كوبونات الراقية تسجيل الدخول

فديـــ أمـــي ـــت
فديـــ أمـــي ـــت •
~ريموند~ ~ريموند~ :
مرحبتين انا ودي احني ودي ا صبغ لو حنيت شعري متى اقطعه عشان اصبغ
مرحبتين انا ودي احني ودي ا صبغ لو حنيت شعري متى اقطعه عشان اصبغ
لازم يمر على الحناء على الاقل سنه :)

لاتعدمين شعرج بالصبغ ... وحياج الله نورتي الموضوع
فديـــ أمـــي ـــت
فديـــ أمـــي ـــت •
مرطرطه مرطرطه :
الله يجزاج خير مشكوره يالغلا عالمجهود :) انا نوعية شعري ناعم بس مموج مصبوغ من صبغته وسويت سحب لون تعب شعري ويطيح حيل كان لون شعري الاصلي اسود ملكي صعب ينصبغ عشان جذي سولي سحب لون وصبغته اشقر غامج وشعري خفيف يتساقط وجاف وجلدة الشعر قامت تبين وقصيته قصير بس كان طويل وقصيته لانه من تحت خيوط ياليتج تفيديني وعسالله يوفقج يارب وياليتني ارد لونه اشلون؟ ولج التحيه
الله يجزاج خير مشكوره يالغلا عالمجهود :) انا نوعية شعري ناعم بس مموج مصبوغ من صبغته وسويت...
ماتشوفين شر ان شاءالله ... بس اذا صارلج فتره من 6 شهور الى سنه اخر مره صبغتي فيها حاولي تداومين على الحناء وراح يرجع بأذن الله لون الشعر الطبيعي لان كل مانزلت الصبغه يبين لون الشعر الطبيعي ومثله مثل الحناء
بس انتي بهالحاله لازم تغمقين لون الحناء عشان مايبين لو الشعر مو عدل فحاولي يا الغاليه تحطين

( قشر البصل - قشر الرمان- عسل - اكليل الجبل - ميراميه - نسكافيه - قشر الجوز ( تحصلينه عند العطار ) وخلي المويه تغلي عدل وبعدين حطيها على الحناء

حناء - حليب - ليمونه

ومثل ماقلت يا الغاليه انا افضل عشان يمسك اللون بدل ماتغلين النسكافيه والميراميه واكليل الجبل تحطينهم على طول فوق الحناء وبعدين تضيفين لهم موية قشر البصل والرمان والعسل فوقهم

( تتطحنين الاعشاب عدل وتحطينها فوق الحناء ) عشان يمسك اللون عدل

طبعا يا غاليه لاتتركين الزيوت ودايما قبل وبعد الحناء زيتي الشعر
اي سؤال تحت امرج :)
فديـــ أمـــي ـــت
فديـــ أمـــي ـــت •
المرهفه المرهفه :
انا احني شعري ياعمري بس توقعت عندك شي يخفي خصل الشيب خلاص مايخالف قوليلي على خلطتك المناسبه لي وتشكرات مقدما :27:
انا احني شعري ياعمري بس توقعت عندك شي يخفي خصل الشيب خلاص مايخالف قوليلي على خلطتك المناسبه لي...
و لايهمج داومي على قشر الجوز المطحون بالحناء واهو اللي يغمق لونها وتحصلينه عند العطار :)

تحطينه مع الميراميه ... اي سؤال تحت امرج
فديـــ أمـــي ـــت
فديـــ أمـــي ـــت •
الغرام. الغرام. :
طيب انا صابغه شعري اول اسبوع من رمضان اقدر احنيه ولالا وطيب ريحة الحناء تمسك بالشعر فتره طويله مافيه طريقه لازالتها
طيب انا صابغه شعري اول اسبوع من رمضان اقدر احنيه ولالا وطيب ريحة الحناء تمسك بالشعر فتره طويله...
دام الصبغه فيها امونيا مو صبغه بدون امونيا يا الغاليه لازم تنطرين 6 شهور وبعدين تحنين

تحت امرج :)
فديـــ أمـــي ـــت
فديـــ أمـــي ـــت •
جوجو ..يارب يسعدني جوجو ..يارب يسعدني :
معليش حبيبتي بعذبك معاي .. وشلون موية الحناء؟؟ اخلطها.. واحطها قبل الحنا؟؟ وكم اخليها على شعري .. وكل كم استخدمه .. ونفس السؤال بالنسبه للحناء.. وزيت جوز الهند ما اعرف البنفسجي .. اي شركه وين القاه.. اسفه ياقلبي..وربي يطول بعمرك وعمر الوالده ويرزقك الذريه الصالحه يااااااارب..
معليش حبيبتي بعذبك معاي .. وشلون موية الحناء؟؟ اخلطها.. واحطها قبل الحنا؟؟ وكم اخليها على شعري...
لاعادي اخذي راحتج بالاسئله ساعات انا مااوضح عدل السموحه :)

يعني تاخذين قدر وتحطين فيه مويه عاديه وبعدين فوق المويه تحطين ( اكليل الجبل - قشر البصل - قشر الرمان -عسل ) وتخلينهم على النار لمدة ربع ساعه واكثر وبعدين تصفين هالمويه وتحطينها فوق الحناء الناشفه اتمنى يكون شرحي واضح واي سؤال تحت امرج :) طبعا تعجنينها

وطبعا الحناء تحطينه بالاسبوع مره لمدة شهر وبعدين الشهر اللي بعده مرتين بالشهر اذا حسيتي تحسن بالشعر وتخلينه على الشعر من ساعتين الى 4 ساعات لا يزيد عن جذي

اما زيت جوز الهند البنفسجي هذا وللامانه احسن نوع لاني جربت اغلبية الانواع وتحصلينه ان شاءالله عند العطار بالنسبه لي انا احصله بالجمعيات وعند العطار لاني بالكويت اما اللي بالسعوديه ان شاءالله بتحصله عند العطار وقيمتة يا الغاليه اقل من 10 ريالات ومكتوب عليه بدون اي رائحه ومكتوب عليه BCC صناعة ماليزيا وفي منه اللون الاخضر بس الاخضر فيه ريحه :)