asma181
فعلا احنا ما نختلط ببعض ماأقصد ( الاختلاط بين الرجل والمراءه لااااااا اقصد الاسر ما تختلط بأسره ثانيه)
فعلا احنا ما عندنا زواج من برى القبيله فما بالك من غير السعودي
اما ما يخص المهور والعصمه فهذي بلى شك يحكمنا فيها الاسلام في السعوديه ونحن عندنا الخلع يعني تخلع الزوجه زوجها وهوفي الاسلام وترد له المهر اما المهور لاتحدد في الاسلام واحنا نتزوج من دون موافقة الولي بعد سن 25 تسوي عضل للاهل ويكون وليها القاضي وايضا هذا في الاسلام
وقصدت في سؤالي انكم ياتونسيات تقبولون انكم تكونون زوجه ثانيه وثالثه ما عندكم مانع اذا كان سعودي


اشكر مرورك على موضوعي لان مشاركتك اوضحت لي اشياء وأثرت موضوعي
واخيرااسأل الله رب العرش العظيم ان يهنيك انت وزوجك ويحفظك من كل سوء

شوفي اختي انا اشوف ان تاخر الزواج سببه شروووووووووووط الرجال الغير طبيعيه يبي وحدة جميييييييييييله كل الجمال فيها ويبي وظيفتها زينه عشان الراتب ويبي اهلها ناس سنعه مو اي ناس ويبيهاا قبيليه ومو من اي قبيله؟؟؟؟؟؟
والله كانه مقدم على سيارة يبي كل الصفات الزينة فيها وبس ويبيها كامله والكامل وجه سبحانه

واشكثر ناس تطلب مواصفات اتوقع انها في حور العين بس
عشان كذا انتشرت العنوسه لان سي سيد يبي من الحور عندة فالبيت

بنظري يعني

أسباب العنوسه

1- عدم اهتمام الأهل بمسألة زواج البنت واعتبار البنت صغيره صغيره لين تطق الـ 30 بعدين ينتبهون لعمرهم

2-نزوج من هالقبيلة مانزوج من هالقبيلة

3-رجال متزوج لا رجال مطلق لا رجال يسافر كثير لا رجال كان يشرب وهو بالثانوي وبعدين التزم لا رجال ابوه متزوج 3 حريم والعائله كبيره وش لك بهالزواج ومن هالخرابيط رجال امه بحرينيه وش تبين فيه شرايكم :D

4- غلاء المهور ولو إن ابوي فديت قلبه ماتهمه هالأمور ومن بعد عرس خالي

وهو مفهمني إن أي شخص بيتزوجني ماراح يطلب منه عرس بصالة ومن هالخرابيط

يعني عائلي وقضى الموضوع فـ ماأشوف فيه إشكال والمهر حق من حقوق المراه

وياما ناس استهانوا بمهرهم زي وحده ابوها ماطلب إلا ريال وبعد الزواج كان دايم يعايرها

ام ريال ام ريال لين راحت لبيت اهلها زعلانه لانه يذلها بهالريال ولما جا يصالحها قال ابوها

ادفع مهر 50 الف وبعدين خذها ودفع وخذها ولا صار يعايرها من بعده عموماً

ماأحب الظلم ولا ودي أحد يستهين بسالفة المهر ياما ناس اكتبوا بالعقد المهر مثلاً

ريال ولا حصل ربع ريال من العريس يشحذون المهر لين ليلة الزواج وكلن واصله طبعاً

4-رابعاً وهو الأهم ... تحيييييييييير ولد العم لـ بنت العم ... وبعدين يعطونها بومبه :D

والله يرزقني ويرزق كل آنسه الزوج الصالح

بنت الكحيله
صح الله لسانك جبتيها تعرفين اول ما قرأت ردك تذكرت شروط أخوي الغربيه الي ماله سنع ولاااااااااا بعد ماعنده وظيفه سنعه فعلا شبابنا طلباتهم غريبه:(

الكحيله
1 * كل ما تقدم لي واحد قالوا لي ليه مستعجله ( طبعا موعاجبهم اتزوج من برى القبيله وحاليا لويجيني خاطب من برى خواتي راح يوقفون لي ) لاحقه على الزواج لما كبرت جاين عند امي يقولون بنتك العانس بنتك العانس
فعلا الاهل ما يهتمون بالبنت والبنت كالعاده الحياء يمنعها
2* والله انك ردك هذا ضحكني حيل ( من المتعارف عليه ان جنوب السعوديه يهتمون بشي اسمه قبيله لما يجون يزوجون البنت حتى لو ما عنده وظيفه اهم شي ان آخر اسمه يطابق مع اخر اسمك ) هذا كله الغاه الاسلام !!!!!! بس احنا
3* صلاح الزوج او عدم صلاحه هذا بيد الاهل والبنت ما تقتدر تحدده لان الرجال مجالس
4* غلاء المهور كان اول الحين الكل يبغي يزوج بنته تعالي شفي مهور بنات جماعتنا ..... مشكلة شبابنا يحبون مهر البنت مره غالي و يتفاخرون في المجالس انا مهر زوجتي كذا والثاني يقول لاانا زوجتي مهرها اغلى من مهر زوجتك المشكله موفينا المشكله بعد في الشباب الي يحبون يدفعون ولااااااا تلقينه يبغي يتزوج ما يبغي يخسر نفسه ولااااااااااا ريال وكأنه يقول احمد ربي اني خطبت البنت وفكيتكم منها
5*احنا من زمان ما نستخدم التحيير الااذا ما نبغي الشخص الي خاطب عندنا فنقول له البنت محيييره ولد عمها او يبغيها ( فعلا حالات كثير من البنات ما تزوجوا بسبب هذي الحركه او يتزوجه وتكون الثالثه او الثانيه او يتزوجه ويطلقه)

الله يرزقك انت وبنات المنتدى بالزوج الصالح