بناااااات طالبتكم ادعو لامي

السلام عليكم


بنات من غير مقدمات

الموضوع انو امي الزوجة الثانية لابوي وابوي عندو عمارة ومن يوم ما كان مملك على امي قالتلو ما ابغى اسكن في نفس العمارة حقتك عشين مرتو التانية ساكنة فيها واجرلي شقة برة بنفس سعر شققك عشين ما يسير كانك دافع شي <<<<<<<<فهمتو

المهم قلها خلاص طيب بس اول شي خلينا نتزوج ونسكن في العمارة وبعدين ادورلك شقة واتزوجو اللي سار انو بعد الزواج ابوي نسا الموضوع وسارت كل ما امي تكلمه يرفض

وعشنا هناك وانولدنا انا واخواني لما كبرنا شوي طبعان كانو اخواني من ابوي اكبر مننا وسارو ما يصدقو يضروبونا على الفاضي والمليان وامي مرة تسكت ومرة تزعل المهم جا يوم امي قالت خلاص طلعنا في شقة بعيد عنهم عشين العيال يشتاقو لبعض وما يسيرو يتضاربو فرفض

ووقتها كانت اكبر اخواتي في الجامعة وانا اكبر وحدة في البيت في الابتدائي وسارت تسوي مشاكل مع امي وحتى السواق سار يطنش كلام امي ويسمع كلامها

وامي كلمت ابوي وما سوا شي في الموضوع وزعل وبطل يجي عندنا البيت

المهم وقتها كانت جدتي ام امي مريضة وجدي متوفي وامي خافت تقول لامها عن المشاكل المهم

امي كانت موظفة ومن قبل ما تتزوج وهية تجمع راتبها وفاتحة حسابين واحد عادي وواحد توفر فيه
فكلمت خوالي وقالتلهم ابغا سيارة وسواق وواحد منهم قدملها على سواق باسمه وراحو على معرض السيارات واشترو سيارة وسرنا نروح ونجي فيها وابو كان رافض انو لكل بيت سواق

وخالي الثاني ساعدها لين لقت ارض وشترتها واخذت قرض من البنك وبنت بيت وطبعا كل هادي الاشياء بدون علم ابوي

المهم اول ما خلص البيت شلنا عفشنا ونقلنا وابوي ما تكلم ابد وسارلنا من يوم نقلنا 5 سنين وابوي فقط يرسل 1500 ريال في الشهر رغم انو ميسور الحال وباقي مصاريفنا على امي بالاضافة لراتب السواق واحيانا الشغالة و المبلغ اللي يسحبه البنك

طبعا ولله الحمد مستورة وكل طلباتنا مجابة من امي الله يخليها والله لو ايش سوينا ما وفيناها حقها

شفتو كيف انو في زوجات ثانيات مضلومات

بس ابغاكم تدعون انو الله ييسرلها الرزق ويقضي دينها ويفرج همها ويطولنا بعمرها هية الام والاب لنا لان نفسها تتقاعد بس كيف مع كل المصاريف اللي ذكرتها