بنااااااات كاني بصور غرفتي قبل و بعد مع التفسير لكل خطوه

ماشاء الله روووووووووة
كلك ذوق ياقمر

اول شي تقعدين الصبح من النوم تغسلين و تتريقين و تبدلين و تطلعين وين تروووووووووحين ؟؟؟
انا اقولج وين سوق بوامية فلس اللي في الدروازه... يعني بوريال بالسعوديه .....
المهم تشترين هالاغراض ... قصدير (ورق الالمنيوم) و ورق مقوي اللي هوا مال الوسيله الحجم الكبير وشموع فضيه و ورود فضيه وفراشات فضيه (كل شي فضي اشتريه)خخخخخ شرايط فضي مع اسود و لمعه فضي اوكي .... و دامج بسوق الدروازه تروحين اي محل مال حجابات تشترين منه ملفع اسود طويل و عريض و ملفع فضي يكون ترتر و تروحين اي محل خام تشترين 5 امتار خام ستن فضي اوكي ....
تطلعين من سوق بو اميه او بوريال تروحين حق مركز السلطان بالكويت او اي لوازم عايله في السعوديه تشترين صبغ رش فضي و اسود و تشترين المسدس الحراري مال الصبغ وفي الليتات اللي انا حاطتها على تاج السرير اهم لونهم ازرق بمركز السلطان اللي يشتغلون على البطارية و تشترين كرسي حق الدار مثل اللي انا حاطيته و في الوان وسعره حلو بعشرين دينار و الرف اللي فوقه منظره طبعا كان لونه ابيض و الارفف اللي حاتهم يم الستاره هم لونهم ابيض اوكي...
بعدين تروحين عندنا محل اسمه سناء مادري اذا في بالسعويه مسوين تنزيلات مو طبيعيه تشترين كفر منهم لان اسعار الكفرات حلوه انا الكفر اللي حاطته على السرير منهم و المناظر منهم اللي حاطه وحده فوق راس السرير و وحده اللي حاطتها فوق الفازه اللي فيها ورد و تاخذين ستاند مال ستاره لونه اسود اوكي ...
هذي مشترياتك اوكي .... الحيـــــن شــــنو تســــوين ....تعالي اقولج ....
تردين البيت تاخذين شور سريع و تلبسين لبس الشغل تيشرت و شورت و تربطين راسج و تييبين الاغراض اللي شريتيها تفرزينها كلها اول شي تسوينه تاخذين المنظرتين اللي شريتيهم مع الخشب مال الكرسي و الارفف و الرف المعلق و الليتات اللي شريتيهم من مركز سلطان و طبعا انا كان عندي فازه في غرفتي اللي كنت حاطه فيها الورد اكيد شفتوها فضيتها و خذيتها مع الاغراض المهم اخذي الاغراض اللي قتلج عنها و تروحين تحطينهم بالحوش و اللي ماعندها حوش تحطهم بالحمام كرم السامع و تييبين الرش الفضي و ترشينهم كلهم باللون الفضي و تخلينهم و ترجعين الغرفه ....
تييبين ورق الوسيله الورق المقوي و المسدس الحراري و تلصقينه على الطوفه طبعا انا لصقته مو على الورق جدران الاحمر عشان لا يخترب و تلصقين الاوراق لين تغطين المساحه اللي تبينها يعني يعني غطيت الاحمر كله اوكي ....
المهم يعدين ناخذ القصدير و المسدس الحراري و نقعد تلزق القصدير على الورق المقوى الوسيله بطريقه عشوائيه و معفسه لمن تخلصين من الحائط تروحين حق الستاره طبعا انا ماسويت الا اني شلت البرده الحمره و فتحت الشيفون الابيض مع الاسود و حطيت الخام الفضي ورا الشيفون بس اللي بردتها الوان تييب الخام الفضي اللي قتلكم تشترون خمسه متر ستن و تحطه على ستارتها او اكثر من خمسه متر حسب حجم الستاره بس لازم يكون الخام زايد عشان تسوين حركات فيها تجيبين الفراشات اللي شريتيهم واذا مالقيتي فضي طبعا ترشينهم فضي و تعلقينهم على الستاره بجلاب (دبوس) بطريقه بف يعني تكرمشين الستاره ....
المهم تروحين السرير و تركبين الستاند مال الستاره فوق التاج و تييبين الصبغ الرش الاسود ااااااااااااه تعبت من الكتابه لحظه ..... اوكي الرش الاسود ترشين تحت الاستاند اللي حطيتيه فوق تاج السرير على قد المنظره و تجيبين فراشه من الفراشات و تحطينها على الزوايا و ترشين اسود عشان يصير شكلها على القصدير تنطرين ينشف الصبغ و تعلقين المنظره و تلصقين الفراشه اللي صارت اللي صارت سوده على المنظره وقبل لا تلصقينها حطي عليها اشوية صبغ رش فضي عشان تصير لونين اوكي ....
تروحين تييبين الاغراض اللي رشيتيهم لانهم انشفو انشالله و تعلقين الرف باي مكان فاضي و حلو بغرفتج يعني انا علقته باول الغرفه و حطيت المنظره الثانيه فوقه و حطيت الفازه تحت و رجعت الورد اللي كان فيها و الاحمر رشيته فضي و يبت فراشه ثانيه و رشيتها بالاسود عشان تعطي شكل حق القصدير (ورق الالمنيوم) وتركبين الكرسي و تحطينه باي زاوية بالغرفة و تركبين الارفف اللي انا حاطتهم جدام الستاره و حطيت عليهم شموع و طبعا نوزع الشموع واذا مالقينه فضي نرش اي لون باللون الفضي و حطيت الكفر الجديد بعد ما غسلته و نشفته بالنشافه والليتات اللي قتلكم عنها من مركز سلطان اللي كان لونهم ازرق سويتهم فضي و حطيتهم على تاج السرير ايييييي نسيت شي في السجاد الخفيف اللي ينباع في ايكيا كانت عندي وحده قديمه لونها اسود سويت عليها فراشات و حطيتها بالارض و اكيد شفتوها بالصور و سلامتكم و تعيشون يا حلوات ....
و طبعا تلبسين فضي و ترشين الدار باللمعه الفضي و ترشين نفسج بالفضي و تشغلين الليتات اللي على تاج السرير و تقعدين تلمعين تبرقين بشكل مو طبيعي انتي و غرفتج اخخخخخخخ انشالله وفيت و كفيت و اي استفسار انا حاظره يا حبوبات .... مع تحياتي و قبلاتي خخخخخ بس عاد ادري طولتها الى اللقاء يا اصدقاء .....

حبيبتي كلج نظر ربي يرزقج بالذريه الصالحه ياربي اااااااااااااااااامين يارب العالمين و وايد شكرا عالمرور ..........

اولا ما شاء الله
روعة وحلو بس تبغين الصراحة عندي الاول احلى العنابي لكن المفرش الثاني روعة من وين خذتية ... وشكرا

ماشاء الله تبارك الله ’

أنا دخت ع الديكور الأول , خقيت عليه
ممممره واااااو ,


تسلم يمينك ,
لاهنتِ حياتو ( =