أختي شوووق داايت
الصراحة انتي رائعة والله كلماتك لها اثر كبير على النفس
اشكرك من كل قلبي والله يبلغك كل ما تتمنين وجزاك الله كل خير يا كل الذوووق

حبيبتي انسانه عاقله ... اول شي اتمنى لك الذريه الصالحه وتكونين حامل هالمره
وبعدها تسوين الرجيم ان شاء الله

نصيحه لك حبيبتي خلج من الدكاتره لان اغلبهم هدفهم مادي بحت ...
لا ابر صينيه ولا ادويه ولا شفط ولا ربط ولاشي ... خلج طبيعيه ...
كلي وتمتعي بحياتج ولاتحرمين نفسج ابدا ...
كلي النص من اكلج ... يعني قبل كنتي تاكلين خبزتين على العشا خليهم خبزه ..
وبعدها بكم اسبوع خليها نص خبزه ...وطبعا ابتعدي عن السكريات والحلويات
والدهون والاشياء المقليه

بقولج عن نفسي ... انا كان وزني في نهايه التسعينات ..وحاولت اقلل الاكل
بالطريقه الي ذكرتها لج ..ومرات والله اخربط واكل بس بعدها امسك نفسي
وجربت رجيم الكربوهيدرات تلقين طريقه بالقسم هذا ...
وفادني نزلت في 5 اسابيع 9 كيلو والحمد لله صار لي الحين من شهر 11 لين الحين
احاول اضبط عمري مرات وفي الويكند اعطي نفسي راحه .. وصار وزني 84

بدون ادويه وبدون ابر وبدون اي استشاره ...اقرا في المنتديات وتجارب البنات
ودخلت الماسه اكتيف للرياضه من شهر وبصراحه استفدت وايد وبدأ
جسمي ينشد ...ويترتب
ماشاء الله حتى الكل لاحظ ويبي يعرف شسويت عشان جذيه ضعفت
مافي الا انج تمسكين نفسج عن الاكل شوي والحلويات ..
لاتقولين صعب ...قرري وتوكلي على الله لاني انا متردده من زمان
وكله اقول صعب امسك عمري لين قريت تجارب بنات في المنتدى كانوا فوق ال 100
وصاروا في ال 60 ماشاء الله ... الفال لي ولج يااارب ...
واذا بغيتي اي مساعده في الاكل او اي شي مايردج الا لسانج ...

السلام عليكم

مرحبا انسانه عاقله شلونك وشلون صحتك انا بقول لك تجربتي الشخصيه انا مافي شي ماسويته وانزل اربع خمسه كيلو وارجع تدرين ليش مافي اراده نهاتئي وهكذا لين وصلت لمرحلة الانفجار تشجعت وشجعت نفسي بنفسي وراحت لعائشه صقر انا اخالف اختي شوق دايت في كلامه مب شخص ولا شخصين ولا ثالثه اللي شفتهم ونقصوا عنده وراحت عنده ومن 106 لين 92 ومن ثم وقفت في اجازة نص السنه وجلست اتخبط لاني كنت افكر في نزول السريع يعني كنت طالعه الامارات سمعت عن مبارك الاشقر ورجيمه راحت وشريته 1200 ومافي فايده قالوا لي عن نبيل ابو ماضي وراحت له ومافي فايده وامدحوا لي عطار وراحت له ومافي فايده نصب بنصب اخذ مني 3000 على الفاضي وخلاني امتنع عن الاكل لمدة 45 يوم بس حليب وعسل ولبن وزبادي وياليت نقصت بعد ماوصلت عشرين يوم بس نزلت 3 كيلو وانا والله العظيم بحذافيره اطبقه ولكن ماشي فايده وتعبت المعده عندي وقفلت بسبب قلة الطعام كله سوايل ومافي شي ماسويته لين اكتشفت شي واحد وهو


الرجيم + المشي وغيرهم مافي انا عندي جهاز مشي بالبيت ماكنت امشي عليه ويوم مشيت عليه بداء جسمي يشد مابينت فيني 14 كيلو الا بعد المشي انا الحين مع البنات في الرجيم الكيميائى مسوين قروب وانتابع ومع ذلك امشي 25 لين 30 دقيقه كل يوم وبعد المشي مدة ساعتين مااكل وبعد التسع او الثمان مااكل ابكر في وجبة العشاء حاولي العشاء بدري ويكون وجبه خفيفه وافضل شي ياعلبة روب قليل الدسم او تفاحه خضراء

انا كتبت لك تجربتي ولا تقولون لي عائشه صقر ولا نبيل ابو ماضي ولا دايت سنتر ولا مركز رياضي ولا ربط معده ولا غيرها ولا عطارين المساله مسالة عزيمه واراده وهدف قدام عينك تبين توصلين له ترا ماشي بيطر من الكره الارضيه بنمسك انفسنا شهر شهرين ومن ثم بنرجع وبنحصل كل شي موجود ينتظرن غير المشي والتخفيف ماشي واهم شي الاراده تكون قويه عندك

تسلموووون اخوااااتي ( باستا ) و(شموخ الدوحة )
والله احس انكم اخواتي بالفعل واحس الوحدة فيكم تعطي النصيحة من قلبها فعلا
اختي باستا انا بالفعل كنت حابة اروح الماسة اكتف لكن ما كنت عارفه احد جربهم وانتي شجعتيني اروح عندهم
اختي شموخ الدوحة كلامك فعلا ممتاز وانا فعلا بحاول آخذ بنصيحتكم مع بعض تخفيف الأكل والرياضة مع المشي وادعولي
الله يجزيكم الخير جميع وينولكم الي في باااااااااالكم يااااارب

للرفع