عبووووره كان الله في عونك

بس بما ان العدد كيبييييييير ايش رايك تشترين من الحريم اللي يسوون اكل بالبيت ؟؟
مثلا ورق عنب ومعجنااات كم نوع وصينية مكرونه

وماشاءالله المنتدى فيه كم وحده من الرياض حطت رقم حريم بالرياض يسوون اكل كويس
واطلبي نوعين حلى منها

بس لو انتي اللي بتسوين كل شي فلافضل انك تشترين عصيرااات طازجه "فراوله ومنجا وكوكتيل.."في نفس يوم العشا بس بدري
وكمان رتبي كاسات العصير واغراض السفره من بدري

قلبي معاااك وليتني جارتك كان من بكره تلاقيني عندك اساااعدك:cook:

الله يكون بعونك حبيبتي
بصراحة العدد كبير مرة ماشاء الله ويبي لك شغل وتعب
اذا تقدرين تسوين اشياء وتفرزيها قبلها بكم يوم راح ترتاحين..
كثري من الصواني لانها سهله .. مثل صينية الخضار باللحمة المفرومة..
تجيبين بصل وبطاطس وطماطم وفليفلة خضرة وقطعيها كلها شرائح
بعدين صفي في صينية اول شي طبقة البطاطس وبعدها حطي فوقها
اللحمة المفرومة وفوقها البصل والفليلفة وبعدين الطماطم..
بعدين رشي عليها قليل من الزيت..
وفي كوب حطي قليل من معجون الطماطم وامليه مويه وحركيه لين يذوب
وحطي مع الصلصة البهارات والملح ومكعب ماجي.
وبعدين صبي الخليط فوق الخضار مع اللحم..
غطي الصينية بورق القصدير ودخليها في فرن متوسط الحرارة الا ان تنضج الخضار..
وقدميه .. الطبق مرة حلو وسهل..
وعندي كمان طريقة كيك حلو وبسيط..
المقادير:
2كوب دقيق - 1كوب جوز الهند - ثلاث ارباع كوب سكر
اعلبة حليب ابو قوس - 2بيض- ربع كوب زيت - 2 ملعقة طعام بيكنج باودر
كاس ماء-رشة فانيليا- رشة صبغ الطعام بلون صفار الزعفران..
تخلطي المقادير كلها مع بعض وتصبي الخلطة في صينية مدهونة
وتحطيها في فرن متوسط الحرارة الا ان تنضج من الاسفل ولمن تنضج رشي
جوز الهند على الوجه ورجعيها الفرن الا ان تنضج ..
وبالعافية واي سؤال انا حاضرة..
واذا تذكرت شي راح اقول لك على طول..
تحياتي :26:

اهلين اختي الغاليه ..

ها أنا عدت:cook: مستعدة معي للطبخ.

بسم الله
1_ الرز: - الرز المضغوط.. وهذا تحطينه بلحم.. وعلى فكره هذا ماخذته من المنتدى بس مدري لمين (حفظا للحقوق)!!
ومقاديره كالتالي:
جيبي قدر وحطي فيه الرز وقطع الدجاج(دجاجه كامله):
ثم حطي بالخلاط:بصله+طماطه+فص ثوم +شوية بهارات+ملعقه صغيره صلصه+جزره
وبعدين حطيها في قدر الرز مع اضافة الملح والزيت واعواد القرفهوالليمون الاسود وحبات الهيل والزيت وماء بحيث يغطي الرز كالمعتاد او تدرين قللي المويه اقل من المعتاد لان البخار بيساعد في الطبخ واستواء الرز وبعدين غطيه بالقصدير بأحكام وحطي فوقه الصاج الخليجي علشان يكتمه وما تطلع الريحه وذا يؤدي دور الضاغط
ثم ولعي عليه النار واذا حسيتي انه بدء ينشف اقصري عليه مره وخليه ما ياخذ نصف ساعه
حطي قطعة فحم عالنار الى تصير جمره ثم جيبي فنجال فيه زيت حطيه جوى القدر ثم حطي الجمره وغطيه بسرعه علشان ما تطلع الريحه بتصير ريحة مشوي خذي 10ق وبعدين طلعي الجمره وخذي الزيت وصبي منه عالرز وصبي شوية زعفران بالماء خليه شوي ثم قدميه مرشوش بشرائح البصل ومبشور الجزر المقليه.

-الرز بالربيان:
هذا سهل مره ..
قطعي بصل وثوم صغير مره واحمسيه بشوية زيت وحطي ماجي ثم حطي الربيان وحطي الرز بعد ماتغسلينه وتنقعينه اذا كان مزة

وانتبهي لكمية الماء يكون طبعا اقل لان الروبيان يطلع مويه .وانسيه لين يستوي واذا قرب يستوي تكونين منقعة شوية زعفران بشوية مويه رشيها عالوجه وغطيه شوي .

-الرز الابيض: عاد هذا اسهل من السهل بس الفن في ضبط مقدار الماء وانا بصراحه ماعرف احط مقادير بس حطي مويه وملح بس وحطي الرز البشاور بس لاتنقعينه بماء لانه بينمرد..يعني يصير عجينه..
وقللي كمية الماء وحطي انت حسب ما تشوفين الحبه بس خليه الربع ساعه الاخيرة بدون زيادة ماء لانه كل ماجلس عالنار استوى اكثر
وحطي عليه بصل شرايح بعد ماتقلينه لين يصير بنيواحمسي شوية زبيب وصنوبر ورشيها عالوجه..

بالنسبة للرز الابيض انا عادة احطه بصينية بايركس اي شكل عندك.. وممكن تعبين اي زبدية شكلها حلو مموج مثلا او مثلثه او مربعه اللي متوفر وتضغطينه شوي وتقلبينه بصحن ثاني بيتماسك لا تخافين وتحطين الحشوة فوقه. يجي شكله مثل المطاعم.

2- المكرونات:
- مكرونة الكريمه.. وهذي سهله مره وممكن تسوينها بدري وبس تسخنيها اذا قربتي تصفين السفره.
وطريقتها كالتالي..
1اسلقي مكرونه اشكال مو خيوط السباغتي .
2احمسي =بصل وثوم وفلفل اخضر بارد (رومي) وماجي وبهار وصدور دجاج مقطعة مربعات صغيره مره واخلطيها ثم حطي نصف كاس عصير برتقال =عشان يعطي نكهة الكودو.

3بعدين حطي كريمة الخفق (تباع بالسوبرماركت بثلاجات الجبن واللبن) حطيها بقدر على النار وحطي شوي ملح.

بعدين اجمعي 1 و 2 و3 بقدر واخلطيها لين تتجانس وتحسين ان المكرونه كلها تشربت الكريمه.
وحطيها بصينيه وقصدريها ومتى مابغيتيها سخنيها لمدة ثلث ساعة بالفرن.

-مكرونة الفطر الايطاليه.
اسلقي مكرونه .

احمسي بصل وثوم وماجي وفطر

ثم اخلطي علبة قشطة مع علبة جبنة سايله
ثم اخلطي كل المقادير سوى ورشي الوجه بزعتر جبلي..
- المكرونه الصينيه:
قطعي الى شرائح:(بصل ثوم كروم-ملفوف- روس البصل الاخضر-يعني الابيض منها بس- فلفل بارد-رومي- ) واحمسيها مع زيت كثير شوي وحطي عليها مكعبين ماجي .. ثم حطي كيس صغير خضار مثلجة واتركيها تذبل شوي ثم حطي روبيان بعد ماتسلقينه. ثم حطي فطر والذرة الصغيرات اللي تجي بنفس شكل الذرة الكبير لكنها قد الاصابع تباع بعلب بجنب الذرة والفاصوليا الحمراء بالسوبر ماركت ثم صبي تقريبا بيالة صويا واتركيها تتجانس مع بعض تقريبا 10 دقايق ..
اسلقي مكرونه مع زيت وملح وصلصة طماطم وشوية كركم وشوية صويا عشان تصير صفراء شوي.
اسلقي دجاجةبعد ماتقطعينها مكعبات صغيرة.. وبعد ماتنسلق اغمسيها ببيض وبقسماط واقليها.

ثم اخلطي كل المقادير تراها بتكون كميه كبيرة وتأكدي من ملحها وحطيها بصينية فخار..



اتمنى اكون افدتك .. ولي رجعه انشالله نكمل صياني الفرن .

بقولك نصيحه
اذا بتسوين صياني حاوليي تشكلين ولا تكون انواع متكرره المقادير مثلا ..
حطي صينية مكرونه . صينية خضار. صينية لحم . صينية دجاج .
مع 3 انواع او 4 سلطات .
مع ورق عنب طبعا والا يصير عشاك كله ماله قيمة؟؟!!

بالاضافة لللطبق الرئيسي الرز ويكون شكلين او ثلاثة.

وبقولك طريقه عجبتني مره حضرت فيها عزيمة كبيرة شوي ممكن تسوينها للحريم لان الرجال ما يهتمون بالحركات على السفره ..

كانت اول شي طبعا ميز
(وانت بامكانك تسوين الميز من اي طاولات عنك مثلا انا مرة كانت عندي عزيمة جبت كل شي اسمه طاوله ببيتي وحطيتها وصارت حركه

يعني ممكن تجيبين احجام واشكال ومثلا تكون السلطات على طاوله والصياني على طاوله والفاكهة والحلا على طاولة .. وتصفينها اما بالتدرج أو تكون الكبيره للاطباق الرئيسية وتوزعين الباقيات على ذوقك)..

طبعا تلبسين الطاولات اي قماش عندك او اذا عندك مفارش طاولات حطيها .. ثم انثري ورد مجفف بلون بارز مناقض للون المفرش. وحطي كم شمعه بكم لون مقارب للورد.. وكله من ابو ريالين مايكلف.

وبعدين نجي للسفرة الارضيه .. طبعا اذا مافيه طاولات خاصه.. تحطين السفره بنفس لون المفرش حق الطاولات
ثم تحطين الملاعق والمناديل والكاسات من نفس لون الورد المجفف وتوزعينها على السفرة و(الصحون ) طبعا راح تكون بأول الميز. وهالحركة انهبلوا عليها الحريم ,, وبالنسبة للكاسات والمناديل والالصحون الملونة تلقينها بإيكيا او بمحلات الاواني والبلاستيك اللي تجي بالشوارع بجنب السوبرماركتات؟؟!!


اتمنى تعجبك الفكرة بس يبيلك تجهزينها من بكره .. اريح لك

على فكرة لا تغرك كثرة الحكي في المكرونه الصينية تراها سهلة مرة وبصراحه انا سويت كمية كبير برمضان واخذتها لحمولتي

انهبلوا على الطعم وحلفوا انه نفس طعم المكرونه اللي يجيبونها من المطاعم الصينية. وتأكدي انا ما اكتب الا شي مجربته بنفسي يعني تكانه..:27:

سويها ولا راح تندمي وكل المعزومين مابينسون لك هالعزيمة انشالله:24: