بناااات تكفون ادخلو ادعولي انا باازمه وهم مايعلم فيه غير الله

السلام عليكم ورحمة الله وبركاتة
اسفه يامشرفات اني كررت موضوعي بس صدق انا محتاجه وماتعرفون قد ايش انا نفسيتي تعبانه اتمنى من كل قلبي ماتحذفونه000
بنات تكفون ادعولي يمكن هذي مهي المره الاولى اللي اقول ادعولي لكن فعلا الحين انا محتاجه دعواتكم انا باازمه وبحال مايسر لاعدو ولاصديق ضايقه فيني الدنيا ابيكم تدعون لي ان الله يفرج همي ويشفيني مااعرف وش اسوي وين اروح خلاص تعبت ومليت من حالي 00
انابي اقولكم قصتي وشوفو كيف انا صابره على الحاله اللي انا فيها واحس خلاص ماعاد فيني صبر واتمنى الموت من كثر ماانا اتعذب
بدات معاناتي من اربع سنوات ونص بالضبط ماتتصورون كيف انا بهذي الاربع سنوات تعذبت تصورو كم سويت عمليه 11 عمليه ومنظار كلها بنج كامل ورقم 12 يوم الخميس الصبح الله يستر منها هذا غير الامراض اللي تجيني وتخليني اتنوم بالايام بالمستشفى ابدا ماتهنيت بيوم واحد من اربع سنوات 00
ماخليت مستشفى الا ورحت له والحين بااحسن مستشفى قاعده اتعالج والدكاتره مستغربين من حالي 000
اول شي خراج عصعصي وبعدها خراج تحت الشفايف مو أي خراج يجيني تكون 3 او 4 جنب بعض وكبار مورمه وشكلها فضيع يعني الم وعذاب مو طبيعي وبعدها ناصور عصعصي وبعدها بشهر الزائده بالاضافه لمرض السكر اللي هد حيلي وجسمي000 عاد بعد الزائده بس كنت اتالم واعتصر من الالم رحت مستشفى تصورور دخلني عمليات بدون اشعه وفتح بس الطبقة الاولى من البطن وقصص من جلدي بدون مااستفيد شي ومسمي العمليه استكشاف وقفل وقالي هذي البلاوي اللي مطلعينها منها وانا شفت الجلد على بالي بلاوي مطلعها بعد العمليه قمت اعتصر من الالم مره ثانيه رحت دكتور ثاني وشاف التقرير وقال عمليتك لعب بلعب الاولى هذا قصص جلدك بس مااستفدتي شي واللي يدل على كذا انك تتالمين عاد قالي بسوي الاشعه وطلع تجمع دموي ونفس مكان الزائده انفتق كيف انتفتق مااعرف من بلوه ببلوه اكبر قالي لازم لازم عمليه يعني للمره الثالثه بينفتح بطني انا وافقت الصراحه لان التجمع الدموي كل يوم هو يزيد حتى تعرفون انه هذا الدكتور جلسني شهر والتجمع الدموي ببطني وصل 7 سم وكبير وصار مكان العمليه السابقه احمر كنت مستغربه ليش مجلسني وهو كل اسبوع يعيد الاشعه يقول يمكن ينقص حجمه والحجم مثل ماهو ماتغير اخر شي قلت خلاص تعبت من الاشعه دخلت العمليات وسويت العمليه قبل 8 شهور وقالي الحين كل شي تمااام مافيكي أي شي وبتقومين مثل الحصان الصراحه انا فرحت وقلت اخيرا برتاح عاد وهو يغير بعد اسبوع انتفخ بطني مكان العمليه بشكل رهيييييب وصار يعورني تصورو اهلي بالبيت واخواتي وصديقاتي لاحظو الانتفاخ بدون مااقول وانا كل يوم عنده بالتغيير للجرح وماقالي ولا صارحني قلت دكتور مو كانه منتفخ بطني قال لالا عادي بعد يومين الا صديد ينزل مني تصورو يوصل لركبي الصديد السرير امي تغير الفرش 3 مرات باليوم اغير ملابسي كل ساعتين رحت له قالي عااااااااادي مافيكي شي امي قامت عليه قالت انت ماتشوف قال من اخبر انا ولا انتي امي قالت ابد هذا انا اول مره اشوفه وطلعنا من عنده وقالت ماعاد تدخلين على هذا المهبول قامو امي وابوي ودوني اليوم اللي بعده جده لمن شاف الدكتور انصدم وقال كيف ساكته على نفسك وشاف الاشعه السابقه وقال هذا مو تجمع دموي هذا صديييد وكيف جلسك شهر المفروض من اول يوم وسوو اشعه وقال المنطقه صايره كلها صديد ولمن سوو تحليل للصديد طلع اخطر انواع المايكروبات ومافي علاج الا واحد بالعالم لهذا المايكروب والسبب انه جلسني شهر مانظف الصديد عني والحمدلله لانه مستشفى متطور عندهم هذا الدواء وسوو لي عمليه وخلى الجرح مفتوح وينظفه يوميا وكل ماله يصغر ولمن جاء الصيف بعد 4 شهور من التغيير اليوميي الا جاني الم فضيع بين الرقبه والصدر جهة القلب صراخ والم لدرجة اني والله اضرب اختي من كثر الالم وامي اشد ملابسها اقولها خلصيني من العذاب وهم يبكون معاي اقولهم خلاص بروح عنكم وتنومت وبعد الفحوصات والاشعه طلع صديد المايكروب انتقل للصدر فتحوه ونظفو المنطقة وعاد صار الحين مكانين اغيرلهم عند الدكتور والحمدلله الصدر تشافى والبطن تقدم وتطورت الحاله للاحسن الحمدلله ولمن باقي شوي ويقفل الجرح وبعد 8 شهور تعب رجع المايكروب كون عندي صديد للمنطقة الفتحه الكبيره مرررره ثانيه فتحوها لي وتنومت الاسبوع الماضي اسبوع وخرجت بطلب مني خلاص مليت حاسه اني كارهه الدنيا ومافيها وانا بالمستشفى تصورو جنب الفتحه العمليه طلعت لي شي مثل الليمونه يعور قالي الدكتور احتمال نفتحها هذي اليومين وقالي اما الاربعاء او الخميس تدخلين العمليات والحين قررو الخميس الصبح وش رايكم باللي يصير معاي انا حاسه اني مخنوقه تعبت وين اروح وش اسوي ماخليت شيخ الا ورحت له وكلهم يقولون عين قويه ورحت لشيخ مدحوووه قال هذي عين قويه ومس متنقل وعطاني زمزم ودهنت بالزيت المقري فيه والعسل بس مااعرف وش اسوي بحالي كرهت الدنيا ومافيها ماعاد اطلع ولا اقابل احد مثل قبل ولا اهتم بشي ابدا وفوق هذا كله تصورو بس اخوي واختي يتشمتون بمرضي والمشكله انهم كبار ياناس يعالم في احد يتشمت بالمرض لمن تحسنت بالاجازه فرحت ورحت اشتري للجامعه كاني مستجده توني ادخل الجامعه من كثر فرحتي بالجامعه ابيكم تدعون لي مستقبلي ضاع اعتذرت الفصل الماضي علشان اكمل علاجي ودخلت صيفي واعتذرت والحين الشريط انعاد ماابي اعتذر مره ثالثه تكفون ادعولي ان الله يفرج همي وان العمليه يوم الخميس تكون اخر عمليه اسويها لاني فعلا خلاص تعبت اتمنى القي ردودكم وماتخيبون املي فيكم بعد الله 000