن فلا تسوي حركات تخليني فيها اتعامل بدون احترام
(طالع فيني من فوق لتحت )
وقال :كل هالملاسن مع الاحترام اجل بدون احترام كيف وبعدين وش فارق السن
كلها 3مدري4 سنوات
(طبعا احنا رحنا للسياره والجازي وريا قاعدين عند لمياء)

شوي الا ويدق جوال فيصل هوطالع في الشاشه وتطير عيونه
قلت:وش بك الشرطه دقو
قال:لاءه>>متاثر بلمياء
قال وهو مرتبك:أأأأأأقووووول هههههههذاا أأأأأأبوووووك
قلت وانا اتريق:وووووووووالله
قال:عن الطنازه وخذي ردي على ابوك (ورمى الجوال علي)
قلت:امسك هذا عمك رد عليه انت(ورميت له الجوال)
قال: هذا ابوك ردي انتي(ورمى الجوال علي)
قلت:طيب رد اذ ا انك رجال والا انت شاطر في المغازل اما في مواجهة الرجال تطلع اخو خواتك
قال:احترمي نفسك والله اني رجال وهذاني برد بس عشان اثبتلك
ودارهذا الهرج بينهما(الرخمه فيصل*والـ... ابوي)
فيصل:أأأأأألو
ابوي:سلام وينكم
فيصل:احنا هنا والله العظيم اننا هنا
ابوي:يعني وين
فيصل:شف ياعمي الله يسلمك أأأحنا في عند وشسمه هذا اقول كيف الحال
عاد انا حامت تسبدي من رخامت فصيل واخذت الجوال
وقلت: شف يبه لمياء تعبانه واحنا في المستشفى
قال:أي مستثفى
قلت:صراحه مدري خذ فيصل يوصفلك
وعطيت الجوال فيصل ونزلت من السياره ورحت البقاله اشري ببسي
ويوم رجعت لقيت فيصل يندب حظه
قلت:فيصل وش بك
قال:ابد سلامتك ابوك اخذ الوصف ودقايق وهو جاي
قلت:ايه ازين بنتهم و لا بنتي
زاد فيصل في ندبه لحظه وانا فتحت الببسي وبا غته بهجمه وهو رد علي بهجمه مرتده>>كل هذا سواه الببسي
ساعه الانص,, مدري نص ساعه ,,مدري ساعه ونص >>عاد كيفها مدري
ثمن جو
ابوي وامي
ودخلو كلهم جوا المستشفى (باباوماماوفيصل)
اما انا دخلت بعدهم >>اجل تبوني ادخل معهم عشان ابوي يتغدى فيني
بعدين ابوي راح عند الدكتور وامي تصيح وانا واقفه ورى فيصل لاني خايفه من ابوي
يوم طلع ابوي من عند الدكتور
قال:يامره قومي نشوف البنت
ودخلو امي وابوي
وانا بعدهم
وجا الاخ فيصل يبغى يدخل
وانا الي اوطى رجل ابوي وااشر له على فيصل
قال ابوي:سلامات يافيصل وين بها
قال فيصل:بها معكم
قال ابوي: اقول احترم نفسك وانثبر برا
عاد انا رحمته وقلت مانيب داخله وبقعد معه
قلت:فيصل عندي لك موضوع عن لمياء تعال نطلع برا واعلمك عليه
قال:طيب يلا
ويوم ركبنا السياره
قال:وشو الموضوع الي عن لمياء
قلت:استهبل ماعندي شي هههههههههه هكيت عليك ايها الدلخ المليح
قال:شكرا شكرا الله يسامحك ،، ويوم ركزت في عيونه لقيتها مليانه دموع
قلت:فيصل انت تصيح
قال:ايه
قلت وانا متأثره :ليش لاتكون زعلت مني على الهبال الي سويته معك ترى والله آسفه
قال :لا لا عادي
قلت:اجل وش سنع هالدموع
قال:بقولك بس لاتتطنزين
قلت:لالا اوب موتطنه
قال:الحين صدق مشعل ولد خالتك حاجز لمياء
وانا الي اظحك الين طقت جنوبي
قال:ماقلتلك لا تتطنزين
قلت:اولا: وشي لمياء ذي كرسي وطاوله قدام بفصل في الابتدائي كلن يحجزها مره
ثانيا:يا اذكى خلق الله مشعل هذا عمره 20يوم بس>>ترى مومقصوده
قال فيصل:اجل هذي آخرتها بزر
قلت:صدق ياسر القحطاني يوم قال
كانك تبي تشوف الذل في صوررته صح
شف دمعة الفرقى على خد رجال )

(شوي جت الجازي وريا وركبو)
قالت الجازي:اسمع يا فيصل عمي يقولك رجعنا البيت
قال: والباقين الي في الخيمه
قالت الجازي:عمي سعود اتصل عليهم وقالهم يروحون البيت
قال:طيب ولـ..
قاطعته وقلت:ابوي يقولك رح ودنا للبيت ياخي خلاص ودنا للبيت وارجع عسكرهنا
قال:طيب
يوم وصلنا للبيت اتصل ابوي
قال:وصلتم
قلت:وش رايك يعني بترد عليك ظلا لنا
قال:اشوف لسانك طال
قلت: اصلا اللسان ما يطول اخذ ناها في العلوم يوم اني برابع
قال:عطيني فيصل واذا وصلت نتفاهم
قلت:طيب يافيصل ابوي يبغاك
جا فيصل قال:الو
قال ابوي:اسمع العيال(يقصدعماني) ماراح يخلصون من ظف العده الا بكره عشان كذا خلك عند البنات في البيت
قال فيصل:طيب ,,وصك التلفون
(طبعا الجازي وريا دخلو نامو على طول من التعب)
( يوم رحت للتيس فيصل لقيته منجطل على الكنبه ويناظر بنت عجرم)
قلت له:فيصل وش دعوه منجطل على الكنبه يعني ما عندنا غرف تظف نفسك فيها
قال:الا عندكم بس حرام الواحد ينسدح ويطالع التلفزيون
قلت: ايه حرام وبعدين الساعه 1ومايصير تسهر بكره متى بتصحى عشان نروح نجيب امي وأبوي ولمياء
نط من مكانه وقال:والله أنك صادقه
قلت : ما احتاجك تقولي أني صادقه أدي من قبل أشوف خشتك
قال:طيب بنام بالغرفه حقتك
قلت:لا يا بابا فيه شي اسمه ملحق
قال :هذي آخرتها تنوميني بملحق يا بنت العم
قلت:عمت عينك
قال:عن الملاسن وقوليلي وين بتنوميني
قلت:انت وين تبي تنام به
قال: ماقلتلك بغرفتك
قلت:طيب
(ملحوظه فيصل يبغى ينام في غرفتي طمعا في انه يشوف صور لمياء الي مرززتها في كل مكان بس طل بعينه شلتها كلها وحطيت بدالها صورتي انا وخروف العيد وشغالتنا سرتي ويوم دخل
قال:وين صوركم
8
8
والله وساعة وجه
قلت:هذي (واشرت له على صورتنا الجماعيه حقت خروف العيد)
قال:لا لا وين صور لمياء
قلت:فصيل بترقد والا والله ترى بصكك طراق زي الي اعطيها للمياء اذا ارتفع ظغطي
قال:لاءه خلاس بنام>>ماقلت لكم متأثر بلمياء
(طبعا هو نام بسرير لمياء ووهو خام دبدبوبها وانا نمت بغرفة أمي وأبوي وانا لابسه شال الهلال)
وما وعيت الا وفيصل يصحيني على آذان الفجر وكان كاشخ على سنقت 10
قال:صباح الخير لاحلى بنت عم
قلت:لاحوووووووووووووووووول مصحيني من صباح الله خير وش تبي
قال:الي امس قلتيلي عليه
قلت:وشو
قال:هلاليه لاتنكتين
قلت:لا والله وانت كفو الواحد ينكت معك
قال:ليش والله اني حلو ومملوح واهبل حتى شوفي كشختي
قلت:أي كشخه لحظه انت من وين جبت الجل والبلوزه والبنطلون والعطر
قال:ابد الله يسلمك رحت البيت ولبست وجيت
قلت:ماشاء الله كل هذا عشان لمياء والله أنك تذكرني بعنتر ابن الملوح وقيس العبسي
قال: انا مدري وشلون وصلتي للثنوي انتي وذا المعلومات
بس ماعلينا يلا قومي نروح للمياء
قلت : طيب أنزل وانا جايه وراك ولا تنسى تقوم الجازي وريا عشان يجون معنا
قال : طيب
رحنا المستشفى ولقينا امي وابوي ولمياء جاهزين
ركبنا السياره
قال فيصل : الحمد لله على السلامه
قالت لمياء : الله يسلمك سوري تعبناك معنا
قال : لالا تعبكم راحه
المهم .. وصلنا للبيت ولما جينا ننزل نزل فيصل وفتح الباب للمياء
قالت لمياء لفيصل :
Thanks for every thing
وراحت .. والرجال قعد واقف قدام باب السياره
ولما نزل أبوي جيت عند فيصل وقلت له : ياخي خلاص انقلع رح بيتكم هذاهي قالت لك مدري وشو بالنقليزي
يلا اشوف ظف وجهك نبي نروح نرتاح
قال : طيب يلا مع السلامه
وبعد اسبوع أجتمعنا ببيت جدتي لأنها كانت طالعه من المستشفى
وعرفنا أن فيصل بيسافر برا عشان يكمل دراسته
وطبعا ودعناه كلنا
ولما جا يروح قال لي : هلاليه ألحقيني عند الباب بكلمك
قلت : طيب
لحقته وقالت له : وش تبي
قال : بسألك سوال بس الله يخليك جوابيني بصراحه
قالت : امر وش تبي
قال : لميا تحبني ؟؟؟
قالت : تبي الصدق
قال : اكيد
قلت : لا الصراحه هي تعتبرك مثل أخوها
قال : الحمد لله
قلت : غريبه المفروظ إنك تزعل
قال : لا عشان لو كانت تحبني أكيد بتتعب وبتتظايق لمن أسافر بس الحمد لله أنها ما تحبني عشان
أنا الي أتعب مو هي
( والله العظيم أني صحت يوم قالي كذا )
وهو بعد صاح
وقال لي : أمانه لا تقولين لها أي شي صار خليها بيني وبينك
قلت : أوعدك يكون سر و عقبال ما ترجع بالسلامه يارب وأخطبلك الي أزين منها
قال : مافيه ازين منها (قالها وهو يتنهد )
قلت : ياشيخ وسع صدرك
قال : طيب يلا مع السلامه لأزم أروح ألحين أجهز أغراضي عشان باتسر وراي سفر
قلت : مع السلامه
هو راح وانا رجعت البيت >>نحسبك رحتي معه
وتوتا توتا خلصت الحتوتا
ماني قايلها أدري اني طولت لأني أدي انكم تدرون اني ادري اني طولت
8
8
بثااااااااااااااااااااااااااره
تحياتي الحاره .... هلاليه**وأفتخر! والي مو عاجبه ينتحر
نقلتها لكم
هدووووووووووي