المشكله كبيره والله يعينك
والله يجزاك خير على خوفك
ويهدي ذريتك لك ويجعلهم دعاة لله يارب

نصيحتي لك أولاً وقبل كل شي لا تنسينه من الدعاء
ودائماً قولي (أستودعتك الله أخي يامن لا تضيع ودائعه)
وطبعاً تعرفين القصه العظيمه لهذا الدعاء وكيف الله حفظ بها
طفل في بطن امه وهي ميته (في عهد عمر رضي الله عنه)

ثانياً انك تخلين زوجك يوم يعزمه كذا ويصر عليه يجي
فلما يوافق ,ما يدخل زوجك بالموضوع على طول ولا يكلمه بشكل مباشر
مثلاً بعد وقت من السوالف والضحك يذكر قصه سمعها انو في واحد ابتعث وغرته الغربه وجمالها
وفتنها وسلك طريق الحرام والعياذ بالله ....................الخ
الله يحفظ أخوك عن الحرام وأبناء المسلمين
ويسرد له كذا قصص من الواقع أو
ينبه من بعض الفئات انهم يجرون لأمور خطيره مثل الإدمان
وممكن للسياسه (جواسيس) ...
هو طبعاً يكلمه وكأنه مو أخوك المقصود عشان ما يشك بشي أو يحز بخاطره
أنكم تشكون فيه ...وعشان يبقى كلامكم دايماً بين عيونه وياخذ حذره
وغير كذا سوا له زيارات مفاجئه عشان تتأكدون ..وإذا سألكم
قولوا كنا مارين بالصدفه وحبينا نسلم عليك ..
وإذا زوجك يعرف مجموعات زينه ..خليه يوصيهم على أخوك
خاصه إذا كانو بنفس الجامعه ...مثلاً يمرون ويسلمون
وياخذون ويعطون معه بالكلام ..وشوي شوي يجرونه لهم

وإذا زوجك أعترض على مساعدتك ...مالك إلا الدعاء
ولا تنسين يا أختي (سهام الليل لا تخطئ)
أعتذر على الإطاله حبيبتي
والله يرجعكم بالسلامه ...ويحفظكم ويحفظ أخيك وأبناء المسلمين
ودعواتك لنااا ...

استودعيه الله والله يصرف قلبه عن كل خبيث

الله يهديه ويصلحه لو اني مكانك ابمسكه واحاول اتفاهم معه بحكم اني اخته الكبيره وواوضح له مدى خوفي عليه واذكره واخوفه من الله ومادام انه صغير ان شاء الله يتأثر ويستجيب معك وان ماقدرتي على المواجهه معه ارسلي له ايميل اكتب كل اللي في نفسك ..واهم شي يغير سكنه وان كنتوا تعرفون رجال ملتزم ولا معروف باتزانه يقدر يسكن معه او حوله فيكون افضل ولا انقلوه عندكم وحاولي تقنعينه بذلك
وعليك بعد بالدعاء له في كل الاوقات والزمي الاستغفار وان شاء الله تبشرينا عنه عن قريب ..

زوجوه

ياويل قلبي اذا احنا تطير عقولنا فما بالك بالشباب

الله يصلح الحال

يمكن صادق مشغول بعدين مين قال اللغه مو صعبه
كان يزوركم كثير لما كان باول مستويات الدراسه وكانت سهله
الان اكيد صار في مستويات متقدمه وصعبه
واكيد ان جاكم انشغل بالسواليف والجمعه وووو
جلسته احسن
بس كلمي اهلك يزوجونه الزوجه هي اللي بتراقب صححح

والله الحافظ استودعيه الله