بناااات ساعدوني قبل ما يطير عقلي

السلام عليكم ورحمة الله وبركاته
بصراحه هذه ثالث او رابع مره ادخل هالقسم...وعمري مافكرت اكتب مشكلتي مع زوجي
بس لما طفح الكيل قلت ما لي الا انتم ابغى رايكم ومشورتكم
اسمعوا قصتي واحكموا
انا تزوجت صغيره عمري 16 سنه ومع هذا كنت خير الزوجه مو مدح بنفسي ولكن بشهادة الجميع
عندي طفله عمرها 5 سنوات والان حامل
بصراحه زوجي طيب حرام اظلمة وحبوب بس ماني قادره افهمه وانا اقول طيب لاني ما احب انكر العشير ومافي انسان كامل
بس والله يابنات فاض فيني يعني معاملته معايا رح تجنيي وذلك من نواحي عديده
1-لاتتصلين تساليني وين انا
2-يرفع صوته عليا قدام اي احد يعني اذا صار اي موقف مايمسك نفسه احترام ليا
3- وهذا الشيء الي مجنني كل يوم لما اجي انام والله ينكد عليا بدون سبب ويتكلم كلام ما افهمه بس عشان التنرفز ويخليني انام وانا زعلانه كم مره اقوله انا حامل ولاتزيد همي هم بس مافي فايجه يجلس يشتكي مني ويدقق على كل كبيره وصغيره
انا اقوله اذا ما انت مبسوط معايا ليش متمسك فيني اعتقني لوجه الله والله يرزقك بوحده تريحك يقول لا انا متمسك فيك بس نذاله مع انه يعلم الله اني ماني مقصره عليه ولا بشء وكل الي بايدي اسوي له اياه وانا الحمد لله مو ناقصني شيء جميله وهادئه واتحمل المسؤليه بشهادة الناس الي حوليني
امس بس طلب انه انا وبنتي ننام بغرفه وهو بغرفه ماني فاهمه هو ليش يسوي كذا ولما بينت له اني تضايقت زعل ونام وصحي اليوم مايكلمني يعني كل يومين تصير معي هالقصه وبكل مره مع اني مو انا الي اخطيء اروح واصالحه احيانا يرضى واحيانا يفشلني
والله انا جالسه اسوي كل الي بايدي عشان ما اخرب بيتي وخايفه يجي يوم ما اقدر اتحمل فيه هالمعامله واطلع
تكفون بنات دلوني على طريقه اخليه يترك حركاته هذه والله هلكني كل يوم والثاني وهو زعلان بسبب وبدون سبب مع انه معاملته مع الناس الي برا غير وانا ماني شايفه اني مقصره بشيء ولاتقولوا لي كلمية ناقشية لانه يرفض النقاش
يارب الاقي حل وارتاح :06::06::06: