بنات بلييييز أبي فزعتكم معاي فآلتي براون لنزع الشعر مشكله والله هالآله زينه وفجأة علقت وصارت ماتشيل بسرعه وصوتها ضعيف مع إنها من النوع اليديد إللي بلمبة وصورتها تحت الزرقاء:(
وعقب بدا الراس يتكسر تخيلو:( لإن ريلي بخ عطر عليه عشان ترد تشتغل ومشاءالله اشتغلت وعقب صرت كل ماشيل بالحلاوة وتم كم شعره ارد ابخ عطر لين ماتقشر الراس:( وألحين صار يعلق ولا يشتغل ويوم ييت بدلت الراس مالي بمال نسيبتي اشتغلت مشاءالله يعني العيب كله من الراس لإنه يدخل شعر داخل المكينه بليز ساعدوني وتراها غاليه خذتها بوقتها ب 320 ريال وردها ريلي للمحل وطلع مصكر خلاص مع إنه معاي ضمانها سنه وخلص من زمان تتوقعون أروح للوكيل؟؟
وهذي آلة نسيبتي مشاءالله تبارك الله براون القديمه الورديه ولو حد تعرف وين بلقاها أبى نفسها لإن ماخليت مكان وسألت ماشي بس لقيت فالسوق يديده ونفس شكلها براس واحد فكرت آخذها وخفت أتوهق نفس مالي:(
وهذي صورتها..
وألحين أفكر بالحل لو بلقى راس زين بس وين دلوني لو حد تعرف أو آخذ براون يديده أبو راس بس أو إمجوي؟؟؟؟