حبيباتي شخباركم والله وحشتوني وحشتني مواضيعكم يمكن اغلبكم يعرفني والبعض ما يعرفني
أنا تزوجن من 11 شهور وكانت حالتي النفسيه دماااااااااار بسبب أني ما حملت وكل الي تزوجو وياي الي ولدت والي حامل وقررت اني ازور الدكتوره وقالت ليي انو هرمون الحليب مرتفع انصدمت صدمه كبيره لاني حاطه في بالي انو هرمون الحليب شيئ كبير واني ما راح انجب الحين وراح اضل اسنين وامنين انتظر الحمل رجعت من المستشفى على بيت ابوي وانا طول ما انا في السياره ساكته ولا كلمه حتى المسكين ريلي ولا جنه موجود وكان يوم الخميس وخواتي متجميعن في بيت ابوي دخلت سلمت عليهم وانا مخنوقه سئلتني أمي الله يخليها ويحفظه أشفيج يا بنيتي ظلت ادموعي تنزل على خدي اقول لها انا ما راح اجيب اعيال الحين انا بتاخر انصدمت امي المسكينه قالت هذي فيها شي جايد
قالت خيرر وخواتي ساكتين منصدمين قلت لها هرمون الحليب مرتفع عندي وانا الهبله اصيح
وحصلت ليي ديك الزفه من اخدي العوده وهي اتقوليي اشفيج انتي الي جايبه لروحج هلشياء من التفكير وانتي لحقه على لعيال وشيئ طبيعي يرتفع وينزل هرمون الحليب وووووووو انتي استخدمي العلاج واشغلي روحج
وفعلن يا بنات شغلت روحي وما دخلت قسم الحمل والولاده معني كنت مدمنه عليه ركزت فشيئ واحد بس اني لازم انزل وزني واصير رشيقه وضليت على طووووول في قسم علاج السمنه وانحافه وامارس الرياضه والمشي مرتين او ثلاث في اليوم وتفجئت انه الدوره نزلت قبل موعدها اب ستة ايام وهيه عمرها مسوتها اتأخر اي لكن اجدم لالالا استانست قلت اكيد من الرياضه بس نطرتها تنزل ما نزلت بس افراز بني ضل اربعة ايام وانا من ذكائي ضليت امشي علشان تنزل بعدها يوم الخامس من
نزلت الدوره غزيرررر جدا لدرجة اني اخاف اقعد في مكان ويتلعوز من الغزاره قلت حق امي يما واايد تنزل من الدوره قالت زين زين خله يتنظف رحمج واليوم السادس الدم في تدفق وازدياد مره وحده جتني مغصه قويه في بطني مثل الشد ورحت الحمام وأنتو اب كرامه لقيت شيئ كبير شيئ اول مره اجوفه شيئ كأنه في اعيون وديل تخرعت وحسيت روحي ابي اتخلص من اب اي طريقه طلعة من الحمام مدعوره ماني ام صدقه الي جافته عيني اتصلت في امي على طول وقالت لي هذا اكيد انتي حامل وسقطتي روحي المستشفى على طول رحت المستشفى وكشفت عليي الدكتوره قالت ليي أنتي كنتي
حامل
بس طاح الجنين جفتو يا بنات اشلون ربي كريم وانا ما كنت اتوقع اني احمل مع هرمون الحليب
ادري هدرت وااايد بس علشان تستفيدون
ادعولي حبيباتي الله يعوضني ويرزقني ويرزقكم بذريه الصالحه يارب
ازهار الأمل @azhar_alaml_1
عضوة فعالة
يلزم عليك تسجيل الدخول أولًا لكتابة تعليق.
منى المتفائله
•
الله يعوض عليك ويرزقك الذريه الصالحه
الصفحة الأخيرة