بناااات دبي ابي منكم خدمة

هلا ومرحبا فيك بدبى

شوفى بالنسبة لمحلات الدراريع تراها متنوعة وفيها الغالى والرخيص والمتوسط اذا تبين شى حلو وسعره مناسب عندج سوق مرشد مليان محلات خاصة فى سوق عكاظ خاصة محل شيتل وبعد محل راجو

اما اذا بغيت اغلى شوى عندج محل اليشمك وله عدة فروع وبعد فى مركز البستان فى محل اسمه الهود ج

وفاذا بغيت غالى شوية فى محل اسمه فساتين بس غالى الصراحة يعنى 2000 الى 10000 بس شغل عدل

ونصيحة منى روحى سوق عكاظ مليان ومتنوع

اما العبايات عندج محل لارين فى مركز وافى وبعد سويت ليدى وفى مركز بالم ستريب محل ايليت هذا متميز بموديلاته بس اسعاره غالية شوى وماا نصحج بماى فير ليدى لانه خلاص طاح سوقه وبتلقين مليون وحدة لابسة مثلج وبعد سوق مركز بو هيل كله محلات وانصحج بمحل جاكارد وابو حليقة والنواسات

اتمنى اكون افدج وحياك الله بدبى

أختي سنابل الزمن


محل فساتين ،،،،، وين مكانه بالضبط ؟؟

هلا ختيه تسمعي هذيلا هن المحلات اللي أعرفهن :
محلات الدراريع هن: سوق عكاظ في ديره ..... ومحل اسمه شيتل وعندج بعد اليشمك ...... وبعد محل اسمه راجوا
وعندج اسكاليني يبيع ويفصل دراريع مغربيه
محلات العبي :
مركز بو هيل هذا المحل كللللللللللللللللله عبي ومحل اسمه غواني في الواحه سنتر وعندج بعد بلو دان في مركز جميرا بلازا
والسموحه منج يالغاليه
:27:
:27:
:27:

الف شكر لكم على الرد و التواصل اختي سنابل الزمن و اختي الهواوية

بس ابي اسالكم يعني لو اقول حق التاكسي اسامي المحلات يعرفها ولا اهيه في مناطق معينه ؟

محل فساتين وين ؟

و انا الي اعرفهم المجمعات و سوق مرشد اعرفه بعد

مركز بالم ستريب و سوق مركز بو هيل وين صايرين ؟

اختي الهواوية

وبعد محل اسمه راجوا
وعندج اسكاليني يبيع ويفصل دراريع مغربيه

وين صايريين ؟

لانه انا يمكن بالعيد اروح دبي فاابي اعرف بالضبط لانها كلها 4 ايام الي راح اكون موجوده فيها

ميخالف تعبتكم معاي استحملوني :)

يعطيكم الف عافيه

تحياتي :)

:26: :26: :26:

شوفي حبيبتي قولي حق التاكسي يوديج مركز بوهيل وهو في منطقة الحمرية .. بالم سترب في جميرا وبعد التاكسي بيعرف .. محل فساتين في منطقة زعبيل وسكاليني في بر دبي عقب جسر المكتوووم هو اصلا مصمم فساتين اعراس بس يسوي مغربيات وشوي غالي بس حلو ...