بنااااااات... جاني عريس!!

مرحبا يا حلوات
كيفكم يا قمامير... بنات تراني ورطانة ورطاااااااااااااااانة

جاني عريس بس لسة اهله ما شرفوا... يمكن يجو على اخر الاسبوع
بس مصرين على مواصفاتي وقالوا لمامتي بترضي تزوجي الصغيرة قبل الكبيرة؟
لاني انا اخر العنقود
ويشغل وظيفة محترمة ومتعلم وجامعي وكل حاجة..

المهم مو هنا المشكلة..
المشكلة انه عمري 22 وهو 33 سنة... ومو عارفة ايش اسوي
مع العلم انه عقلي وشخصيتي اكبر من 22 سنة... يعني عاقلة وواعية وبنفس الوقت دلوعة وغنوجة ومدللة بحكم اني اخر العنقود... الطبيعي يعني

باباتي... قلقان من فارق العمر ويقول انه كبير شوي بس حيقرر لمن يشوفه ويتعرف عليه يمكن يكون الولد كويس وحيكون مناسب لي ويحميني ويحس اني حكون مع الرجل المناسب (يمكن لاني دلوعته وخايف علي... وشي طبيعي الاب يخاف على بناته)
ماماتي... بتقول من كلام امه ارتاحت لها وانها كويسة ومحترمة ... بس اكيد لمن حتيجي عندنا حنشوفها ونتعرف عليها اكتر..

واكيد لسة لازم نسال على الولد واشوفه ويشوفني ونتعرف على شخصيات بعض..

بس صبايا قولوا لي ايش رايكم... لو انتو مكاني حتوافقو على فارق السن هذا؟
يعني انا اعرف بنات 16 سنة اتزوجوا شباب قي الثلاثين وعايشين حياتهم احلى شي..
وفي بنات الفارق مو كبير بينهم وبين ازواجهم ودايما بمشاكل..
وكل فئة ولها مساوئها ومحاسنها...

انا مبدأيا بقول انه اكيد حيكون انسان ناضج وواعي وحيحسسني بالامان والدفئ..
بس من زاوية اخرى ما ابغاه يعتبرني طفلة ويتحكم فيا ويفرض رايه عليا وكلامه هو اللي يمشي وخلاص..
اكيد هذا كله حاعرفه لمن يجو اهله واتعرف عليهم ويتعرفوا علي واسمع منهم عن ابنهم..

بس قولو لي ايش رايكم انتو؟؟
بلييييييييييييييييييييييييز
وراح ابشركم اذا الموضوع تم باذن الله..
ادعوا لي يا بنات بالزوج الصالح والذرية الصالحة..

مستنية ردودكم