بناااااااات حوااء فزعتكم تكفون....

اول شئ السلام عليكم:)
ثاني شئ انا نادر جدا انزل ردود او مواضيع الا اذا حسيت انها ممكن تفيد ولها حاااااااااجه....
وهالمره انا محتاجتكم واب فزعتكم تكفوون...:(
بدخل على طول بالموضوع....
بعد اسبوعين تقريبا عند اهلي عزيمه كبيره وبيجون ناس ما اشوفهم الا بالسنتين والثلاث مره...وبالعاده اكون مستعده لي ولبناتي بشئ حلو قبلها بفتره بس هالمره خبركم مانقعد بالبيت من مزرعه لمخيم وبر وحوسه ...:09: :09: وغير كذا ماتقررت هالعزيمه الا قريب وطلعت اليوم لغرناطه مالقيت شئ يشدني غير تنوره جنز خامتها خفيفه وحلوه بس يبي لها شئ يفخمها ...فابي مشورتكم....
--وش رايكم ادخل عليه بدي ابيض ساتان يكون قصه صدر وفيه شريطه عريضه تحت الصدر (بلون فضي او تفاحي فاتح او نحاسي مطفي) مع جكيت ابيض وسلالسل لولو...او يمكن حلق بس واذا عندكم موديلات بلايز او بديات حلوه ممكن افصلها لاتبخلون علي ..
--وبناتي مدري الى الان مالفيت محلات الاطفال الى الان عشان اقرر...فياليت اللي راحت للسوق قريب تعلمني عن المحلات المميزه حقت الاطفال...
--وياليت بنات اللي عندها خبره بالاقنعه والخلطات تفيدني خاصه باقنعة حب الشباب والبشره الدهنيه لان والله بشرتي صارت عداااااااام وبدت تسمر مع الشمس....:( :(
________________________________________

ياربي ياكريم ووفق كل من تمر على موضوعي( حتى لو ماردت ) ,وارزقها رزقا كثيرا،واجعلها ممن تظلهم في ظلك يوم لا ظل الا ظلك،وادخلها الجنه بغير حساب،واعطها ماتتمنى يا اكرم الاكرمين ،وارزقني واياها وجميع نساء المسلمين حسن النيه،والقناعه،وصلاح النفس،وصلاح الذريه يا ارحم الراحمين:):)