امة الرحمن حبيبتي انا سألت امي ويبت لج الطريقه

وهذا الموضوع سويته خصوصا لج وللبنات اللي يبون يعرفون وانشالله يكون كل شي واظح

واتمنى انه الطريقه تعجبج وتعجب ريلج وانتي بينيله انج اتعرفين:cook: وجذي وعبالج ما يحب هىهىهىهىهى

وهذا مطبق الزبيدي ودقوس لصباره لختي امة*الرحمن العزيزه

بعد قلبي والله شوفي انا دقوس الصبار ايب الصبار وانقعه بقلاص ماي لين يذوب بعدين اصفيه عدل واحمس بهارات بزيت زيتون عشان يعطي ريحه حلوه بعدين احط 4 فصوص ثوم مهروسين على اشوية فلفل اخضر حار بس عشان الطعم واحط قفشتين كبار معجون طماط ......عقب ماتشمين ذيج الريحه الزينه حطي الصبار وخليه لين يغلي اشوي وقصري الجوله وخليه بو 5 دقايق وقدميه....وعاد انتي على هواج اذا تبينه خاثر خليه نفس ماهوا واذا تبينه خفيف زيدي الماي.......وهني وعافيه على قلبج :26:

Miss_sFer :24:
مشكووووووووووووووووووووووره حيااتي ,,

**الخنساء**
تسلمين يا عمري جربته اليوم وطلع رهيب :27:

كادبوري
الله يعاااافيج ياحبيبتي وماقصررررتي :26: :26:

أمة*الرحمن العفوا ولو ما سويت شي :) تستاهلين

اختي العزيزه ( امه الرحمن )

كله ولا الزواج يا معودة !


انا سويت ذاك المطبق يوم الجمعه اللي مسحوا الطبق 0

وطريقتي ترى سهله وتقدرين تستعملين اي نوع سمك مو شرط الزبيدى 0

اولا تغسلين السمك وتفتحين بطنه شويه مو وايد وترشينه بالملح والطحين عشان الزفر وبعدين تغسلينه0

تحشين السمك ( بصل مفروم + ثوم مهروس + كزبره + اشبنت + كاري وبهارات السمك وملح )

بالجدر تحطين بصل مفروم وايد وزيت وتخلينه شويه لما يطرى وتحطين فوقه السمك وتقلبينه على الوجه الثاني

حتى يستوي شويه ( مو ينهري ! ) وبعدين تشيلينه من الزيت وتحطينه في صينيه فرن وترشينه بالهيل والداريسن

وتخلينه حتى يتحمر بالفرن0

ثانيا : تغسلين الرز وتنقعينه شويه وبعدين تصفينه وتحطينه في الجدر اللى قليتي فيه السمك مع البصل

وتقلبينه و تحطين اعواد دارسين ومسمار ولومي اسود وملح و قرنين فلفل اخضر حار وبعدين تضيفين ماء مغلي بحيث يرتفع عن الرز

بمقدار 1سم وبد ما يتشرب الماى تخلينه على نار هادئه حتى يتسكر وفوقه توزعين قطع زبدة

وحطي السمك فوقه 0 وبالعافيه