بناااااااااااااات ادعو لي الله يثبت حملي

السلام عليكم
الحمدلله على كل حال ولا إله إلا الله
بنات اليوم وانا رادة من برة رحت دورة المياه تكرمون حتى أتوضأ فلقيت دم وانا لما شفت هالشيء
ما صبرت رحت العيادة على طول قلت حق ابو العيال خذني للدكتور نزل مني دم وهو من الخوف تعصب وقال لي اكيد شايلة شيء ثقيل وانا قلت له بروحي تعبانة لا تعب نفسيتي اكثر وهو سكت المسكين وما نطق بكلمة المهم لما رحت العيادة قابلت الرسبشن وقلت لها على السالفة وقالت لي لازم تنتظرين جدامج سبعة اشخاص وقلت لها ليش ماكو الا دكتورة وحدة قالت اي فخبرتني انها بتتدبر الامر وادخلج بسرعة المهم دخلت عند الطبيبة بعد انتظار نص ساعة وانا ماسكة نفسي من البكاء ومابي ريلي يحس
المهم فحصتني الدكتورة وقالت لي باجر بتتصل علي الساعة تسع الصبح وتقول لي روحي المستشفى عشان يسوون لي سكان اي سونار يشوفون الجنين اذا كان حي
وانا ما فيني صبر حتى باجر ولكن ما باليد حيلة
بنات واللي سلم عمركم ادعو لي ربي يثبت حملي تراني وايد احاتي
على فكرة الدم لونه مو احمر ولكن بني غامق وعندي شوي الم خفيف تحت البطن
وهذي قصتي :06: