بنااااااات بلييييييز فهموني هذا اجهاض والا لا؟؟؟؟

عزيزاتي انا ام ماشاء الله لطفلين ومع ذلك اجهل الكثير في امور الحمل والولادة ..

مشكلتي هي حبوب منع الحمل ...كنت استخدم وانا في السعودية حبوب ياسمين وكانت مناسبة لي بس مشكلتها انه زاد وزني شوي من بعد مااستخدمتها ...يوم جيت لكندا لانه زوجي يدرس هنا كنت ماخذه معي 3 علب ل 3 شهور وخلصوا ...هنا في كندا ماتنصرف الحبوب الا بوصفة طبية عشان كذا اظطريت اروح لدكتورة نساء وولادة المهم فهمها زوجي اني استخدم ياسمين بس انه زاد وزني فقالت خلاص انا بصرفلها حبوب ماتزود الوزن قلت انا خلاص يالله بجرب وياليتني ماقلت ..
استخدمتها الان في 9 من رمضان لانه الدورة جاتني في 2 رمضان بس في الاسبوعين الاخيرة فاتني 3 ايام نسيت اخذ الحبوب وبعدها كملت الحبوب عادي المهم يابنات البارح رحنا السوق في الصباح ومشينا كثييييييير لانه ماعندنا سيارة ورجعنا البيت عالمغرب تقريبا وقتها حسيت بالم قوي في اسفل ظهري وعظامي مرة توجعني بعدها في الليل على الساعة 1 وانا استحم في البانيو لاحظت نزول قطعة صغييييييييييرة لحم وفيها زي الالياف البيضاء صغيرة مرة استغربت يابنات بدون دم ولاشيء المهم سكت ولا كانه صار شيء واليوم على العشاء نزل مني دم كثير وانتو بكراااامة مستغربة الدورة ماتجيني بهذي الطريقة
ومامر علي الا 18 يوم من دورتي الاولى
اللي صار لي اجاهض والا دورة والا استحاضة ؟؟؟؟؟
بكرة بروح عند الدكتورة وخاااااايفة مرة خاف تقول اني كنت حامل ويبغالي تنظيف وشغلة وانا ماني بفاااايقة ماصدقت اولد ببنتي عمرها 9 شهور وارتاح وابي افرح بالعيد ماابي اشيل هم ..

اسفة يابنات طولت عليكم مالي الا انتم افضفض لكم ماعندي لا صديقات ولا اهل هنا في الغربة ..
الله يكون في عوني وفي عونكم جميعا ...