تصدقون ان ولدي ظربه ولد قريبه لي وولدي ظرب الولد نفس ماظربه وانتهينا فجأه دخل ولدها يعلم امه ان ولدي ظربه مع انه هو الي غلط بالبدايه بس سبحان الله ماتعود انه ينظرب المهم ان امه نادت البزران يسحبون ولدي وهاوشته قدام الحريم وانا معهم اسمع واشوف وقالت ليش تطق ولدي قال هو طقني قالت لا ياكذاب ولدي مايطق احد ولا يجي احد وبصوت عالي جدا تصارخ وتقول لولدي والله لو اشوفك المره الثانيه تطق ولدي لطقك مثل ماطقيته واكثر وتهاوش وتهدد حتى من الصدمه نسيت اغلب التهديد والتوعيد الي جاء منها ماراعت حظوري مع الحريم واني اسمع انها تهزء ولدي وقدامي وقدام الناس ولا راعت برأه ولدي قعد ينتفض وهي تكلمه كسر قلبي بس ماعرفت اخذ حقه من هول الصدمه والمصيبه ان ولدي اصغر من ولدها ولدي بأولى ابتدائي وولدها ثالث ادري بتقولون ليش ماادافعتي عن ولدك بقولكم من الصدمه صرت طرما ماعرفت اخذ حق ولدي وكذا مره شفت الحرمه هاذي بعد هالهوشه بس مافكرت تعتذر او اي شي بالعكس شكلها واثقه من تصرفها بتعقد ولدي على حساب ولدها بس باخذ حقي منها بالاخره لاني مستحيل احللها دنيا واخره وياكثر المواقف الي منها تعبت منها حسبي الله ونعم الوكيل الظاهر بنظرها انها هي الوحيده الي تعبت على عيالها بالولاده واحنا جبناهم بنظرها برمش العين لاحول ولا قوه الا بالله ......... وش رايكم بنات بامانه

اخت باونتي برايي انك ماعرفتي تدافعين عن ولدك
هو ماشاء الله علية صغير ومع كذا ماسكت عن حقة وضرب الولد بس وش تبينه يسوي قدام حرمة كبيرة ومو وحدة الا ثنتين وانتي ساكته ؟؟؟
كيف يعني ماقدرتي من هول الصدمة ؟؟؟ وهي كيف قدرت تتخذ موقف بسرعة كذا وتتجرأ بسرعة وتهاوش ولدك ؟؟
لية هي بديهتها حاضرة وانتي انطرمتي وماعرفتي تدافعين عن ولدك ومن كلامك شكلها طولت تهاوشة وتدخلت معها وحدة ثانية تساعدها كل هذا وانتي لسا ما استوعبتي والا انتي طبعك خوافة وماقدرتي تدافعين عن ولدك قولي الصراحة ؟؟
المرة الجاية انتبهي زين وخليك حاضرة باي موقف واكيد الولد تعقد وانتهى ترا مو سهلة على طفل هالموقف

انا من الاسباب الي خلتني مااادفع عن ولدي بالبدايه كنت مصدومه بعدين فكرت ان هالحرمه سبق وعيالها ضربوا ناس بس ماكانت تعترف بعيالها يعني لو تشوف ولدها يطعن بالناس بالسكين تقول مستحيل ولدي اعرفه مايسوي شي الا اكيد احد اخطى عليه ولا هو مايسوي شي ولو قلت ولدي ماظرب ولدك الا لان ولدك ظاربه بالبدايه بتقول ايه اكيد ولدك مسوي شي لولدي من زمان والحين ياخذ حقه يعني باختصار حرمه تموت بالفلسفه يمكن عشانها معلمه من اكثر من 13 سنه ومتعوده على النقاشات والمحاورات الطويله بينها وبين المعلمات والطالبات يبلها سعة بال وبال طووويل وبصراحه ممكن اقول كلمه كلمتين لاكن نقاشات ومحاورات بتعب وبدوخ وبيذن الفجر وهي تحقق بالموضوع و هي طبعها تقعد تناقش الاول والقديم وتطلع مشاكل االاطفال الي قبل كم سنه وتذكرنا فيها وتبين ان عيالها بهالمواقف ماياخذون حقهم ووووووالخ
وشكلك يالغلى فهمتي السلفه غلط مافي حرمه تدخلت معها وساعدتها بالعكس كلهم يطالعون ولدي ويطالعوني يبوني اتحرك اتصرف اي تصرف مستغربين موقفي مع ولدي لدرجه يوم راحت بيتها كلهم قالوا ليش ماتحركتي حرام عليس هذا مهوب ولدس ودايم نشوف عيالها يطقون ولدس وتسكتين
واكثر شي يخلي ظميري يأنبني ان ولدي اساسا تعبان وماخف الا من سنه من جبته وهو تعبان وياما بكيت وبكيت عشانه بس الشكوى لله
الله يعينا عليها اذا ذكرتها وذكرت ولدي ودايم مااخذ حقه اشيل هم ولدي بالمستقبل اخاف اكون ظلمته بسلبيتي

صاحبه الموضوع خوذي حق بنتك لاتصيرين مثلي سلبيه الله يعين اطفالي على سلبيتي

طيب انا بقولكم موقف الام اللي ولدها مزعج الله يهديه ولدي عمره 3 سنوات ونص ملقووووووووووف الله يصلحه المهم كان دايم يتضارب مع بنت وحده من جاراتي البنت مره مسكينه مو متعوده على هالضفدع تعرفون البنات ونعومتهم المهم كل مره اهاوشه بصراحه لان اتفشل من امها رغم انها صديقتي حيل ومرات احبسه ومااطلعه لين يعتذر ومرات ومرات مافي فايده هي عشان ضعيفه هو يستقوي عليها بصراحه لين صرت امسكه اخليها تضربه واقوله شفت تقدر تضربك والبنت شوي شوي تقوت وصار اذا ضربها تضربه وف عنها شوي ترى احنا بعد يالامهات نتفشل حييييييييييييل والله دايم بس بالجمعات اقعد يادوب ساعه ساعتين عشان خاطرهم واطلع لان ماابي احد يزعل مني وفي حريم خلاص شطبوا على اسمي وعطوني اكس بسبة ولدي حتى بالشارع يشوفون مايسلمون ولايروح بالكم بعيد انه مره يعض ويمخش ويمط الشوشه لا يدف يطيحهم هو على باله يلعب لانه بصراحه من هو صغير بالسعوديه ماحوله الا كبار اقرب واحد لسنه اخوي والحين اخوي باولى ابتدائي كان مثله الاعلى وغير كذا لانه الوحيد يبي هو يتحكم شلون يلعبون يختار لهم الالعاب هذا اكثر شي يطفشني ويجون ذولاك يبكون اقوله مالك دخل فيهم مافي فايده والحمد لله صديقاتي متفهمات لان يشوفوني اتاثر وبصراحه شعوري اذا احد ضربه ممكن اسكت اذا عادي بس اذا كان واحد كبير يعني يدرس لا اكلم الطفل واقوله عيب تتدخل بين الاطفال تعال وقولي او علم ماما لاني بصراحه مااقصر بولدي اهاوشه وتلاقينا انا وياه بغرفة العقاب لان مااحب اهاوشه قدامهم بس اكثر شي اوجعني اخر جمعه ان كنت معاقبته بالغرفه ومهاوشته وكان يبكي ويتاسف عاد انا رحت اصلي عنده بالغرفه شوي الا يدخلون الاطفال ويضحكون عليه وبينهم بنت كبيره عمرها تقريب 9سنوات وتقول الحين خلي امك تخلص صلاه واخليها تهاوشك مره ثانيه قدامنا وهو يبكي منقهر وهي تحره بالكلام عشا نيضربهم واجي اضربه شفتوا كيف الاطفال مو هينين عاد انا اصفق بالصلاه اقرا بصوت عالي ابيها تطلع انقهرت وبس خلصت لاشعوريا قلتلها اطلعي برا انتي اللي بهاوشك مو هو وامسح دموعه ياحياتي واخذه ويوم طلعت صراحه قلت لامهاتهم ام البنت الكبيره قالت عادي ووحده من امهاتهم قالت الله واكبر ياما سوا بعيالنا قلتلها اوكي يضربهم ويضربونه مصيرهم ينسون بس انهم يدخلون الغرفه اللي معاقبته فيها عشانهم ويتمسخرون عليه لا ماابي نفسية ولدي تتاثر الاذى النفسي اخطر عاد انا حسيت اني انفعلت لان من بداية الجلسه وانا اراقبه وخلاص اجلس وكان مو هو بذيك الجلسه كذا طفل مزعج بس انا علي من ولدي وسلامتكم ادري طولت قرقه

انت حياتي عجبتيني الزم ماعليك ولدك مهوب نافعينك اذا عقدوه >>>> علمي نفسك هههه
وهم استغربوا موقفك الصغار والكبار عودتيهم ماتاخذين حق ولدك بس انك صدمتيهم بالنهايه ماشاء الله عليك

واكرر اسفي لصاحبه الموضوع لاني قصيت قصة حياتي