هذي ...
حركااااااات بعض بنات الجامعه
في الحقيقه والواقع ان فيه بنات الله يهديهم تصرفاتهم
ما كنهم بنات جامعه
وفيه حركات تصدر منهم تخلي الواحد يتعجب
أنا مو قاهرني الا اللي تجي بعد العطله وتسأل : وين سافرتووووو هذا الصيف ؟ والثانيه تقول لها : والله جالسين نحرس الرياض .. وانتو وين سافرتوا؟؟
وترد عليها : والله ابوي حلف علي انه يوديني لجنيف بس أنا ما ودي مليت من تصفيط ملابسي دايم أسافر .. والله ودي أقعد معكم أحرس الرياض :icon30:
وبعد شوي تقول معك ريال ابشتري مويه والا جوالك شوي لأن جوالي عائلي وين أجل جنيف خرررررطي:35:
والا اللي تجيك مشووووووووووووته تمشي مليون تحس ان عندها خبر وياويل اللي يجي قدامها توطاه ..وتدخل القاعه وتسبق البنات علشان تحجز لخوياتها وخويات خوياتها وكل من يعز عليها
واللي بعد قالت لها صباح الخير تحجز لها حق وواجب
وشلوووووون تحجز ؟؟
تطلع دفاترها وتحطها على الكراسي اللي حاجزتها وأذا خلصت الدفاتر طلعت الأقلام وأذا خلصت الاقلام طلعت البرايه أذا ما لقت شي فصخت شرابها وحطته والا شباصتها وفكت شعرها وحجزت الكرسي وبنت أمها اللي تشيلهم
والا اللي تلبس كعب وفاكه شعرها ودي اقولها وش يقرب لك المعرس دقه يعني جايه لعرس؟؟:35:
والا اللي تغثهم بأخوها كن محد صار ولد الا اخوها
والبنات طايحن يشبهون أخوانهم بملحم زين ......
وحده الله يستر عليها تقول لي ان اخوي يشبه ملحم زين نسسسسسسسسسسسسسخه وحتى امي يوم شافته بالتلفزيون
قالت لي : مهوب ذا تسنه دحيم أخوتس وش موديه لذيتس الديره قلبي حاسني انه ماراح ابها
.
.
....
والا البنات اللي تجيب معها زمزميه شاهي وقهوه ومعمول وفطاير وكيك وساندوتشات وبيتزا ولقيمات وكبه وورق عنب :7_2_103v:
وتجمع صديقاتها ويأكلون كل هذا في البريك بس ويسدون الطريق وبنت أمها تمر ألا أذا كانت سوبر مان:30: ..
وموبس البنات عليهم ملاحظات حتى المشرفات تشتغل ماشاء الله شغلتين في وقت واحد مشرفه وخطابه
وتطلع البنت من محاضرتها علشان تسالها :انتي معرررسه:heart:.. ؟؟ من انتي بنته تقرب لكم فلانه وعلانه ووش يقرب لك أبوك؟؟
هااه وش رايكن ؟؟؟
انتظر الردووووود:39:
كللي حنيه @klly_hnyh
محررة ماسية
يلزم عليك تسجيل الدخول أولًا لكتابة تعليق.
لا يمكنك مشاهدة هذا التعليق لانتهاكه شروط الاستخدام.
دوووم الضحك ان شالله....نورتي خيتو:27:
والله كلام سليييييييييم هههههههههه للأسف المشاهد هذي مستحيل تتغير لكن الله يعين .والله كلام سليييييييييم هههههههههه للأسف المشاهد هذي مستحيل تتغير لكن الله يعين .
ايوالله ..الله يعين.....:35:
الصفحة الأخيرة
كلن وراحته