دلوعة زوجها44
•
للرفع
هلا اختي
قريت مشاركات البنات قبلي وحسيت يمكن تضيعك اذا كنتي فعلا ماتعرفين شي بالمكياج
رح احاول اعطيك اشياء واضحه
اول شي
جيبي مقشر نيتروجينا ممتاز لتنظيف البشره مكتوب عليه مقشر وقناع وتحصلينه في اي سوبرماركت
هذا عشان بشرتك دهنيه تستخدمينه قبل المكياج زي الغسول
ثاني شي
البيس
وهو اللي يستخدم قبل الاساس حمايه للبشره من كثر المكياج + واقي شمس
احسن شي
تاخذين من فور ايفر أو من ماركة جفنشي ممتاز ووقايته من الشمس عاليه
والماركتين تحصلينها عند وجوه او دبنهامز في اي مول
ثالث شي
كريم الاساس
من ماركة ديور خذي درجه يناسب بشرتك أو من ماركة برجواز برجواز ممتااز خذي درجه افتح من لون بشرتك بشوي وتحصلينه في لايف ستايل في سنتر بوينت
وديور في دبنهامز ووجوه
هذا للطلعات العاديه
اما للسهرات اساس من كريولاين لان تغطيته عاليه اذا كان عندك مشاكل في البشره وخذي البودره معاها
رابع شي
بعد الاساس تستخدمين البودره
تاخذينها من نفس ماركة الاساس
خامس شي
قلم الحواجب عادي من اي ماركه يجي معه المشط حقها
سادس شي
الماسكرا من لانكوم أو برجواز والنوعين يهبلون
اكيد تعرفين الماسكرا اللي هي صبغ الرموش تطول الرموش
سابع شي
الشدوهات احسن شي من ماك
خذي علبه او علبتين مشكله فيها الوان كثيره اوفر واحسن لانك عروس بتحتاجين الوان كثيره
خذيها من ماك
بالنسبه فرش المكياج خذيها من بودي شوب
لمعة تحت الحواجب خذيها من بودي شوب
ثامن شي
الارواج
ارواج ماك تجنن وعشان ماتضيعين خذي هذي الاسماء وخلي البايع يوريك اياها لانها متفق عليها عند الجميع انها تجنن
راشين ريد/امباشن / هق مي
تابع الارواج
وفيه محل اسمه ميشا ارواجه تجنن كأنك حاطه جلوس من لمعتها وبنفس الوقت اللون واضح
ومحدد اسمه سبايس من ماك ايضا يناسبه درجات كثيره من الألوان
اكيد تعرفين المحدد
اللي هو قلم تحديد الشفاه تحددين فيه الشفايف قبل الروج
تاسع شي
البلاش
اللي هو بودرة الخدود
من ماركة نارس أو برجواز أو من ماك أو من جيرلان كلهم ممتازين
انت شوفي اللي يعجبك وجربي على يدك وخذي
هذي هي الاساسيات
اي صح الكحل خذي كريمي من بوبي براون او من ماك كريمي يجنن سواد فاحم وينرسم بالفرشه
اذا تخافين تغلطين خذي من لانكوم كحل سائل وبس
اللحين بعيد ترتيب خطوات وضع المكياج
تنظيف الوجه بالمنظف
وضع البيس والانتظار ربع ساعه حتى تتشربه البشره
توزيع الاساس
ثم البودره
رسم الحواجب بقلم الحواجب
وضع الشدو
رسم الكحل داخل وخارج العين
ثم الماسكرا
المحدد
الروج
البلاش
وفيه عند بودي شوب لمعه تجنن علا شكل قلم وبنهايته فرشه تحطينها علا الوجه بعد المكياج وممكن علا يدينك وصدرك تجنن
وترا المكياج ممارسه وكلما جربتي اكثر عرفتي اكثر وعادي لا تقولين احس اني رجال كلنا كنا مانعرف وتعلمنا انتي ماجربتي نفسك ممكن تكونين شاطره مره وعندك موهبه
ربي يوفقك ان شالله بزواجك
وادعي لوالدتي بالشفاء لانها مريضه
الصفحة الأخيرة