السلام عليكم ورحمة الله وبركاته ..
اخباركم بنات حوااااء.. عساكم بخير ؟؟
المهم ما بطول عليكم ..
من اسبوعين سرت مركز تجميل معروف عندنا ف بوظبي ..
وانا سرت عشان سواد الركب والاكواع والمناطق الحساسة والفطريات اللي تظهر ع الظهر ..:09:
وسرت بعد عشان تساقط الشعر ولاني ارضع وااايد طااااااااااااح ..
المهم عطتني كريم مبيض ومرطب عشان الركب والاكواااع وقالتلي النتيجة بتبين بين شهر الى شهرين مع الاستعمال اليومي ..:eek:
انا انصدمت وقلت فخاطري هذي مواد كيماوية والنتيجة تطول عيل كيف المواد الطبيعية مثل الليمون و ..< يباله صبر من الخاطر ..:09:
وسالتها عن المنطقة الحساسة هل في كريمات او اي شي يبيضها ؟
ردت علي بكل ثقة ويا ريتها ما ردت ..:( حطمتني وخلتني افقد الامل في بياض المنطقة ..
وقالتلي ما في شي يبيض المنطقة .. الا اذا تفتيح ويكون بسيييط جدا ويمكن ما يستمر ..
وقالتلي من الطبيعي ان المنطقة اتكون اغمق عن باقي الجسم ( وعلى فكرة هي سورية وما شاء الله عليها اتلق من البياض)
وقالت البنت السمرة اتكون المنطقة اغمق من البنت البيضا وفي الاخير الكل عندهم المنطقة اغمق من باقي الجسم ..
وهي شكلها وحدة امينة يعني كانت تقدر تعطيني اي كريم واتقص علي وتكسب فلوس ..
وعلى فطريات الظهر عطتني كريم وقالت تعالي بعد 3 اسابيع بعطيج حبوب عشان ةما تيي مرة ثانية
لانها اتيي وقت الحر ..
وعلى تساقط الشعر عطتني ابر لكن يوم ييت وفتحت التعليما لقيته ما يناسب المرضع ..:icon33:
وعلى فكرة واايد يمدحون ه الابر ..
وان شاء الله بنات اذا لقيت نتيجةللكريم المبيض والمرطب بحط اسمه عشان تستفيدون ..
والزبدة من الموضوع :
لا نحلم ببياض المنطقة لانه شي طبيعي ..
والحمد لله ما شاء الله تبارك الله زوجي قنوع وهو بروحه كان يقولي يوم يشوفني اسوي خلطات انه شي طبيعي المنطقة غامقة ..:22:
وانا كاتبة الموضوع عشان الكل ما ياخذ هم المنطقة ..
واذا فيه وحدة جربت شي وصارت المنطقة متوحدة مع باقي الجسم لا تبخل علينا ..
وعلى سالفة الفطريات ترى اللي تييها فطريات كل فترة خل تروح عند دكتورة متخصصة وتعطيها حبوب او كريم ما يخليها ترجع مرة ثانية .. لانها كانت اتييني كل فترة واروح عيادة عادية وترجع مرة ثانية في الصيف ..
وان شاء الله تستفيدون من الموضوع .. :26:
#احبه# @ahbh_3
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
يا حبيبتي الله يعطيك العافيه .. و الله يجزاك خير على كتابة هالموضوع علشانك تبين تفيدين أخواتك
و الله يهنيك مع زوجك و يسخره لك و يحفظكم .. و يشفيك من هالفطريات و يعافيك يا رب