بناااااات دار زايد لاهنتوا ممكن سؤال؟؟؟؟؟؟؟

با ليت أقدر أساعدج بس أنا ما عمري لبست جلابيات
بس عدنا اليشمك
وعدنا في الشارقة في سوق القديم محلات جلابيات بس للأسف ما أذكر الأسامي
لكن إنتي تمشي في السوق وما بتملين وبتشوفين جلابيات وغير جلابيات

تسلمين يافراشه بريئه
ايه أعرف اليشمك بس فيه محلات يعني غير مشهوره زيه وما ألقاها بالمراكز الكبيره...
بس وين ألاقي السوق القديم إعذريني لأني ماعمري سمعت فيه رحت بس لصحارى اللي عندكم..
ايه معليش سؤال زجي قاله إماراتي إن عندكم زي المخازن تبيع الماركات بسعر أقل بس ماحصلناه ليت لو عندك فكره عنه تفيديني ووين ألاقيه؟؟؟
أسئلتي كثيره معليش تحملوني...

السوق القديم هذا في الشارجة وموقعة على البحر ومشهور يعني لو وقفتي أي حد بالشارع على طول ممكن يدليج
وبالنسبة للمخازن ما أدري شو يقصد فيه ؟؟؟!!!!
بس نحن عندنا مصانع عجمان ويبيعون أشياء حلوة وبسعر رخيـــــص وخيالـــي
وحتى سوق القديم أشياءه رخيصة ومثل ما قلت لج عندهم محلات جلابيات
وأتمنى أكون أفدتج وإذا عندج أي استفسار أنا في الخدمة :)

هلا اختي .. الغالية انتي تامرين امر .. ويا مرحبابج في دبي ..

الغالية بالنسبة للجلابيات الي اسعارها معقولة .. بتحصلينها في سوق نايف .. مركز المنال .. سوق الظلام (هذا السوق في نفس المنطقة) .. وسوق مينا بزار .. اذا سألتي اي حد بيدلونج عليه .. هذا السوق عبارة عن شارع كامل فيج الابس الهندية من جلابيات (الي تجي بقطعتين مع الشيلة) والبنجابي واكسسوارات هندية وغيرها والاسعار واااااايد مناسبة .. وعلى فكرة شغلهم راقي مب اي كلام .. بس اسعارهم حلوة مثل ماذكرت ..
اممم بعد عندج الكشخة بلازا .. عدال مركز بو هيل مال العبايات ..
عندج بعد محلات في شارع الضيافة ومنهم محل نوف .. ومركز بن سوقات فيه بعد محلات مثل شيتل .. ومركز البستان بعد بتحصلين في الهودج .. وبعد عندج راجو بلازا عدال مركز حمر عين واايد جلابيات حلوة عندهم واسعارهم بعد مناسبة .. اممم هذيلا الي على بالي الحينه وفي دبي .. وطبعا اذا بغيتي الي في المراكز .. انصحج بمول الامارات .. بس تره شوي اسعارهم غالية ..

وفي الشارجة .. مثل ماذكروا البنات .. السوق الجديم .. ومكانه على البحر .. شوي ابعد عن الصحارى .. واغلب محلات الجلابيات تحصلينها هناك ..

اما عن المخازن الي ذكرتيها .. فهي تسمى بمصانع عجمان .. بس هي في الاصل محلات مب مصانع .. ويكون فيه نفس الي يبيعونه المحلات المعروفة مثل برمود وزاراوغيره .. بس بنص السعر و يمكن ارخص بعد لانها تجي المصانع .. ومكانه في عجمان الي بعد الشارجة .. ولو سألتي اي حد بيدليج عليه ..

اتمنى اني قدرت افيدج ولو بغيتي اي شيء عن بوظبي بعد حاضرين للطيبين :)

يعطيكم ألف عااااااااااااافيه مشكرين وماقصرتوا
إيه يوم قلت لزجي قالي لامب مخازن مصانع عجمان زي ما تفضلتوا..
ا(((((((((((لغالية بالنسبة للجلابيات الي اسعارها معقولة .. بتحصلينها في سوق نايف .. مركز المنال .. سوق الظلام (هذا السوق في نفس المنطقة) .. وسوق مينا بزار .. اذا سألتي اي حد بيدلونج عليه .. هذا السوق عبارة عن شارع كامل فيج الابس الهندية من جلابيات (الي تجي بقطعتين مع الشيلة) والبنجابي واكسسوارات هندية وغيرها والاسعار واااااايد مناسبة .. وعلى فكرة شغلهم راقي مب اي كلام .. بس اسعارهم حلوة مثل ماذكرت ..
اممم بعد عندج الكشخة بلازا .. عدال مركز بو هيل مال العبايات ..
عندج بعد محلات في شارع الضيافة ومنهم محل نوف .. ومركز بن سوقات فيه بعد محلات مثل شيتل))))))))))))))
بنت دار زايد معليش بس كل اللي زكرتيهم هني بحصلهم بنفس سوق نايف مينا بزار فيه بعد...
معليش إتحمليني........