بنااااات لا تفشلللوني دلللللوني ابي مساعدتكم(سؤال عن المحلات في مصر)

اختي ..الجلابيات منتيب لااقيه شي يستاهل .الي في الرياض احسن الف مره والاسعار متقاربه
اما التقليد بتلقين في كل مكان وبتكرهين الماركات من كثر ماتشوفين تقليدها وتراها ماتوصل 500,تقريبا اخر شي 250 جنيه (((((((وعليك بالمكاسر في الاسعار ))))))))):26: :24:
رحله سعيده...

ممكن أدلك على بعض الأماكن هناك بس بشرط تاخذيني معك هههههه والله حلوه مصر
أنا رحت للاسكندريه وسكنت فندق قصر فلسطين وتسوقت من شارع سعد زغلول برضه باالا سكندريه وصادقه لا تفوتك جلابياتهم شريت وحده بس بميه وخمسين قنيه (جنيه) وماشفت مثلها الى اللحين ولاتفوتك قمصان النوم 00
وزرت في القاهره الاهرامات والمتحف الفرعوني وزياده أخذتا تاكسي وخليناه يلف بنا في القاهره وفيها مطعم مشهور في القاهره والله ناسيه اسمه 00
عسى أفدتك؟؟؟
مشاعل

شوفي يا اختي انشاء الله ببرد لك قلبك و بقولك رحلتنا من طائطا لسلام عليكم و انا كاتبتها في منتدى العرب المسافرون.. http://travel4arab.com/vb/showthread.php?threadid=5206


باتكلم اول شيء عن انطباعي عن البلد الصراحه الرحله كانت رائعه مع ان الرحله كانت لمدة 9 ايام

التفاصيل:

اليوم الاول : الوصول وصلنا مطار القاهره الساعه 9 و النصف اخذنا تاكسي من المطار ووصلنا للفندق سكنا في فندق كونراد الفندق رااااااائع جداً لكن عيبه وجود مطربه تغني في الكافي الي في البهو
حطينا شناطنا ورحنا لسوق اركاديا سوق رايق تعشينا فيه ورجعنا نمنا

اليوم الثاني : تغدينا في ابو شقره مطعم حليو وبعدين طلعنا على ملاهي ماجيك لاند في مدينة 6 اكتوبر ملاهي رائعه فيها قطار يوديك لاماكن تصوير المسلسلات وفيها حديقه الديناصورات وعروض للدلافين بالاضافه الى بعض الالعاب لكن انتبه من النصابين الي يقولون لك فزت معنا لا تعطيهم وجه
اليوم الثالث : تغدينا في تشيليز عباره عن مجموعة مطاعم في باخره اسمها النيل سيتي جداً رائعه وبعدها ذهبنا الى الاهرامات صدق من قال انها من عجائب الدنيا السبعه جداااااا رائعه رحنا في المساء لمسرحية عادل امام ( بودي قارد ) المسرحيه حلوه
اليوم الرابع:رحنا على القريه الفرعونيه صراحه المكان خطيرررررر يعني يمشي الوقت وانت ما تدري و طلعنا منه على سوق جنينه مول السوق حليو
اليوم الخامس : رحنالسوق الفور سيزون السوق جدا رائع لكن غاااااالي يعني روح و تفرج لا تشتري وبعدين طلعنا لدريم لاند صراحه ملاهي اكثر من رررررررائعه انصح فيها للي معاه اطفال اكثر من ماجيك لاند طبعا قضينا اليوم بكامله فيها و ما ملينا
اليوم السادس: طبعا خصصنا اخر الايام للتسوق رحنا لسوق هيلتون رمسيس السوق اكثر محلاته جلديات احذيه اعزكم الله وشنط تقليد للماركات على كيف كيفكم وبعدين طلعنا خان الخليلي الصراحه ما عجبني ما ادري هو البلى فيني والا فيهم يمكن الجو كان مرررررره مكتوم صراحه المكان مره وسخ .
اليوم السابع:رحنا لسوق اركاديا مول السوق مره حلو فيه بضاعه حليوه افضل من جنينه مول وطلعنا للمحلات في وسط البلد المكان مره حلو و فيه محل جلابيات اول ما تدخل على اليمين ..
اليوم الثامن : شارع كرداسه ( الشارع السياحي ) شارع شبيه بخان الخليلي لكن انظف كل المحلات تبيع الجلابيات النسائيه و الرجاليه يصلح للهدايا وطلعنا منه على هيلتون رمسيس مره ثانيه ( حريم ما يشبعون من الشنط و الجزم ).
اليوم التاسع : العوده الى مطار الملك خالد الدولي لكن الفرحه ما اكتملت ضاعت الشنطه الي فيها الهدايا
نصائح من خلال تجربتي :
عدم اخذ الاطفال <---- وحده متعقده
اخذ الحيطه من النصابين وتطنيشهم مع انهم لزقه
اختيار المطاعم النظيفه مثل (ابو شقره- الروشه- تشيليز-مطاعم الفنادق _cook doorمطعم رائع- بالاضافه لمطاعم الوجبات السريعه المشهوره).

فيه اماكن تمنينا انا رحنا لها بس للاسف الوقت ما كان يكفي مثل القناطر تروحون لها عن طريق النيل بلنش خاص فيكم .- بالاضافه للمتحف المصري هذي المكانين تمنينا انا رحنا لها ...
و نصيحه سوي جدول من قبل ما تروحون وزعوا الاماكن على الايام عشان ما يضيع اليوم على الفاضي ....
و رحله سعيدددددددددده ما يصلح اروح معكم :01: صراحه الي يروح لها يتمنى يرجع لها ...
اعذروني على اللهجه العاميه لكن اتمنى اني افدتكم ولو بالقليل ...

مشكووووووووووووووره يااخت لندا علي الرد
وين يبيعون الشراشف القطنيه والملابس القطنيه
مشكوووره يامشااااااااااعل بس تذكري اسم المطعم............شدي حيلك
مشكوووووره ديم نجد وتذكري وكملي باقي المعلومات.........زوالله يعطيك العافيه
يااااخت خيلاء برناااااامج متكامل الله يعطيك العافيه ................وموقع فظييع يس وين يبيعوووووووووون الشراشف واشيااااااااء الاستيييييييييل

اهلين اختي عاشقه الورد انا رحت لمصر ولسا جيت منها

جلست فيها ست شهور (عمل زوجي)

وابقول لك الاماكن اللي رحنا لها:
كزينو النيل يطل على النيل بس حللللو واجلسو في الجلسات اللي فوق
فيه مطعم قدوره عل شارع جامعه الدول العربيه امام قهوه العمده
وفيه سوق جنينه مول حلو بعد فيه محل للاطفلل حلوووو في الدور الثاني اسمه بلاش كاندو على ما اظن
وفيه كرداسه لبيع الجلابيات بس بصراحه الجلابيات اللي عندنا احسن بكثيييير
واذا ذكرتشي بقولك

بااااااااي