بناااات ابي رايكم!!!.... انا مصدوووووومه

السلام عليكم
اشلونكم يا بنات حوااااااء
الموضوع ما فيه اني السنه صيفنا في وحده من الدول العربيه وبالصدفه كانت اهناك ناس قرايبنا مصيفين في نفس البلد وطبعا لان كلانا غرب في هالبلد كنا دايما ويا بعض اهلي مع اهل هالعايله
وفي يوم وحده من الحريم اسالتني عن عمري ويوم قلت لها استغربت اني للحين ما تزوجت مع اني مب شينه :( وجامعيه والحمدالله وقالت لي انتي اكيد مسحوره طبعا انا ما اصدق هالسوالف واصرت انها تاخذني عند وحده على قولتها اتفج الفال المهم اول ما دخلنا عند الحرمه قالت لي انتي مب متزوجه صح قلت لها اي وقلت لها هذا شى عادي الكل ممكن يستنتجه قالت لا المهم سالتني عن اسمي واسم امي وقلت لها وانا ماخذه الموضوع بسخريه ويعلم الله انه ما دش في نيتي انها اتعرف شى المهم قالت لي انتي عليج ( كتبه) قلت لها يعني شنو قالت لي ان حد مسوي لج كتبه حتى يمنعج من الزواج قلت انا مالي اعداء قالت هذا اللي واضح عندي المهم( ادري زهقتكم) قالت لي اسم المره وبصراحه يا بنات المره هذي عرفتها وهي تكره امي ما ادري ليش وصدقوني انصدمت لما سمعت اسمها لاني عمري ما توقعت ان حد ممكن يكون مؤذي بهالطريقه وصدقوني يا بنات انا كذا مره تقدموا لي ناس وفي كل مره يفشل الموضوع واقول مافي نصيب واخر مره من 3 شهور ارتبطت بشخص بس ما صار نصيب والللي خلاني اصدق هالشى انها قالت معلومات صحيحه عن بيتنا واخواني مع اني ماذكرتها لها
الزبده يا بنات هالمره سوت لي حجاب شى ملفوف وقالت لي خليه معاج لين ما تتزوجين وانها فكت الكتبه اللي علي
بنات بصراحه انا خايفه وخوفي نابع اني اكون اشركت بالله مع ان يا بنات هالمره ايبين عليها الصلاح
بنات ابي رايكم بليز شاسوي؟؟
هل فعلا انا كنت مسحوره وان عدم زواجي هو لهذا السبب؟؟
وايش رايكم بسالفة الحجاب هذي وهل حد صار معاه نفس الشلى
وعلى فكره تراها عطتني بخور ابخر فيه البيت لمدة 4 ايام
بليز ابي رايكم