بناااات حملت بفضل الله ثم الخلطه في شهر :)

السلام عليكم ورحمة الله وبركاته

الحمدالله والشكر لله هذا الشهر طلعت حااامل وعقبالكم ياااارب

حبيت اخبركم ايش سويت هذا الشهر انا قبل شهر تقريبا نزلت موضوع اني راح استعمل خلطه واذا حملت راح اكتب الخلطة والحمدالله حملت واليوم سويت فحص الدم الرقمي وطلع 12.45 والحين باقيلي من الدورة خمس ايام بس اعراض الحمل بدت تظهر فيني من خمووول وتعب فضيع وثقل موووت فيني واحسن نفس السخونه في جسمي ورحت فحصت والحمدالله طلعت حاااااامل وعقبالكم يااااارب هذا الشهر المهم انا كنت اعاني من ارتفاع بسيط في هرمون الحليب بس ما فيني شي ثاني وبنت عمي دلتي على دكتورة (في عمان) وهي متخصصه في الاعشاب واتصلت عليها وقالت دام ما فيكي شي بس هرمون الحليب راح اعطيكي خلطة وباذن الله تحملين والحمدالله واعطتني المقادير وسويتها في البيت وقالت هذي الخلطة تستمرين عليها من بداية الدورة لين عشرين يوم ملعقتين في اليوم ومرتين في اليوم صباحا ومساءً والله وقالت هذي الخلطة تعتبر منشط للمبيايض و يعدل هرمون الحليب وحتى لو ما في هرمون حليب راح يعدله وما يخليه يرتفع وتوكلت على الله ثم على الخلطه وترا انا ما اعتمدت بس على الخلطه بالعكس كنت استغفر واصلي قيام الليل واقرا سورة البقره على قد ما اقدر وكان املي بالله كبير والحمدالله حملت هذا الشهر بفضل الله ثم الخلطة وترا هذي الخلطة للفيها هرمون الحليب والي فيها ضعف مبايض اما اذا كان فيها شي فما ادري اذا ينفعها ولا لا

المهم راح اكتب الخلطة وهي:

1- ملعقتين جنسك مطحون

2- فنجان قهوة كزبره

3- فنجان قهوة زموته(النخوة)

4- نص ملعقه حبة الرشاد

5- نص ملعقة حبه السودة

6- نص كيلو عسل اصلي

نجي للطريقه وهي

نحمس الكزبرة والزموته شوي على النار بس شوي لا تحرقينه

وبعدين تحطين جميع المقادير في المطحنه ما عدا الجنسك وتطحنينه زين وبعد ما تخلصين حاولي تصفينه من العيوب وبعدين تحطين المقادير في علبة يكون لها غطا وبعد ما صفتيه زين ضيفي فوقها ملعقتين جنسك وحطي فوقها العسل كله وخلطيه زين وكل يوم على الريق او بعد ما تفطرين خذي ملعقتين وبعد ما تتعشين خذي ملعقتين وان شاء الله تحملين هذا الشهر بس انا عن نفسي ما قدرت ابلعها بس كنت اشربها مع الماء واي استفسار انا حاضرة