وووهـ بس انتي مملوحة و لو ماسويتي نفستس قصيمية , ووهـ بس ياملحه وياملحي << تحب تقط بالمدح :)

ههههههههه اقولتس ابوي الله يحفظه مدمن جنييد واحسن مافيه زجاج العود والعطورات والله اشكالهن تحف وربي تحف !!!
انا افكر انه اذا خلصن احط بهن عطورات مغاسل واحطهن بالمغاسل وربي خسارة

وبالهناء والراحة تجربينه وانتي بصحة وكل عام وانتي بخير

نواعم .. تسلمين يا قلبي :26:
و هذاني جيت مثل ما وعدت اعلمك بعد ما شريت دهن العود ...

بصراحه !!

ما طلع أبد بمثل توقعاتي ,,, أهو ريحته أتوقع لا باس فيها يعني على شاكلة دهن العود السيوفي من أجمل و هذا من أرقى دهن العود .. بس يختي ما أحسه يفوح ,, و انا اصلا مزاجي ما احب السيوفي أحب الكمبودي مع ان السيوفي أغلى و أفخم على قولة الناس بس انا الكمبودي يناسبني مره و يفووووووووح يعني أكون لابسه الشيله و بس افكها شوي تفوح ريحته حتى للي مو قاعدين يمي ,,

و فيه بعد مخلط الحجر الاسود بدهن العود من توتة الحلوه وهي تاجره بالمنتدى ,, تخيلي تولتين بـ 230 بس لكن والله إنه قعد معاي سنه و انا كل يوم اتسبح به سبووووووووح و ريحته اول شي كنت احسبها ما تفوح بس مع الوقت اكتشفت إنها تفوح و تفوح بعد و داااااااايم خالتي ام زوجي كل ما شمته فيني ( من بعيد ) تقولي وش دهن العود الي حاطته داااايم و كل مره ارد عليها نفس الرد ...

فالحين طاح بجبدي دهن عود سيد جنيد هو و دويرته الغبيه الي رفعت ضغطي ساعه لين اقدر اطلع دهن العود منها :@ ... بس انا اعتبره تغير خاصه يمكن الناس يجوز لهم و ريحته برجع اسوي تجارب تفوح ولا ... يعني الي شفته للحين ميزته ان ريحته تظل في اللبس و في الجسم اذا حطيتيه في المناطق الحاره ,,

و نصيحه الي ما يعجبها بالمحل مو تشريه و تقول بيعجبني في البيت خل تحط سامبل و تشوف ..

و السمووحه

طيف :
لا مشوار ولا شي , ترا كلنا نطق مشاوير , وسعي صدرتس وخلي المشاوير على جنب وروحي وتمشي وشوفي الناس و استانسي
هههههههههههههههههههههه تقل موصية عليتس ياحبي لتس

wt ever :
اهااا زين والله , اغدين اجربهـ ؟ واشوف الي عنده
وما شاء الله عليتس وافية بالوعد , والله يجعلتس بنظر اللي حولتس وخاصة ابو الشباب مثل جمال الحور العين !!!
الله يوفقتس بهاليوم الفضيل ...

طيف الطيوبه ..

ما عندي فكره عنه يا ليت البنات يساعدونك


نواعم .

وهـ بس يا ملحتج و يا ملح دعوتج لو أدري بحصل هالدعوه الحلوه كان من زمان منزله هالموضوع .. ربي يوسع صدرتج بالعافيه و الإيمان و يرزق من الخير أحسنه و يكفيج كل ما تكرهين و تحاذرين :26:
وترا دهن العود ما جاز لي و حسيته ما يفوح بس إنه ثابت يعني ريحته ما تطير , و في ناس يحبون ريحته يمكن يجي على مزاجك ويناسبك اكثر مني ..

البنات ماقصرو :)