وانا بعد بعطيج اماكن ثانيه ماذكروها الاخوات ..

منطقه حولي فيهااا محلات اكسسوارات واضاءه للبيت وووووو غير الاسواق الشعبيه للصحوون والاواني خاصه "سوق المعلم " وفي مجمعات للملابس بحولي : مجمع النقرة الجنوبي - الشمالي فيه ملابس للمناسبات وللزيارات باسعار عاديه وبمتناول الجميع وحلوة للسفر - مجمع بيروت - مجمع الملهب

واذا تبين شنط تقليد روحي سوق السالميه القديم في مكان يسمونه " الحوش " هذا كله جواتي وشنط وفيه جنبه مجمعات فيهاا محل الاثاث المشهور ميداس بالسرداب وبالطابق الاول في كم محل اكسسوارات وبروايز وتحف
وفي مجمع ثاني عليه لافته اسمها فاشن مل بتلاقين فيه محلات تبيع ملابس وشنط تقليد واحذيه وكل الي تبين

وفي سوق بالسالميه اسمه سوق السالميه الجديد بعد دوار جوازات حولي هذا فيه كل شي ملابس اواني العاب مقاهي كل شي


وبالنسبه للاثاث روحي الفروانيه منطقه الضجيج بتدوخين من كثره الاصنااف الي فيهاااا


واذا تبين صحون واواني منزليه كشخه روحي لسوق ستي سنتر الموجود بالري بجانبه مغسله للسيارات هذا الفرع اوانيه تبيض الوجه
وفي محلات ثانيه للاواني المنزليه اكثرهاا بالشويخ صوب الاسواق الشعبيه لو كنتي تبين شي للاستعمال اليومي وبنفس الوقت حلووو مثل سوق الميره الشعبي رخيص وحلو ..

وعندج الجمعيات التعاونيه بس هذه تكون اغلى من الاسواق الشعبيه ..


وبخصوص السكن في مجمع راقي وحلو على البحر وبمنطقه السالميه بالقرب من الاسواق اظن اسمه بلازااا بنفس الشارع الي فيه مجمع مريم وجاليريا 2000

السلام عليكم
عندج ((الهنوف )) بالشويخ فيه تحف قديمه ......للمنزل

((لاند مارك ) بالشويخ عندهم أكسسوارت حلوه للمنزل من تلفونات ولوحات وساعات .....بأسعار مناسبه وجميله

صح ((بلازا )) مكانه حلو وفيه حمام سباحه وسوق صغيروتنزلين تحتج الأسواق كل المجمعات مثل

مريم + الفنار + ليلى جاليرى +تالا +زهره +الثريا + عماره الربيع + مركز سلطان + المارينا مول + لاند مارك السالميه ومطاعم

السلام عليكم......
اختي مبرمجة اهلا فيج بالكويت بين اهلك وناسك...
بالنسبة للاثاث انصحك بمركز وارة والحميضي بالشويخ فيهم اشياء واااايد حلوه وراقية...A2Z عندة اكسسوارات للبيت والحمامات عجيبة بس اسعارها شويه غالية..
اذا بغيتي اواني فاخرة وغالية تحصلينها في مجمع الرحاب بحولي
حولي بارك مكان حلو وممتع للاطفال بس روحيله بالليل...أيضاً مكتبة SHOW BOOKS بالشويخ حلوة وفيها كوفي شوب معقول
وتقبلي تحياتي....












:26:

مثل ماقالوا البنات احسن سكن فندق السالميه(بلازا)بس ديري بالك تر في 2 بلازا واحد في السالميه والثاني في
الحولي بالنسبه حق المطبخ انا شريت من الشايع وووووايد حلو بس غاليه
واذا تبين اشياء حق البيت روحي هوم سنتر وووووايد روعه ولاند مارك الري تحت في السرادب اشياء حلو
والمفارش السرير اخذي من الديره المباركيه ارخص واحلي وانا دايم القهم في محلات فاخمه نفسهم
عندكج محل الدبوس ومحلات دينا وTAهذهم محلات المفارش السرير
والملابس مجمعات اللي قالوا البنات بس ماقالوا مجمع ليلي جاليري وزهره وسوق شرق
بس لايطفك مطاعم البخاري وووووووووايد حلو اهو مطعم هندي ومطعم الدانه حق الاسماك والماكولات البحريه
بس بطريقه كويتيه ومطعم مهراجا بس غالي