بناااااااات...جاني عريس ثاني...ايش اسوي!!

مرحبا بنات..
رجيتكم بهالمواضيع حقتي بس والله ظروفي جات كدة

انا كتبت موضوع قبل كدة وعنوانه (بناااااااااات... جاني عريس) وهذا الرابط
http://forum.hawaaworld.com/showthread.php?t=769931

المهم ايش اللي صار..

اتصلوا الناس حقون العريس الاولاني وقالوا انهم بيجو اخر الاسبوع..
بس قبلهم كان في ناس اصحابنا يبغو يجو يزورونا ولمن شافوني لانه من زمان ما جونا.. صاروا يبغوا يخطبوني لابنهم..

اليوم اتصلت وحدة من طرفهم وقالت الناس شافو بنات كثير وما عجبهم احد ولمن شافوا بنتكم يبغوها... وقرروا خلاص انهم يبغوها وقالوا انها ما تتفوت... فلو اتقدم لها احد كنسلوه..

الولد ابنهم... مناسب عمره ليا عن الاولاني... يعني هذا الجديد عمره 27 سنة وانا عمري (22)... ومتعلم وكل شي ومتدين ويخاف ربنا وكريم وجلست الحرمة تمدح فيه وفي اهله..

بس اهلي يعرفوا اهله من زمان بس مع ظروف الحياة ابتعدوا مدة وما عرفوا اخبار بعض..
ابويا قال اذا لابو فلان انا موافق اعطيهم بنتي... الرجال محترم ونعرفه من زمان.. والناس مربيين اولادهم تربية كويسة وابويا يمدح في الولد ويقول خوش ولد..

وامي تحب امه وتعزها وتحترمها... وقالت والله اذا وحدة غيرها يمكن ما كنت وافقت بسرعة..
وناس مرتاحيين ماديا واخلاقهم عالية بالمرة..
فالوالد قال خلاص الناس التانيين لو اتصلوا قولوا لهم ان البنت في ناس اتكلمو عليها..واذا يبغوا اختها الكبيرة انسب لهم...

بناااااااااااات... ادعوا لي... امانة تدعوا لي وانا ان شاء الله راح استخير..
بس برضه ادعوا لي وخليكم معايا دايما..

مستنياكم

ملاااااااااااااااااااااااااااااااااااااااااااااااحظة..
اخر المستجدات يا بنات..
اتصلت وحدة من طرفهم وقالت نبغى نسال تزوجوا الصغيرة قبل الكبيرة عادي وللا فيها شي؟
والولد يبغى البنت وعجبته مواصفاتها واهله ناطرين الجواب على هالسؤال... عشان يجو يطلبو بقلب قوي..
الوالدة قالت لهم احنا اللي يجيها نصيبها نزوجها ما دخل كبيرة وللا صغيرة..
وشكلهم جايين في هاليومين الجايين..
والله يا بنات خايفة موت وبدت بطني تكركع وحالات الاعياء والامراض اللي ما تيجي الا في غير وقتها
ادعوا لي اذا فيه خير الله يسهلي ياه

يالله مستنية ردودكم