روحــ لك ـــي :

احنا ويين احنا موجودين! أول شي تقولين هي رافضه الفكرة يعني شو نقول؟ أو شو بقى نضيف؟ إذا تبغين رايي المتواضع أكبر "غباء" واسمحيلي على كلمة غباء انه الواحد إذا غاب عنه شخص وهو مايدري وشو أسبابه انه يزعل قبل لا يعرف الأسباب يعني من كلامج فهمت انها ردت عليه وهي من الأساس زعلانه؟ ليش تزعل؟ فهمت هو ليش تأخر قبل لا تزعل مش بعد!!! وحتى لو عرفت السبب وشو يزعل في الموضوع؟ تأخر في الرد عليها وخير ياطير؟ يوه؟ ثاني شي مفهومكم عن التغلي كله غلط في غلط مع احترامي للي ردوا قبلي! هي مخطوبه خليها تبني لنفسها قدر وغلاه قبل بعدييييييييين تتغلى!! ثالث شي كلمتها له "الله يوفقك مع غيري" هذي أبداً مب حلوه يعني مافهمت شو المقصود منها؟ انه خلاص مابغيك الله يوفقك مع غيري؟ أو انه الله يوفقك مع اللي شاغلك عني؟ مع انه ثنتيناهن ما يترقعن شوفي اختي إذا ربيعتج بتبدى حياتها من أولها جذيه!! ما نقول غير واعلى حياتها السلام! .. يعني إذا من موقف بسيط انا بقول روح الله وياك ولا الله يهنيك مع غيري انا ما اصلحلك. حتى لو عدا هالموضوع على خير مابتكون فيه ثقه ولا إحساس بالاستقرار احنا يا أختي متزوجات ونعرف انه ازواجنا لو شو ما يصبرون بدونا!! ولو صارت مواقف كبيره بينا وبين أزواجنا ما نبين انا ما ابغيك او روح الله وياك!! لأنه هذا يسبب شرخ في العلاقة!! هذا بيقول هذي بس تأخرت عليها قالتلي روح الله يوفقك مع غيري! باجر لو صار شي أكبر شو بتسوي بتأذينا هذي!! ولابيحس انها واقفه في صفه بس قاعده تتدلع والله ما رديت علي بزعل!! لا انصحيها وقوليلها خلي عنج الزعل اللي من الأساس ما كان له داعي وإذا هي شاريه الريال ماله داعي تخسره بسبب حركات مثل هذي العلاقة أساسها الاحترام والتقدير فلا تضيع التقدير من إيديها لازم تتعود انها تقدره بيقدر نفسه وبيقدرها .. وبعديين الريال اتصل ثاني يوم بعد مسجها اللي ماله داعي وبعد ما ردت يعني اسمحيلي فوق شينة قواة عينه!!!!!!!!!! هذا رايي الخاص شو تتصرف لا تخلي الموضوع ياخذ أكبر من حجمه تعتذر له وتقوله ابليس .. أو تتعذر له بأي عذر!! وعتاب بسيط لج لاتقولين للبنات بدون تعليق عشان هي تكلمه بدون ملكه.. ليش تحرمين البنات من أجر النصيحه وشو دراج انتي يمكن هالنصيحه تفيدها وتكون خير لها!! غير انه الردود اللي بتعلق وبتنصح بترفع الموضوع وبتخليه لج في الصفحه الأولى.. يعني في كل الأحوال انتي كسبانه!!!

احنا ويين احنا موجودين! أول شي تقولين هي رافضه الفكرة يعني شو نقول؟ أو شو بقى نضيف؟ إذا...