هلا بك والحمد لله على سلامتك أختي
شوفي توه اسبوعين لاتكثثرين صناعي ثقيل عليه
لاتقولين مايعرف يرضع منك طبيعي
شي طبيعي انه مايعرف بالبدايه لما يتعلم عدل
وشوفي بالنت طريقة رضاعه صحيحه
استحي اكتب هنا 😅 بدز لك خاص
خلي رضعته الصناعي مره باليوم وشوووي
الاعتماد عليك اكثر
وانتبهي لاتخلينه مستلقي كثير وقت النوم اذا ترجيعه كثير عن يشرق فيه
واذا عندك احد كبير يعرف يحنك خليهم يحنكونه يمكن مسقط او شي

ارسل لك خاص مايرسل 😷
بكتب هنا شوفي اذا بترضعينه منك لاتخلينه يرضع من الحلمه لحالها لا غلط مايعرف يرضع والشي الثاني بتصيررالرضاعه مؤلمه خليه يرضع الحلمه واللي حولها كله هذا الطريقه الصحيحه
اتمنى انك فهمتي علي

شوفي الطفل في عمره يبكي جيعان او الحفوظه يبغالها غيار او ممغوص
حاولي يعد الرضاعه تربتين على ظهره عشان يطلع الهواء يتجشاء وبيرتاح
اذا عرفتي انه ممغوص دهني جسمه بزيد دافي وسوي له تمرين يطلع الهواء منه مدي رجوله ثم اثنيها بحيث تضغط على بطنه شوي فهمتي علي عشان يخرج الهواء منه
والف مبروك البيبي الله يقر عينك بصلاحه يارب

الطفل مش كل ما يبكي ترضعيه
رضعيه كل ساعتين قدر لرقم ٣٠ وتدرجي مع الوقت
ومن صدرك ثلث ساعه من كل صدر يكفي.
واعطيه مويه
وحطي المخدات المخصصه للاطفال تحت راسه علشان ما يشرق
وبعد ما يشرب مو شرط يتجشأ بعض الاطفال تضل ما تتجشأ لعمر شهرين.
المهم ارفعيه اشوي او اسدحيه على بطنه بحضنك وطبطبي عليه بشويش او على كتفك
وبالفراش خليه اشوي على جنب اليمين مثلا ربع ساعه ثم ارجعي خليه على الجنب اليسار.
واذا مره مافاد وديه للطبيب افضل.

وصح ممكن يبكي اما حران او بردان او متضايق من ملابسه.
الحين حر لا تدفيه بزياده لبسيه كويس وحراره تكيف متوسطه وراح تعرفين له مع الوقت