المطاعم ياعمري اذا طلبتيها ..... يصلحون مثل الصوص الي ذكروها بعض الاخوات
وزيدي عليها صوص البيتزا الجاهز .... زي ماركة العلالي وغيره يخليها مثل المطاعم
وان شاء الله يضبط
واركب الحنطور درقن درقن .... واتحنطر ..... ينكت توقيعك
موفقه

حبيبتي اول مرة خلي الماء في القدر لحد ماتغلي اضيفي قليل من الملح يعني ملعقة طعام وملعقة زيت ثم ضعي الاسبكتي لحد ماينطبخ
ثم صفي ضعي في القدر اصبع زبدة وقلبي الاسبكتي صار جاهز صح
الصلصة في تاوة عميقة خليها على النار وضيفي زيت واي نوع لحم مقطع مكعبات او لحم مفروم او قطع صدر دجاج وضلي قلبي
ثم ضيفي بصل مبروش برشي ناعم وقلبي ثم ضيفي طماطة مبشورة وبابركا وفلفل حار شطة حسب الذوق ثم صلصة طماطة ملعقتين
وماجي وملح حسب الذوق ونص كوب ماء وتركيها لحد متتسبك وقدميها
على فكرة ممكن تعملين الصلصة من غير لحم وضيفين كرات لحم مقلية وتتركيها تتسبك وعليج بلعافية
هاذة الطريقة يحبها:arb:واولادي

لعشاق المعكرونات
جبت لكم مجموعه صغيره مصورتها من فتره للمعكرونات وجمعتها كلها
وان شاءا لله تعجبكم
ونصيحة يجب استعمال زيت كونولا تباع الشمس متواجد بالسوبر ماركت وينصح به الاطباء
وتجنب طهي اللحم او الدجاج مع الشحم بشكل يومي مب زيـــــــــــــن حطوا بالكم على صحتكم

((معكرونة كرات اللحم))
ماشاء الله تبارك الرحمن
اولشي نجي لمقادير الكرات

كيلو لحم مفروم
انا طبعا اشتري اللحم بلا شحم ولا عظم وافرمه بالبيت يكون احسن وصحي اكثر
لان الجاهز مليان شحم وخرابيط ومدري وش يحطون بعد الله يستر موزين صراحه مانصحكم تستعملونه
بس للاسف وايد ناس تستعمله
المهم
كزبره مفرومه حسب الرغبه اشكثر تبون حطو
وبصلتين مفرومين ناعمين
ملح وفلفل اسود
ملعقتين ثوم مطحون
او ملعقة بكيفكم
نفرم اللحم ونحط عليه بقية المكونات المذكوره ونشكلهم على شكل كور اي حجم تبونها بكيفكم
وتصف في صينيه وتوضع بالثلاجة لمدة 3 ساعات عالاقل او اربع لكي تتماسك
واللي مستعجل يحطها بالفريز مدة ساعه الا ربع يكفي
نسلق كيس معكرونه شرايط او اي نوع معكرونه تحبونها سباغيتي او
PENE
وبعدين نحضر الصلصله
المقادير
علبة عصير الطماطم متواجده في الاسواق
او ست حبات طماطم مقشره مفرومة ناعم حيل او مبشوره
ثلاث ملاعق معجون طماطم

بصله مفرومه
3 فصوص ثوم مفرومين

ملح فلفل اسود او ابيض ورشه كركم بسيطه
واللي يحب البهارات يضيف اي نوع بهارات يحبها

نكشن البصل مع الثوم في زيت كونولا لين ياخذ شوي لون ويذبل
ونحط جميع المقادير المذكوره ونحرك شوي
نخليها عشر دقايق فقط ونسكر النار
طبعا هذي الوصفه يحطون فيها مكعبات ماجي بس احين صرت ماستعمله عقب التحذيرات اللي سمعناها
فقمت استعمل المرقة اللي تجي بكيس في الاندومي الله يستر بعد مايطلعون لنا فنتق جديد ويقولون يسوي امراض
المهم طبعا يكون اندومي دجاج
واستخدمت اندومي دجاج بالكاري صراحه روووووعه وبهاراته خفيفه جدا ماتبين يعني لاتخافون عالطبخه ماتخترب
كيس واحد بس يكفي اللي يجون ملتصقين مع بعض المرقه مع الكاري
واذا حسيتوا الصلصه شوي ناقصه نزيد شوي من عصير الطماطم او الماء
نقلي كرات اللحم في قليل من الزيت نحاسب مايحترقون
يعني مجرد تشويح على الجانبين
ونضيفهم على الصلصله ونخليهم نص ساعه نسكر القدر بقصدير احسن عشان يستوي بالبخار ومايطلع البخار كله
نضيف المعكرونه المسلوقه كيس واحد فقط
ونقلب ونخليه على النار شوي بس خمس دقايق
وتقدم بهذا الشكل الكشخه


سباجيتي الدجاج بعصير الطماطم

المقادير
كيس سباقيتي مسلوق
علبة عصير طماطم
او ست حبات طماطم مبشورين
معجون طماطم 3 ملاعق
ثوم مفروم
4 قطع صدور دجاج مقطعه قطع طوليه

طبعا البصل مو لازم بالكشنه اللي يحب يحط بكيفه
نحمر الثوم في الزيت ياخذ لون بعدين نحط عصير الطماطم وبقية المقادير
مع البهارات اللي هي كركم فلفل اسود وملح
اول مايغلي نضع الدجاج ونخليه فقط ربع ساعه على نار وسط
وثم نضيف السباغيتي المسلوقه
نخليه عالنار عشر دقايق فقط على نار هاديه
وبسسسسسس
وهالمعكرونه يحبها مبارررررك فديته واااااايد ودايم يطلبها مني
وهذا شكلها


((معكرونا التونا ))
هاذي المعكرونه فعلا تهبل ولو اني ماكنت من مشجعينها بس صديقتي يوم رحنا مطعم وكافي شوب لاشوكولا بالبحرين اللي مقابل السيف اكيد عرفتوه
انزين
وشجعتني اكلها مع ان كنت متضايقه وماودي بس فعلا عجبتني حييييييل ماكنت اتخيل المعكرونه بالتونا هالشكل روعه
بس صج اللي يجرب مايخسر شي
وصرت اسويها بالبيت على طريقتي الخاصه والبهارات الخليجيه البحرينيه الاصيله
وووووو
هذي الطريقه
اولشي نكشن شوي بصل وثوم نحمرهم شوي يذبلون نحط عليهم
ملعقة طعام ثوم وزنجبيل مطحونين
شوي كركم
ملح
فلفل اسود
بزار بحريني نص ملعقة شاي
وكمون وكزبره ناشفين مطحونين شوي بس ربع ملعقه صغيره
ونحمسهم زين بعد دقيقتين نحط علبة تونا العلالي الكبيره او اي نوع تفضلونه
نخليهم على نار هاديه خمس دقايق
وبعدين نضيف كزبره مفرومه او بقدونس
وفلفل اخضر رومي مقطع مكعبات
صغيره جدا
ونضيف المعكرونه انا ضفت على شكل قواقع هالمره وطلع رووووووووعه
هذا شكله



((ترياكي لحم))
الصلصات المستخدمه في هالطبق

دبس الرمان
وستشير صوص
صويا صوص
خل البلسميك
صوص الثوم والفلفل الاحمر بالسكر
زيت السمسم
..
نستخدم لحم الاستيك مقطع قطع رفيعه مثل الشاورما
وبصل اخضر مفروم
ثوم
ملح
فلفل اسود
نحمر الثوم شوي بالزيت نضيف ملعقتين زيت السمسم
ونحط اللحم ونقلب نضيف شوي ماء ونغطي اللحم نص ساعه يستوي
بعدين نضيف جميع الصلصات المذكوره من كل شي شوي حسب الرغبه
ممن كلشي ملعقتين او ملعقه على حسب المقادير
نخليهم شوي عالنار من خمس الى عشر دقائق فقط
نسكر النار ونرش عليها البصل اللاخضر
ونسلق النودلز الصينيه هي تجي بالاسواق في كيس شفاف ويكون شكلها مكعب
وتقدم بهالشكل

((الكشري ))
كوب رز مسلوق
كوب معكرونه مسلوقه
نص كوب عدس مسلوق
شعيريه محمصه ومسلوقه
2 بصل مقطع جوانح ومقلي
بعد مانسلق المكونات المذكوره نخلطهم مع بعض ونحط فوقهم فنيال من زيت البصل اللي قليناه
ونسكر القدر ونخليه عالنار مدة ربع ساعه نار خفيفه جدا

نجي للصلصه
كوب ونص عصير طماطم
4 فصوص ثوم
ملح وفلفل احمر وكركم
علبة معجون طماطم
زيت او زبده
نحمر الثوم بالزيت يذبل نضيف بقية المقادير ونخليهم يغلون
20 دقيقه
ويقدم بهالشكل
وعند التقديم نرش عليه البصل المقلي



(( معكرونة بشاميل باللحم المفروم))
كيس معكرونه مسلوقه
نص كيلو لحم مفروم
ملح فلفل اسود ثوم مطحون علبة معجون طماطم ماء نص كوب بصل مفروم كزبره خضرا مفرومه
نكشن البصل مع الثوم بالزيت ونضيف اللحم ونقلب ثم البهارات والماء
ونخليهم نص ساعه على نار وسط او هاديه وبعد الاستواء نضيف الصلصله والكزبره ونخليها عالنار خمس دقايق فقط
الباشاميل :
نص زبده
كوب طحين
كوب حليب بودره
5 اكواب ماء
علبة متوسطه من الجبن المبشور
علبة قشطه
ملح وفلفل اسود
نذوب الطحين والحليب بالماء بمضرب البيض ونخليهم عالنار مع الاستمرار بالتحريك
او ماتغلي نخفف النار ونضيف بغية المقادير المذكوره
ونخليها ربع ساعه عالنار فقط
احين ناخذ بايركس كبير ونحط فيه معكرونه طبقه واللحم طبقه اخر شي البشاميل طبقه
للوجه
بيضه مخفوقه مع ملح وملعقتين حليب مركز ابوقوس او بوني اي شي تحبونه
ويصب عالوجه ويحمر الوجه فقط بالفرن
وهذا شكله


(( بشاميل الدجاج))

هذي الوصفه عاد عجبت ناس وايده ودايم يطلبونها مني
نفس المقادير اللي فوق بس بقولكم طريقة كشنة الدجاج
دجاجه مسلوقه ومنتفه
بصل مفروم
ملح وفلفل اسود
شوي ذره
جزره مبشوره
شوي من الشبت
ملعقتين جبن سائل
ملعقتين مايونيز
نكشن البصل بشوية زيت ونضيف الملح والفلفل والدجاج ونقلب ياخذ لون شوي نحط بقية المقادير
ونحرك ونضيف ملعقتين ماء او مرقة الدجاج اللي سلقنا بها الدجاج وونخليهم شوي عالنار يتسبكون
مدة 10 دقايق
اخر شي نضيف الجبن والمايونيز
بس نص دقيقه عالنار وخلص
وبعدين نتبع نفس الخطوات السابقه



بالهنا والشفاء

( معكرونة باللحم المفروم )

المقادير ..

2 بصلة متوسطة

2 حبة طماط

1 معجون طماطم

2 فص ثوم ( حسب الرغبة )

شوي بقدونس طازج

6 فصوص ماجي ( 5 للمعكرونة , 1 للقيمة ) أو ملح

فلفل أسود

بهارات حسب الرغبة

زيت 3 ملاعق

زبدة شوي

لحم مفروم

بازلاء خضره

خضروات حسب الرغبة ( مشروم 4 ثمار , قليل من القرنابيط , بيبي ذرة 5 )

مكرونة أي شكل تحبون ( انا واقات أمكس )



الطريقة ..

* أغلي المكرونة مع الماجي والقليل من الزيت في ماء



* وفي قدر ثاني يحمر البصل لين يذبل مع الثوم وأضيف عليه البقدونس

* بعد ما أقطع الطماطه وأضيفها للبصل

* بعد ما يستوي تقريبا ً كل شي بالأحساس

* أضيف اللحم المفروم وأغطي القدر بعد أضافة ماجي وقليل من الزبدة

أو الزيت على السطح بس

* ونضيف على اللحم البازلاء والصلصل والبهارات ونخليه على نار هادية لين يستوي





* نضيف المكرونة على اللحم ونخلطها لين يغطي اللحم كل المكرونة

* نخليها تنشف شووي على نار هادية



* نقدمها ساخنة

مساءكم /صباحكم ×رضاء الرحمن×


المقادير

معكرونه (اي نوع تحبين )
صدرين صدوردجاج شرائح (او اقل )
سجق مشرح ( حسب الرغبه )
علبة فطرمعلبة _جزر _خضروات مشكله
بصله مفرومه_ زنجبيل مبشور _ والثوم مبشور _
ملح _زعتر أخضر _ فلفلية _فلفل أسود _قرفة _كاري _مكعب ماجي _علبة قشطه _ نصف كاس جبنة بوك _ جبنة مورزيلا

الطريقه

تسلق المعكرونه مع الماجي وملعقة زيت وتصفى وتترك جانبا





يحمر البصل مع الثوم والزنجبيل
ثم يضاف إليه شرائح الدجاج



ثم نضيف الخضار والسجق
وتتبل بالبهارت والملح



ثم نضع القشطه وجبنة بوك ونضيف المعكرونه معهم
ونقلبهم مع بعض





ثم نضع المعكرونه في بايركس
ويبشر عليها جبنة موزاريلا وتدخل الفرن بعد تحميته
لمدة ربع ساعه او اقل
الشكل النهائي




م/ن
وبالعافيه