بناااااااااااات الحقوني كل وحدة عندها سلفة تدخل

كيفكم بنات والله اترددت كثيييييييييييييييير قبل ما اكتب الموضوع بس خلاص مو قادرة استحمل وفي نفس الوقت ما عندي احد اشكي له همي وفي نفس الوقت كمان انا مو قليلة اصل عشان اتشكى وكمان حماتي (ام زوجي) مو مقصرة معايا وجمايلها مغرقتني بس هي حاجة وحدة اللي مرة تضايقني منها وتخليني اكره نفسي وهي انه لما نجتمع انا وسلفتي تشوفوا الاهتمام والتقدير كله لها طيب ليش انا كمان مرة ولدك زي زيها ليش تفرق والله اني اكتب والعبرة خانقتني ما ادري يمكن انا حساسة زيادة عن اللزوم قبل شوية رجعت من عندهم ما قدرت امسك نفسي دخلت الحمام وجلست ابكي خايفة زوجي يشوفني ويسألني ليش وانا طبعا مستحيل اتكلم واقوله مع العلم ان معزتها من معزة امي واحترمها واقدرها ولا ابغى اذكر المواقف اللي صارت عشان لا احس اني قليلة ادب...الله يخليكم كل وحدة عندها سلفة تقولي كيف تكون المعاملة من ام زوجها في تفرقة ولا كلكم سوا .. نسيت اقولكم سلفتي طبعا اكبر مني ومعاشرتهم اكثر مني يعني مرة الكبير.. ولو سمحتوا لا تزيدوها عليا اللي عندها كلمة تجبر الخاطر تقولها وجزاها الله الف خير... ولا تقولولي لا تجتمعي معاها صعبة يعني اذا فوت مرة مرتين ما اقدر افوت على طول..الحمد لله ارتحت لما فضفضت لكم..