بناااااااااااااات وعراااايس بريـــــــــــــدة و عنيــــزة ممكن تتفضلوا ....

لرفع

ربي يسعدك ويوفقك ان شاء الله

شوفي حبيبتي .

انتي تبين القبة وشارع الصناعه
لذك دوري عليهم كلهم ولا تخلين محل ما تفتشي فيه ... (بما انك الغيتي العثيم والنخيل من حساباتك ) فمالك الا التفتيش الدقيق على كل ما يمكن انه يعجبك ويناسب ميزانيتك اولاً واخيراً هذا بالنسبة للفساتين .


مرايا ..... فيه النبات يمدحون عطوره و بعض مكياجاته مع اني ما اايد اشتري منه ...


المفارش شوفي الخضيري ارض المفارش .... بس موب شرط الا لازم هالمحل ونلغي باقي المحلات ....
دوري على المحلات كلها اللي في شارع الصناعه وابحثي عن اللي يعجبك ويلفت انتباهك و زي ما قلت يناسب ميزانيتك .

الجلابيات كمان ابحثي وتابعي تخفيضات المحلات الغاليه مثل واحة الجلابية اللي بالعثيم والنخيل .

الملابس الداخليه (لا تبتعدي عن الحسون اللي بالسوق ) عنده اشياء مشابهه لواحة الجلابية .

فستان الزواج ... استاجري او استعيري ...


اخر شي ونصيحة لوجه الله :


- دوري السوق ولا تشتري شي ..... شوفي كل البضايع بالاول والاسعار ... فتشي فتشي فتشي ....
- حددي كل يومين لمنتج .... ولا تخلطي بين المشتريات ..... يعني اليوم للمفارش ...... لو تمرين من عند فستان تبينه لا تشترينه انتبهي ... تروح فلوسك وانتي ما تدرين .
من بكرى للجلابيات .....
- تدرجي من ناحية الاولويات .... اخلصي من لمفارش و الفساتين في البداية . ثم الجلابيات و التيورات و ملابس البيت و الدخليه . بالاخير ..... بد ما تخلصي من الملابس .... اشتري الجلديات ( الجزم و الشناط وانتي بكرامة ) و قبل الزواج بعشرين يوم اشتري المكياج والعطور و لا تكثرين .

وربي يوفقك ان شاء الله وكل العرايس

ماراح تلقين احسن من اللي بالعثيم والنخيل
صحيح اسعارهن غاليه بس سعرهن فيهن ويستاهلن
وهذي ليلة العمر اذا الوحدة ماكشخت فيها متى بتكشخ؟

بالنسبه للفساتين عندك قيصيرية الرسيني بالسوق الداخلي


ومحل مرايا افضل شي الي بالسوق قبل الصانع قبال مواقف السيارات

الجلابيات فيه بشارع الصناعه كذا محل بس مااعرف اساميهم

ومثل ماقالت سروعه لازم تمرين العثيم والنخيل .. والله يوفقك يارب ..

الله يوفقك وتمم عليك ويعينك على السوق
جولنار ماقصرت كنت داخله ابقول اللي قالته
والفساتين لاتفكرين تشرين من العثيم والنخيل لان بضاعتهم اغلبه بالسوق
والا تلقينه بمدينه ثانيه ارخص بكثير
ولاتشرين الا فستان واحد الحين الناس طاحو بالتيورات الفخمه
الجلابيات دوري شارع الصناعه وخاصه قيصرية العقاب