السلام عليكم
باختصار انا راح اجي للرياض 3 ايام ان شاء الله مع زوجي
و ودي اسال عن كم محل وين القاه بالرياض
ويا لييييييييت تساعدوني وراح ادعيلكم من كل قلبي
المحلات اللي ابيها :
محل جزم بشارع العليا العام يقولون انه شوي غالي ابي اسمه ومكانه بالضبط
فيلوري اند بوخ
رويال دولتون
ابي محلات اثاث زينه وكشخه وبنفس الوقت اسعارها معقوله
قالولي شارع التحليه ممكن تقولون لي وش فيه محلات؟؟
لانه ادور على كنبات تنباع بالحبه ( فهمتوا علي؟؟ ابي اسوي مجلس كل حبه او حبتين شكل ثاني ) وابي كراسي فخمه شوي
و شارع الملك فهد فيه غير بومباي؟ والانصاري؟؟
ابي اكسسوارات خزفيه يعني كانها من العصر الفكتوري فهمتوا علي؟؟
وطاوله تقديم ( ترولي)
و ابجورات منقوشه من تحت يعني المجسم حقها منقوش وملون
واخر شيء ابي طقم فناجين وكاسات شاء وعصير وين الاقي اكشخ شيء وعليهم القيمه وحلوين؟؟
هل فيه محل معين ؟؟ وهل اقدر الاقي بطيبه هالطقم وش اسم احسن شيء؟
الله يوفق و يسعد ويحقق لها اللي باليها كل وحده تساعدني
وشكراااااااااااااااا
i7saaas @i7saaas
عضوة
يلزم عليك تسجيل الدخول أولًا لكتابة تعليق.
ماشاء الله اختي القمر_1 سبقتني باللي اعرفه بس بيزيد فيه محلات بشارع الملك عبدالعزيز بعد تقاطع طريق الملك عبدالله ( لما يكون ستي ماكس على ايدك اليسار هم على ايدك اليمين ) عندهم ابجورات و تحف حلووووه وبرضه عندهم محلات اثاث تراهم محلات كثيره
على العموم الله يوفقك
على العموم الله يوفقك
الصفحة الأخيرة
محل جزم بشارع العليا العام يقولون انه شوي غالي ابي اسمه ومكانه بالضبط
يمكن تقصدين محل قصر الأحذية
هذا مقابل برج المملكة عند الأشارة على شارع العليا العام
و عموما لو مو هو الشارع المحلات اللي فيه متقاربة يعني ما راح يضيع الوقت في اللف
فيلوري اند بوخ
هذا اعتقد تقصدين فيه محل لتشطيب المنازل مثل الحمامات و المغاسل و غيرها
تلقينه على شارع العليا العام عند اشارة التحلية
رويال دولتون
و الله ما اعرف المحل لكن اذا كان ايضا لتشطيب المنازل عندك شارع التخصصي فيه محلات مواد البناء و الحمامات و المغاسل و الثريات .......
ابي محلات اثاث زينه وكشخه وبنفس الوقت اسعارها معقوله
( انا يعجبني ذوق و اسعار العمر )
قالولي شارع التحليه ممكن تقولون لي وش فيه محلات؟؟
اعتقد محل دوم و غيرة يمكن 4 محلات
المحلات كثيرة و متقاربة و عندك بعد في طريق الملك عبدالله
لانه ادور على كنبات تنباع بالحبه ( فهمتوا علي؟؟ ابي اسوي مجلس كل حبه او حبتين شكل ثاني ) وابي كراسي فخمه شوي
المحلات كثيرة و متقاربة و عندك بعد في طريق الملك عبدالله
و شارع الملك فهد فيه غير بومباي؟ والانصاري؟؟
فيه في نهاية طريق الملك فهد شمال اسواق العويس للأثاث
و جنوب مجمع النخبه و دايل للأثاث
لكن موذاك الزود
ابي اكسسوارات خزفيه يعني كانها من العصر الفكتوري فهمتوا علي؟؟
و ابجورات منقوشه من تحت يعني المجسم حقها منقوش وملون
تلاقينها في نفس محلات الأثاث
وطاوله تقديم ( ترولي)
عند محلات العود او الأواني ممكن في سوق العويس تشكيله اكبر
واخر شيء ابي طقم فناجين وكاسات شاء وعصير وين الاقي اكشخ شيء وعليهم القيمه وحلوين؟؟
هل فيه محل معين ؟؟
انا يعجبني ذوق الخنبشي دايما متجدد على الموضة
وهل اقدر الاقي بطيبه هالطقم وش اسم احسن شيء؟
عندك في طيبة محلات الأمل و الدريب و العبد الكريم و الحسين و فيه غيرها بعد
و بجانب طيبة العويس فيه محلات حلوة بعد
الله يوفقك و يسعدك و ييسر امورك و يمهل لك في بيتك على خير
اختك القمر_1