البداية، كنا انا وبنت خالي من وحنا صغار كنا دايما نلعب مع بعض ونقول اسرارنا لبعض وحتى ننام مع بعض في نهاية الاسبوع، يعني كاننا خوات.
وبعدين لاحظتها مرررة تغيرت وحتى صفاتها ما صارت تعجبني والمشكلة انه حنا الحين دخلنا لاصعب مرحلة، الللي هي المراهقة:44:
وما صرت دايما اكلمها حتى انني اشوفها بالمسن بس ما يكون لي خلق اكلمها، واذا ما كلمتها تقولي ليش انتي ما تكلميني ولا شي، اقولها انه ما يكون لي خلق واصلا ما عندي سواليف عشان اقولها، وشو بس اهلين كيفك؟؟!!! خلاص طفشت.
وحتى هي لما تسولف اغلب سواليفها عن الشباب وقصص الحب الخرافية اللي عندنا في السعودية، وانا عن نفسي ما اطيق هذه الاشياء، اصلا حتى هي تدري.
والمهم كذا مرت الايام وما صرنا نشوف بعض في الجمعات الا احيانا.
واخر مرة كلمتني في المسن قالت لي: ابي اسالك سؤال، فيه بنت اعرفها مرررة تغير اسلوبها معي،وش اسوي معها؟؟؟
قلت لها: تقصديني انا صح؟؟
قالت: لا، بنت اعرفها من المدرسة وبس.
مع اني اعرف انها تقصدني بس ما تبغى تبين، وش تحسبني بزر ما افهم؟؟!!!
المهم قلتلها: هي كيف معك؟؟
قالت: اول كنا مررة مع بعض بس الحين ما صرنا.
قلتلها: خلاص اجل اسفهيها اذا كانت ما تعاملك زين، مدري عنك، سوي اللي تشوفينه مناسب.
ومن بعدها ما صارت تكلمني ولا اصلا ما اشوفها بالمسن، قلت يمكن حذفتني.
المهم انا الصراحة ما يهمني لانه اصلا في الاخير كلنا تغيرنا وما صرت ارتاح معها، حتى ميولها غير ميولي، والمشكلة اللي قاهرررني انها تحسب اننا مرررة صديقات وحنا اصلا ما صرنا زي اول.
والحين قاعدة افكر لما اشوفها المرة الجاية - مع انه لي يمكن شهرين او 3 ما شفتها ولا كلمتها- مدري وش اسوي، اصارحها ولا وشو؟؟؟ لو سمحتو ساعدوووووني. :(
Small world @small_world
عضوة جديدة
يلزم عليك تسجيل الدخول أولًا لكتابة تعليق.
زمرده3000
•
شوفي لا تقاطعينها انصحيها لوجه الله وقولي لها انك ما تغيرتي عليها الا لانك منتي راضيه من فعلها وقولي لها بصراحه ياما تختاريني او تختارين الطريق الي تمشين فيه الان واذا ما اختارتك فخلاص انتي سويتي الي عليك ونصحتيها وخليك معاها رسميه ومصيرها تعرف انك على حق
غريب ياعمري صداقة عمر تروح كذا اذا انتي مو عاجبك اسلوبها معاكي حاولي تعدلي فيها وانصحيها حرام هذه زميلتك مهم يكون لاتضيعها
شوفي لا تقاطعينها انصحيها لوجه الله وقولي لها انك ما تغيرتي عليها الا لانك منتي راضيه من فعلها وقولي لها بصراحه ياما تختاريني او تختارين الطريق الي تمشين فيه الان واذا ما اختارتك فخلاص انتي سويتي الي عليك ونصحتيها وخليك معاها رسميه ومصيرها تعرف انك على حقشوفي لا تقاطعينها انصحيها لوجه الله وقولي لها انك ما تغيرتي عليها الا لانك منتي راضيه من فعلها...
شكرا يا اختي على النصيحة، والله انك صادقة
غريب ياعمري صداقة عمر تروح كذا اذا انتي مو عاجبك اسلوبها معاكي حاولي تعدلي فيها وانصحيها حرام هذه زميلتك مهم يكون لاتضيعهاغريب ياعمري صداقة عمر تروح كذا اذا انتي مو عاجبك اسلوبها معاكي حاولي تعدلي فيها وانصحيها حرام هذه...
هذه المشكلة، ما صرت احبها زي اول، حتى لو انها صديقتي وبنت خالي من وحنا صغار، بس كم مرة انصحها ما تهتم :( بس شكرا على الرد
الصفحة الأخيرة