بناااات ساعدوونني وش أسوي 💔💔😭😭😭

الولاده تساهيل اليوم الجمعه ادعي الله يسهله لك ويسره ......

ياحبيبتي اقتنعي لان ربي لو كتب لك خيره فيه لاختاره صح !! بس شوفي تهاني الي توفت < اسم الله عليك ويعطيك طولت العمر
بس قالت ابي هالمره اجرب الخاص وهي دايم حكومي والله كانت اخر ليله لها وماتت ناشفه المهم يمكن ربي ابعد عنك هالضر وهالمشكله لو انكشف لك ستار الغيب لبكيتي من رحمه الله عليك


انتبهي تتسخطين على رزقك وارضي بما قسمه الله لك يغنيك بفضله ، والله لا يحوجك لابره الظهر 💕.

اليوم الجمعه وعليك بالدعاء ولكن سؤال بعد اذنك
كم تكلف ولادة القيصري الثانيه ؟

ياحبيبتي انتي بعطيك تجربتي شخصيا في ولاداتي الثنتين
الاوله بنوته
وكان راسي والقاع الا اولد في خاص ورفض تمام لدرجة كلمت ابوي وطلبته لان ابوي مقتدر ماليا قالي ابوي ابشري
واستعد ابوي فديت روحه
وجلس زوجي طواااااال يقنع فيني ليما دخلت ال9 وفلوس الولاده قالي ابوي اذا دخلتي المستشفى علميني بس
المهم اخيرا اقتنعت بشرط اولد في حكومي الاول والثاني والثالث قالي ابشري خاص وحلف
وولدت بنوتتي في حكومي وكانت ولاده صح صعبه لانو البكر ورب لك الحمد اهتمام وعنايه والي خيطوني سودانيات وخياطهم فيني داخلي وخارجي حتى بعد ال40 مالاحظ فرق






واراد ربي وحملت ب الثاني
وعمر بنتي8 شهور
وقالي ابشري ع خشمي انا ع وعدي تولدي في خاص وولدت وفعلا عطوني ابرة ظهر وكانت ولاده تجنن المهم في غرفة الولاده مدري وش عفسو فيني وجاني نزيف وجلست 9 ساعات يحاولون يسيطرون ع النزيف وكل ذا مكشفيني دخلني هوا ليما قلت بس
ومسكني نزيف تقريبا شهرين بعد ولادتي ولاخليت مستشفى وسبب نزيفي مجهول ولاوقف نزيفي الا حبوب منع الحمل






وقبل اسبوع كتبت لكم اني خايفه ع الكلى وقالو التهاب مسالك
سويت تحاليل من والى






طلع السبب








ابرة الظهررررر😩😩😩😩😩😩












ونسيت اقلك لعبو فيني في الغرز خاشو المنطقه












وهذي تجربتي
خليك في حكومي وللعلم الحكومي يعطون تخدير ف الورك






ريحي نفسك والعني ابليس وطبيعي الولاده الاوله صعبه
والثاني اهوووووون بكثير
ادخلي
وتوكلي ع ربك
واستودعي ربك
والله ييسر لك يارب

انا زيك في الاول والثاني حكومي والثالث ولدت بخاص مررره روعه الاهتمام بس مااخذت ابرة الظهر لاني رحت وانا خلاص منتهيه فمامداهم
زوجة اخوي ولدت بنفس المستشفى الخاص ذا ولعبوا فيها وتعبت مره منهم مع انها ولدت 4 قبل في حكومي بس الخاص جاها نزيف وتعبت كثير وكان جنينها راح يختنق ولحد الان عمره3 سنوات ومبين خط في الجبهه من الاختناق << ان شاءالله فهمتي علي


ادعي ربي يسهل لك ولادتك ويكتب لك الخير وين ماكان ومن بداية التاسع اقرأي اذكار الافاده فيما جاء في ورد الولاده مرره روعه
وبعدين تعالي ليش الولاده ب8900????
مره غاليه بصراحه ولا تستاهل
عندنا في افضل مستشفى خاص ب300 واذا مررره 3500 والقيصري ب10000
انا كلفتني ولادتي 3200 لاني تنومت 24 ساعه وولدي خليته بالحضانه وبفلوس وكمان داخل فيها الادويه اللي صرفوها لي من مضاد وملين وكريمات وقيمتها 400 ريال