بناااااااات طلبتكم لاتردوووني ..محتاااااجو لوقفتكم جنبي انصحوني ادعولي الله يخليكم

السلام عليكم ورحمة الله وبركاته..

بناااات والله من زمااااان متابعة قصصكم .. وحبيت الموقع لأنكم فيه كلكم وربي يشهد أول مرة أحس ان الكل مع بعض قلوبهم على بعض .. كل وحدة تدعي للثانيه وتستمع للمشكله وتحاول جهدها تخفف الألم .. تنصحون بعض تضحكون تسولفوون .. كل هالشيئ خلاني اشعر برغبه اني اكون منكم .. معكم .. أفضفض بالوقت الي مالقى احد فيه اشكيله .. تشاركوني تدعولي .. تحملوني يابنااات واسمعوني بقلبكم والله محتاجتكم ..ملكة اختي الاصغر مني ب 4 سنوات بعد اسبوع انا عمري 22 مو متزوجه .. كان يجيني كثييييير ناس بس دايما والدي يرفض بدون مايسأل بحجة اني صغيرة والحين ماعاد يجيني كثير ماادري معظم الي نعرفهم جوني وخلاص الكل صار يبتعد ويسمعون ابوها مبيبي يزوجها اقارب .. مايبي يزوجها الحين ..ابوها مايقبل باي واحد لها .. بناااااات وربي أبوي أغلى وأحن أب بالوجووود هو كان يعارض خوف علي .. يبيني اعييييش حياتي .. كنت اتضايق ابكي بيني وبين نفسي واقول معليش اذا جا النصييب بيرضى .. ويابنات كل ماكان يجيني احد يعارض بدون سبب يمكن لان الله ماكتب وأبوي فوق راااااااسي والله وعيووني له حتى لو طول عمري رفض .. وتقدم لاختي واحد من الاقارب هي عمرها 18 سنه ومامعه شهادة مو متعلم والغريبة انه ابوووي وافق بسرررعه.. مع انه كان يرفض اي واحد من الاقارب متقدملي وتقدملي من الاقارب كثيرررررر وكانوا متعلمين وخلق ودين وعلاقتنا مع اهلهم قويييه.. يمكن مو نصيبي اعرف .. الحين ملكت اختي بعد اسبوع .. انا مو زعلانه والله وربيي الشااااهد اتمنالها السعادة من قلبي والله يوفقها ويكتبلها الخييير..وصدقوني اساعدها وانصحها .. بس في شيئ بداخلي ماادري يابناات ايش صار فيني .. صرت خايفه ماادري كيف اشرح .. سامحوووني يابنات ودي افضفض بس والله عندي شعور اني ماراح اتزوج وخايفه كثيييرر.. كل من درى من العيلة يستغرب ليه قبل الكبيره والكبيره لسا 22..وليه وليه .. انا ارد عليهم انه كل شيئ نصيب وانه هدفي اكمل ماستر.. صرت اخليهم يفكروا انه الرفض مني مو من ابوي لانه مايهون علي .. اذا سألوني ليه ماتزوجتي او ليه اختك قبلك اقولهم لاني ناويه اكمل ماستر .. او ابي ارتاح شوي بعد التخرج ولاااحقه على الزواج .. لكن يابناااااااات الي بقلبي شيئ ثااااااااااني .. صار بداخلي شعور بالنقص بالخوف بالرررعب.. حاسة بثقل كبير اني اتواجد يوم الملكة والناس والعوائل وفي كثييير مايتمنونلي الخيير والله ماعمري اذيتهم بس ماادري خايفه من شماتتهم فيني .. انا مكبره الموضوع يابنااااات ولا شلوون .. بناات تكفوون ادعووووولي ودعاء المسلم لاخيه المسلم مستجابه .. رجيتكم تنصحوني يابنات تخففون عني الخوف .. مالي بعد الله حد أشكيله غيييركم .. ادعولي الله يرزقني بالزوج الصالح عاجلا غير اجل ..والله يابنات حزنت على امي تدعي لاختي وناسيه اني موجوده ويوم انتبهت علي قالت وانتي يارب الله يسهل امورك ويرزقك.. ماادري حسيت شي بداخلي انكسر حزنت عليها .. حسيت كأن في شيئ بداخلي خوووف كبر أكثر واكثرر.. بنااااااات طلبتكم لاتردووني ادعولي بظهر الغيب انه الله يرزقني ويخفف عني وانا والله مااحسد وبتمنى الخيير لاختي ولكل البنات وبتمنى اني ماانجرح بهالموقف ..ادعووولي الله يفرج همومكم ويرزقكم من حيث لاتعلمون ويعطيكم من أوسع ابواب رزقه يااارب كلكم يابناااات