السلام عليكم
رواد المنتدي والقسم هادا العزيز
طبعا اكيد كلنا نعشق المكياج
بس دحين صار الغش التجاري في كل حاجة
الكحل في رصاص والروج في رصاص وقالو دا الموضوع يسبب مرض سرطان الثدي ابعده الله عني وعنكم
وعن من نحب ونساء المسلمين.
كيف نعرف اذا في رصاص في الكحل نقرب مغناطيس صح واذا جذبو معناه في رصاص
والروج نحكو بخاتم ذهب واذا اتحول لاسود معناه في رصاص
والله شي يشيب يعني مانقول بس ارواج الرخيصة والتقليد هيا الى فيها دا الكلام بس
حتي الماركات العالمية وسعرها ما يعتبر رخيص
طيب دحين ما حنقدر نستغني عن المكياج بس السؤال كيف نحمي نفسنا
انا عن نفسي احط على شفايفي كريم اساس وكنسيدر وبودرة مضغوطة وبعدين الروج
طيب انتو كيف تتفادو الموضوع كل وحدة تقول طريقتها عشان نفيد ونستفيد
والله الموضوع هام
بس اتوقع اذا كان الاستخدام قليل ان شاء الله ما يجينا شي بس مشكلة اللي تحب المكياج وتحطه كللل يوم