قرّبي شاشك ناوية أهب فيك :p

شوفي ياقلبي...أولاً الحمدلله عالسلامة ومبروك ما جبتي الله يخليه لكم..

ثانيـاً...أنا أختلف معك وأتفق بنفس الوقت..

لما نروح لحفلة زواج -مثلاً- نلاقي الله يسلمك خلاقين ونلاقي لبس ذووووق صح؟

أنا أشوف نفس الشي ينطبق على البيوت.. يعني رحت لمحل فخم وقلب راسي المهندس وهو "رح بنحط لك هايدي هون، وبنشيل هايدي من هون وأشغل راسي بهالكتالوجات ومع كذا طلعت من عندهم وقررت أسوي بيتي بدون أي تردد..ماحد فاهم بيتي زيي..ومع إني فنانة ولله الحمد، وأرسم لوحات زيت أحيانا مساحتها مترين×مترين، بس مــــا فكرت أغامر، رسمت وخططت على ورق ورحت لمحلات البويه العادية..واتفقنا انا وزوجي مع مجموعة دهانين مصريين ممتازين ماشاءالله، البوية العادية المتر بـ 11 مع الشغل والمعجون، (لأني مــــــــــا أحب شي اسمه تعتيق ولا مكسيكي ولا حتى الفلفت دخل مزاجي أبد،علماً إن بيتي كله كلاسيك)..

وسقف بيتي كله جبس أبيض ســـــــــــادة لا تعتيق ولا زخارف ولا نقشات --قمة البساطة...

تصدقين بيتي مساحته ما تتجاوز 350 متر مربع، وجلست أنفذ الجدران تقريباً 3 أسابيع! والتأثيث أخذ شهرين مع إن الميزانية زينة ولله الحمد...

الزبدة :D

*أتفق معك في إن التنفيذ لازم يكون على يدين واحد محترف ومتمرّس (مو بالضرورة غالي، بس أهم شي شايفة شغله على الطبيعة)
*كثرة التفاصيل تضيّع جمال البيت وتخليه سلطة بس مالها طعم!
*معك فلوس زيادة مو معناته إضافة زيادة!
*الزمي ستايل محدد في بيتك..أو بالكثير مرة ستايلين..مودرن للجلسات العائلية وللمكتب، وكلاسيك للاستقبال الرئيسي ولغرفة النوم مثلاً..لا تحطين هنا ركن شعبي وهنا ركن مغربي لأنه في هالحالة من جد بيصير بيتك معرض مدرسة!

وودي أضيف شي بالنسبة لبيوت العضوات..
كلهم على عيني وراسي وأكييييييييييد تحبون بيوتكم بعمق زي ما كل شخص طبيعي يحب بيته وملاذه، بس كثير مهملين الحديقة بشكل محزن!
نفسي مرة أشوف وحدة حاطة حديقة بيتها، أو مهتمة بالمساحة اللي عندها بالبيت، حنى لو كانت 4×4...تعطي للبيت إحساس بالحياة..والله لولا إن زوجي ما اقتنع بفكرة عرض صور البيوت على المنتدى كان حطيت لكم صورة من حديقة بيتي السعنونة...على إني حطيت فيها أكثر مما حطيت بغرفة نومي إلا إني ما تحسفت ولا لحظة...


أدري طولت مرا مررررررا...بس الموضوع حلو وتأكدي يا قلبو محد هاب فيك ولا شي...حلاة الحوار إنه يكون مختلف الزوايا مو من طرف واحد بس..:)

نفس تفكيري ورأيي
لكن الناس أذواق وكلن يتبع ذوقه وميوله

يعني ممكن اللي يعجبك وهو أخر موضه ومرتب غيرك مايشوفه شي يمكن بينه وبين نفسه يقول((الحمدلله والشكر))خخخخ:o

فيه ناس تحبببب الزحمه والربشه خخخ متعوب عليها شوي...:D
والألوان وكثرتهااااا يعني :32:

ترجع للذووووق أولا وأخيرا
يسلمو على الموزوع والحمدلله على السلامه وش سميتوه :04:

للرفع

والله قبل كنت اقول الظاهر ماعاد فيه بيوت شينه من كثر محلات الاثاث والديكور اللي عندنا
يوم دخلت بيوت بعض الناس وفيه صور هنا خلتني اقول الذوق نعمه ...مهما كان المعروض راقي فيا لسوق تلقين ناس تختار اشياء مو حلوه ...
يعني مره دخلت ولقيت وحده عارضه صور صبغ البيت وتقول اذكروا الله و و وو ويوم دخلت انفجعت ...برتقالي مع احمر مع كحلي كل جدار لون مأساه ...قل تاكيد البنات بيلمحون لها انه مو حلو ...لأقيتهم يقولون واو روعه وعطينا رقم الصباغ غسلت ايدي منهم صراحه

الناس .. والمجتمعات .. والطبقات
تفرض اختلاف الاذواق

صعب نجبر الناس على تقبل ذوقنا .. وطالما معجبهم وش يحرق رزنا عادي الله يوفقهم . .

اهم شي تكون الوحده مرتاحه في بيتها ..

يعني هل الاهم تكون مرتاحه وتشوفه حلو .. والا الاهم تكون ماشيه على الموضه والناس يشوفونه حلو ؟

احس البيت اخر شي ممكن اتبع الموضه فيه .. او اراء الناس

الله يرزقنا بس من واسع فضله