بناااااااااات تعالو شوفو حراج ابن قاسم واسعارة لقيت لكم البديل

:angry2:صباح الخير مدري مساء الخير بس اكيد انة خير
المهم مالي بالمقدمات
اليوم انا وخشتي وبنياتي قررنا نروح لسوق حراج ابن قاسم عشان نشري فرشة لغرفة بناتي الجديدة

المهم البنات طايرات من الفرحة بنغير الشقة وبنغير الغرفة كمان :7_5_131:كنهن كذا
المهم ياكثر ماقلت المهم بهسالفة
وروح وندخل المحل الاول الا يقول المتر الي كان 28 صار ب30
قلت اية توك تحسين بغلى الاسعار
ادخل المحل الثاني
القى المتر الي كان 45 صار 48

زين و لفلف من محل الي محل وكل يسمع كلامي انا:arb:لا هذا مو حلو
وهو يقول لا حلو لاكن وين شفتية عندة قولي الصدق <<<<< ياحبيلة عارف سوالف الحريم

ودخل محل وانا الانبير واصل hقلت كم هذا يامحمد زوجي تاخر يكلم بجوالة

قال 33 <<<<<<<الي كان اول 28 المشكلة قديم بس فيني طبع انا لازم اسال عن كل الاسعار عشان لا سالتو اعرف الجواب <<<شفتو افكر فيكم بل مكان :heart:

قلت لية 33
المحلات الي بجنبك كلها 30 وش معنى انت
قال روح خذ ب30
قلت الا ماني رايحة وانا احط حرتي بهالافغاني رفع ضغطي مررررة اول مرة ارفع صوتي على رجال
لاكن كلامة قلت فية وزارة التجارة انا ابلغ عن محل لكم انة رافع السعر
قال لي روح بلغ شوف اسم محل برى :angry2::angry2:انا كذا رفع ضغطي وقلت طيب انا شوف
وطلعت وقال زوجي وش فيك طلعتي قلت اسعارهم غالية
وسكت
ورحت للخليج مول الي شارع سليمان الفارسي وصليت المغرب وراح زوجي يصلي
وتاخر وفتحو ودخلت المحل الي قدام سيارتنا وكان يمني
واشوف فرشة حلوة
قلت كم قال 30 قلت لة المتر 4في 5 قال لي 690 <<<<احنا من اليوم ندور ويقولون لنا 580
قلت لية 690
قال هذا سعرة
قلت هذا مو سعرة سعرة 580 :eek:استغرب كيف عرفت
قال هذي مرة ومي عارفة تحسب
قال لحظة بعيد وعاد وقام يتاسف قال صح انا غلط
خذيها ب580
ويجي زوجي يوم علمتة قال انت غشاش مانشري منك قال لا انا ماني غشاش لاكن اخطيت ومن هالكلام وتركناة ومشينا وبعدها لقينا اسعار حلوة مرة
صراحة ارخص من حراج ابن قاسم وبكثير

ملخص كلامي ادري اني قرقرت كثير
ان الوحدة ماتخلي العمالة يضحكون عليها لاني دايم تحصل قدامي مواقف من العمالة مستغبين السعوديات مدري لية
ثانيا روحو للخليج مول للاثاث ولا تروحون لحراج ابن قاسم لانة رافع الاسعار
خلو بضاعتهم بمحلاتهم
ثالثا يد بيد لمنع غلا الاسعار

وبس مع السلامة :icon35: