انا اشتريت منهم عطورات وطلعت كلها تقلييييد تبخين العطر ولا كأنك تعطرتي

تقولين تعطرتي بمويه

الجميع يقول إن شارع السويلم ماركات مقلده
وأغلب الكوافيرات مايشترون إلا منهم
والله رحت له مره لقيت كل الكوافيرات فيه
يعني حتى لو رحتوا للمشغل خذوا أغراضكم معكم أفضل

بل عكس مو كلها تقليد
انا شريت منهم مره كريم اساس فور ايفر وارخص
ولما رحت لكوشكهم الي بالمملكه حق فور ايفر وريته الي تبيع وقلت اني اخذته من محل عادي واخاف انه تقليد شوفيه لي
والله يابنات قالت هاذا الاصلي

انا بنفسي وقدام عيوني جاي مندوم من قزاز وياخذ من محل في السويلم العطورات اذا ماني غلطانه من المصباح اللي على الزاويه ونفسه مرسلتنا له طبيبة جلديه لبنانيه في مركز الرياض الطبي نجيب من عنده كريمات طبيه للبشره يوم كانت خالتي تجهز لزواجها وابو يمن يتعامل مع اغلب طبيبات واطباء البشره ياخذون من عنده ويبيعون في مراكزهم بس هي كان مخلص من المركز ومافيه وقت الزواج بعد اسبوع وكنا في الليل قالت من ثاني يوم روحو لشارع السويلم وجيبو من فلان تقصد ابو يمن كذا وكذا وهي اللي علمتنا عن شارع السويلم ولا اول مانعرفه ولانعرف احد يعرفه

لاتنغرون يابنات والله فلوسكم مهيب جايه بالساهل عشان تعطونهم كذا بارده من برده يطقون لهم حول عشرين واحد في المحل ويحطون ديكورات وياخذون نص مساحة السوق من الهياط وانتو ادفعو الاجار والرواتب والخساير يامهايطيات بذمتكم شفتو شارع السويلم وغبرته ومحلاته الصغار مهي ارخص من وجوه باريس غاليري ومدري مين وجوه وطقته رغم اجاراتهم ورواتب الموظفين يربحون ولا كان ماجلسو فاتحين والسويلم يربحون اكثر بس مهما كان مارح يرفعون السعر مثل ذوليك اذا رفعوه كل الناس بيروحون للمولات النظيفه المكيفه ويخلونهم وغبرتهم عشان كذا ريحو انفسكم وطقو لكم مشوار للسويلم وجيبو كل اللي تبون ارخص لكم وبس

ماانصحكي فيه
انا زبونة بالسويلم لكن مستحيل اشتري مكياج اشتري بنس لفافات شباصات مقصات تحف بس مستحيل مكياج
هذا وجهي !
لو حابة سعر رخيص لاتشتري من ماركات كبيرة فيه ماركات مضمونة واصلية وسعرها معقول مثل ريفلون ومايبلين وماكس فاكتور ونيفيا
قلوسات كراجا