السلام عليكم غالياتي
المهم زي ماهو واضح بالعنوان رحت للدكتور اسامه اخصائي فحص الاجنه بالموجات فوق الصوتيه بمستشفى عرفان
وشفت البيبي ربي يخليه لي ياااارب ويجي بالسلامه يارب العالمين
والمفاجأه قالي مبروك عندك بنت وشفتها بالشاشه ياعمري عليها الله يحسن خلقها وخَلقها يارب وحددلي من قبل طبعا تاريخ اخر يوم بالتاسع لاني رحت له من بدري
والله يابنات لو تشوفوا الفرحه مو سايعتني لان عندي ولدين من قبل ومن زمان اتمنى من الله يرزقني ببنت والله له الف حمد وشكر ماقصر معاي والله يجيبها لي بالسلامه
وطبعا الدكتور اسامه مره طيب ومحترم واللي تبغا تروح عنده تروح من بدري عشان يحددلها موعد الولاده بالضبط لان انا حولتني عليه دكتورتي اميره اللي بولد عندها بأذن الله ويوم رحت له كنت بلشهور الاولى عشان كذا حددلي تاريح ولادتي
وبعدين الفحص عنده على ثلاث مراحل المرحله الاولى بالشهر الثالث وفيه يتأكد من قلب الجنين وكم عدد الاجنه في بطن الام وكم عمر الجنين بالضبط ومقاسه ويتأكد من الجنين اذا كان لا سمح الله منغولي ويقيس عنق الرحم والمشيمه
ويتأكد من خلو الجنين من اي تشوهات لاسمح الله ويتأكد كم عدد الاصابع باليدين والرجلين وكيف وجه الجنين والعيون والفم والانف
وطبعا هذا بالشهر الثالث وبعدين يقولك راجعن في الشهر الخامس وهذا هو الموعد الثاني وفيه فحص شااااامل للجنين ولمخه ولقلبه ولاعضاءه وليداته ورجلينه ووجهه واذا فيه تشوهات الموهم فحص للجينين من الداخل والخارج ويقولك ايش نوع الجنين يعني بنت او ولد وتشوفين ولدك قدامك بالشاشه وهو يتحرك الله يحفضهم لنا ويجيبهم بالسلامه ويسهل ولادتنا ياااارب العالمين
والفحص الاخير بمنتصف السابع ويسمى فحص الدلع وياعيني ع الدلع يا بنات هههه يعني ندلع البيبي وندلع انفسنا وبهذا الفحص يعطيك شريط سيدي للجنين وهو يتحرك ببطنك للذكرى وكمان يعطيك صور ملونه له تحتفضين فيهم بألبوم البيبي يوم يوصل بالسلامه ان شاء الله
هذا حبيباتي معلومات حبيت افيدكم عنها وتقدرين تاخذين زوجك معاك اذا حبيتي عشان يعيش معاك لحضاتك الحلوه ويشوف البيبي ويقدر مدى تعب الام وصبرها وتحملها لولده ^_^
دعواتكم لي ان الله يسهل ولادتي ويجيبلي بنتي بصحه وسلامه يارب
ندى الايام1 @nd_alayam1
محررة ذهبية
يلزم عليك تسجيل الدخول أولًا لكتابة تعليق.
دلوعة يوتي
•
وينه مستشفى عرفان بالرياض
ramroom
•
ما شاءالله ألف مبروووووك و عقبال ما تشيليها في حضنك :)
ممكن سؤال بكم سعر هذا الفحص؟
و هل ممكن نسويه بالتأمين؟ ولا لازم كاش؟
ممكن سؤال بكم سعر هذا الفحص؟
و هل ممكن نسويه بالتأمين؟ ولا لازم كاش؟
وينه مستشفى عرفان بالرياضوينه مستشفى عرفان بالرياض
دلوعة يوتي هلا فيك يالغلا
لا مو بالرياض
الدكتور اسامه بمستشفى عرفان بجده بالفيصليه بشارع الستين
توليب نجد
حبه هالكني
مشكوووورات وربي يبارك فيكم يارب
رمروووم
ربي يبارك فيك حبيبتي
ايوه تقدرين بالتأمين لاني انا مسويته بالتأمين
طبعا الفحص الاول والثاني بالتأمين
بس الثالث لا لان الدكتور قالي ان الفحص الثالث خارج التأمين وسعره 300
ومشكوره حبيبتي على المرورالحلوو
الله يتمم لك حملك يارب وتفرحي بشوفتها :icon28::icon28:
بس لو يقطعوني تقطيع ما حب أروح عرفان اكرهها احسها كئيبه جدا وتكثر فيها الأخطاء الطبية
بس لو يقطعوني تقطيع ما حب أروح عرفان اكرهها احسها كئيبه جدا وتكثر فيها الأخطاء الطبية
الصفحة الأخيرة