السلام عليكم ورحمة الله وبركاته
الحين انا بالصاله بروحي وولدي نايم بغرفته وعنده سياره اسعاف لعبه كان عرفتوها يمووت فيها صغيره وفيها اشياء تطلع الوان واصوات مثل واحد يقول
can i helb you = هل اقدر اساعدك
911
وصوت محرك سياره
وهرن السياره
...الخ
المهم :angry2:
العابه اللي شوي كبيره نحطها بغرفه الكوي والغسيل\
وهاللعبه بالذات حاطتها بالغرفه
واليوم وانا قاعده ولا اسمع صوتها يرن وتطلع اصوات :booo: والله العظيم والله ثم والله انها مسكره وبالغرفه ماحد صوبها ومافي غير الشغاله ونايمه بالغرفه وانا قاعده اي احد يطلع لازم اشوفه < نظام صالتنا
المهم قعد اسمع ولا هالسياره فووووووم فوووووووم :ohmy: انا انهبلت قلت شلون اشتغلت وانا مسكرتها بيديني !!!!!!
تصورا رحت قربت من الغرفه وهي مسكره طبعا .... خفت والسياره فووووووووووم فوووووووووووم
المهم ... قعدت الشغاله :nerd: والله قلبي عورني بس شسوي اول مره اخاف لهالدرجه
خليتها يمي وفتحت الباب وانا اتعوذ من ابليس واقرا المعوذتين
توقعوا شصار
فتحت النور ولا اللمبه بوووووووووووم انفجرت
والله العظيم ورب الكعبه
لييييش ؟؟؟؟؟؟؟؟؟
وسكت صوت السياره
سألت الشغاله وانا اسكر الباب
هذي على طول كذا
قالت اي اول على طول سوي صووت بس انا حطي داخل غرفه عشان بيبي مايقوم
والله العظيم اني خفت مووووت
بس سكرت الباب رد الصوت
نص ساعه
قلت خل افتح الابجوره اللي بغرفتي واركبه بالغرفه
سويتها والحين مافي صوت
سؤالي
تعتقدون الالعاب تنسكن ؟؟؟؟ ادري سؤال غريب
ولا يعني اطفال الجن يلعبون :eek:
اسفه روعتكم
بس والله اني صادقه بكل كلمه قلتها وربي شاهد و الحين يأذن صلاة الفجر
الله اكبر
قلت للخدامه تفتح باب غرفتها وماتسكره :icon33: خاااااااااااااااااايفه
شسوي باللعبه اخليها ولا بالزباااله
وانتوا بكرامه ....
