حبة خال الله يرضى علي دكتور ممدوح اشهر من نار على علم بس المشكله ناس تمدح وناس تسب والله اني احترت وياريت تقوليلنا
وانتي تراجع كيف سمعتوا عند المراجعات يعني الي شدت بطنها والي كبرت صدرها كيف رضاهم عن العملية وياريت تقولي سعر
العملية وكم يوم احتجتي للتنويم والله يباركلك بالعملية
اختي ريفال.....انا سويتها عند الدكتور محمد عيد وهو برفسور في التجميل وليس عند ممدوح والعمليه كلفتني 15000 درهم ومانمت في المستشفى سويتها الصبح وبعد العشاء طلعت من المستشفى والحمد لله......والحين افكر اسوى شد لصدري ولبطني..الله ييسر لما فيه الخير...
الصفحة الأخيرة
اللي يسال عن الدكتور عيد........انا سويت عنده عمليه لزنودي......وهو يسوي العمليه من الباط بواسطة فتحه صغيره لاتسبب تشوه للذراع لكن للاسف مش اي وحده تقدر تسويها كل حاله ولها العمليه المناسبه.....تخيلي انا من الامارات وسافرت خصيصا للدكتور يوم قريت عن هاي العمليه ويوم دخلت زياره علشان يشوفني الدكتور قالي: انا اعاني من الترهل الشديد وللاسف ماتنفع معاي هاي التقنيه اللي من الباط لان هاذي العمليه للي عندهم ترهل بسييييط وانا ماشاء الله ترهلي واصل لين خصري ههههههه والحمد لله سويت العمليه وهي عباره عن شق دائري مثل الحلقه في نصف الذراع وخط عرضي قصير تحت الباط والعمليه مؤلمه جدا والنتيجه حلوه واتخلصت من الترهل وقمت الاقي ملابس مناسبه عند اليدين واستوى شكلي متناسق وعاجبني لكن يبقى اثر العمليه وايد واضحه ومااقدر البس ملابس نصف كم لاكن البس لين الكوع والحمد لله اولا واخيرا......والدكتور ممتاز واي سؤال انا حاضره...