بناااات بيااااض مثل اللمبه بـ 5 دقايق ..... !!!

.
.
السلاااام عليكم يابنااااات...

لايغركم الإسم ترى منيب غير ولايحزنون بس يوم جيت اسجل ابي هيفاء لحاله طلع من نصيب غيري قلت يالله حطي غير...
وأنا فعلا غير بالدلاخه والغباااااء

المهم

اسمعوني زين واللي يرحم والديكم أنا بصراحه يرتفع ضغطي إذا قريت هنا خلطات التبييض وشفت بنااات بايعينها ويحطون ماهب ودب...
ومن ضمنها كريم كيلي هاللي العالم منهبلين وراه..وحده من صديقاتي استخدمته والحين تعالج من آثاره سبب لها شي يشبه الكلف بمنطقة الخدود وانتم لاحظوا الفلبينيات والاندونيسيات المنطقه اللي عند الصدغين غامقه فعلا...
أنا ماأقول لاتهتمون بأنفسكم...لكن لاتصيرون مطفوقات وتجربون ماهب ودب...
صدقوني يابنات بخطوات بسيطه جدا تقدرون تحصلون على الجمال...أهم شي النظافه والريحه الحلوه وغسل الجسم كل يوم ... وحاولوا بالماء البارد لأن الماء الحار هو سبب ظهور المسام لأنه يقفلها وتطلع الشعره على جوا...
لاحظت هنا الكثير يكتبون عن خلطات وتجي بالطلبيه يعني أسلوب تجاري ضحيته الساذجات
ولاحظت أكثر شي يقهرني وأنا أدعو المراقبات للحزم مع مثل هذي المواضيع اللي يقولون فيها عندنا خلطه تهبل بنكتبها بعدين
هذا اسمه استهبال... وعييييييب

شوفوا من عنواني الساخر كم وحده بتدخل على موضوعي

ومااستبعد لو اني قايله استخدمي مايلي لبياض فوري كان استخدموه


كلوركس ملعقتين..
تايد مع مبيض 3 ملاعق
بيضة سالقها جني من 5 الاف سنه اطحنيها زين قبل الاستعمال
حليب عنز ماتت امها وعمرها 14


شوفوا عااااد

مافي بنت شينه... هذي قناعتي...بس فيه بنات الله يهديهم مايرضون عن انفسهم أبد
إقنعي نفسك إنك حلوه ولاتناظرين لغيرك

والسمار وربي يابنات هو أساس الجمال والملح..لاتتعبون أعماركم باللهث ورى البياض..

وترى هذي مشاركتي الاولى معكم وادري إن مال امها داعي وبدون ترتيب

بس أوعدكم باللي يرضيكم المرات الجايه

تحياتي وسلامي واحترامي للجميع هنا



هيفــــــاء.



للمشرفات

ترى من زود الدلاخه حطيت نفس الموضوع بعالم أطباق حواء:06: إحذفوه بالله حطيته بالخطأ