بنااات ابي افضفض لكم ضايق صدري💔

السلام عليكم شلونكم بنات ان شاء الله طيبين بحكي لكم قصتي وابي منكم نصيحه ابي نصيحه أم اخت ضاقت عليا الدنيا ومو عارفه وش اسوي ف قررت اكتب لكم وأن شاء الله تنصحوني وتحملوني ترا قصتي مرره طويله بحكيلكم من الاول عشان تفهمون وتعرفون تنصحوني نصيحه تفيدني  أولا أنا عمري 20 سنه تزوجت وعمري 17 وانا صغيره  وكنت الزوجه الثانيه وزوجي كان عمره 37 وزوجي عنده ثلاثه اطفال وترا تزوجته غصباً عني اهلي غصبوني انا ماكنت ابيه ابد وهو أبن جيرانا لكن هو كان مغترب كان يجي نادراً المهم تزوجته وسافرت معاه وترا من اول يوم تزوجته قلت له أنا ماابيك أهلي غصبوني عليك قالي انا احبك كنت اشوفك وابيك ولو تسوين وش ماسويتي مارح اطلقك انا وانتي للموت المهم سافرت وعشت مع ضرتي الأولى في نفس البيت وترا يابنات هي ماتخاف الله قسم مافي شي الا وسوته فيني خلتني مثل الشغاله عندها سحرتني قسم تدمرت سنتين وانا مريضه وانا وزوجي  مشاكل وماكان يجي عندي ابد صح كنا بنفس البيت بس ماكان يجي عندي ابد كان عند زوجته واولاده لكن انا بهذاك الوقت ماكنت اهتم لاني ماكنت ابيه كنت ابغى الفكه منه  وزوجته كانت تقولي انا اكرهك انتي اخذتي زوجي مني والله لاادمرك لا اخليك تتمنين الموت وماتلاقيه وكانت مرره مؤذيه المهم بعد سنه  بديت اصحي ع نفسي وصرت ماعاد اسمع لها تغيرت ماادري كيف صرت شريره لدرجه اني كنت أهاوش و امد يدي عليها اذا قلت ادبها عليا طبعا زوجي بعد ماشاف ان حنا نتضارب طلعني بيت وحدي وترا يابنات كل الاشياء اللي كانت ضرتي تسويها فيني زوجي مايعرفها ابد اي فعل اي كلمه سوته فيني زوجي مايعرف عنه شي المهم خرجت بيت وحدي والحمدلله ارتحت لكن آثار السحر ماراحت مني كان يمر عليا ايام اصير مثل المشلوله مااقدر امشي وجسمي يصير فيه كدمات ويورم  طبعا بعد مانقلت لبيتي الجديد تعرفت على وحده سعوديه جزاها الله خير كانت صالحه و حافظه القرآن كانت تقرأ عليا قرآن و تجيب لي مويه مرقيه وكانت تنصحتني الصلاه الاذكار الأستغفار لاتتركيها ابد والله يابنات انه شهرين والحمد لله تشافيت الله يجزاها خير قسم اني ادعي لها بكل صلاه وترا بعد مانقلت زوجي كان يجي بالاسبوع مرتين والله يابنات  كنت احس نفسي وحيده مافي معايا احد الا جارتي السعوديه كانت دايم تجي عندي واي شي ابيه تعطيني هو وكنت احس ان في احد يحبني ويهتم لامري طبعا بعدين بدأت اقول وش هذا لازم زوجي يعدل يوم بيوم هذا هو العدل لكن ماكان يسمعني تكلمت معاه حاولت ماكان يسمعني قلت له مو قلت تحبني ليش تغيرت ماكان يرد  وترا حتى زوجي مسحور ومريض واوقات يدوخ ومدري وش يصير فيه وحتى انه مايطيق بيتي ولا يطيقني ولما كنت اشغل قرآن وهو موجوده في البيت قسم يصارخ ومدري وش يصير فيه لدرجه انه يدوخ  لكن كنت اخلي القرآن شغال يصير فيه ايش مايصير ماكنت اقفل القرآن ابد وكانت صديقتي تعطيني مويه مرقيه وكنت اعطي لزوجي يشرب منها  والحمدلله ومع الايام حسيت بدا يتحسن ماقلت لكم اني طول هالفتره ماحملت بسبب زوجه زوجي المهم يابنات بعد ماتحسن زوجي عشت ايام حلوه مع زوجي ومنجد شفت انه يحبني وانه صادق لكن كان في شي داخلي انا ماابيه انا ماابي هالزوج هو مايناسبني في فرق كبير بينا بالعمر وبأشياء كثير حتى تفكيرنا مختلف دايم يقولي انتي تفكيرك مثل الاطفال المهم يابنات قلت لكم مره فتره وحنا تمام طبعا هالفتره كانت أربعه شهور فقط لكن الحين بيبدا الجد زوجي تغير لدرجه صرت مااعرفه صار يعصب لدرجه انه يضربني وصار يموت في زوجته الاولى لدرجه ان يكلمها وهو عندي بآخر الليل واذا كان عندي يخليني لما انام ويروح عندها مره صحيت ومالاقيته وشفت سيارته مو موجوده وبتقولون لي كيف عرفتي انه عندها والله يابنات ان زوجته بنفسها تكلمني وترسلي صور بعدين  حظرتها وهنا بديت أتعب ونفسيتي تدمرت وبدات اقول اذا مايبيني يطلقني ويريحني اساسا انا ماابيه تزوجته مغصوبه انا بديت اقوله ليش تروح وانت عندي كان ينكر ولما اوريه رسائل زوجته وصوره كان يسكت المهم قلت له طلقني لما كنت اقوله طلقني كان يضربني قسم لين احس نفسي بموت ليه مدري وكان يقولي اهلك لايعرفون بمشاكلنا لو تقولين لهم بقتلك وانا والله يابنات كنت اخاف منه لدرجه ماتتصورونها وماكنت اكلم اهلي ابد مرت سنه يابنات وربي أن كل مايجي عندي انضرب بدون سبب المهم مرت سنه وكنت افكر بالانتحار كل يوم وانا افكر اني انتحر لكن كنت اخاف مااقدر اجرح نفسي او اوجع نفسي والله ماكان يمر يوم بدون ماابكي لدرجه اني كرهت زوجي اكثر وكرهت اهلي وترا اهلي من اول ماتزوجت ماسالو عليا ابد كانهم كانو يبغون الفكه طبعا يابنات سنه وانا ابي اموت كيف مدري بعد هالسنه بديت اصحي منجد بديت اقول انا خلاص كبرت صار عمري 19 ماني طفله لازم اسوي حد لهالشي اللي يحصل معايا المهم كلمت أهلي بدون مايعرف زوجي وشكيت لأخويا اللي كان كل شي بالنسبه لي كنت احبه حب جنوني وقلت له بكل اللي حصل وبافعال زوجي وزوجته كلها تتوقعون ان اخويا بيوقف معايا او بيقولي ابشري باخذ حقك انا سند لك  للاسف لا عطاني حظر ومارد عليا ولا بشي لدرجه اني بغيت انجن قسم ماانسى هذاك اليوم لين اموت والله يابنات اني انصدمت من اخويا مرره المهم بنات بوقتها ماادري جاني شعور اني خلاص بعيش طول عمري بين الأهانه والضرب حق زوجي وصارت فكره الانتحار براسي ماتروح لدرجه اني يوم قررت انتحر وجرت يدي كنت دايم اسمع ان اللي يقطع وريده يموت لكن ماصار فيني شي توقعت بموت لكن مامتت كان الدم يسيل والألم فضيع لكن مامتت المهم يابنات مرت فتره زوجي كعاده متغير كل مايجي عندي يضربني ويهينني بعدها قررت اكلم ابويا بكل شي حصل معايا وكلمته وقال لي انا بجيك بآخذك من عند عديم التربيه بسافر واجي آخذك هالاسبوع الحين يابنات ابويا اجا واخذني وسافرت لبلدي توي واصله من اسبوعين المهم يابنات انا حامل  وترا ماحملت الا بعد ماتعالجت عند شيخ وجاني للبيت وجاب لي اعشاب وهاذا الشيخ جد صديقه لي تعرفت عليها بالمدرسه وعرفت اني حامل قبل شهر وكان لي  ثلاثه شهور حامل وبغيت انجن انا ماابي هالطفل بهالوقت ابويه الحين قالي هالرجال بتطلقي منه والولد وحده من الثنتين ياتنزليه ياتولديه وتعطيه لابوه انا ماابي هالطفل المهم يابنات انا ابويا كويس وطيب لكن اخويا هذاك اللي قلت لكم شكيت له وحظرني مره مؤذي ودايم يعصب عليا ويضربني وفيه مرض الشك حتى انه يقولي اذا تطلقتي طلعه مافي جوال مافي كل شي مافي  مدري وش فيه ويقولي قريبا بتصيري مطلقه انتي عله علينا و اوقات يقولي يلا برا اطلعي من بيتنا مع انه بيت ابويا مو بيته اوقات اقرر اتوظف واستأجر بيت واروح من عندهم وأعيش وحدي مع ولدي اللي جاي  واوقات اقول ماتطلق من زوجي واضل معاه عشان ولدي واروح اجلس في بيته لان زوجي عنده عمائر وعنده سيارات وعنده فلوس اما زوجي قال ماني مطلقك خلي جلستك عند اهلك زياره لين تولدي وترجعين واذا مارجعتي انا بتزوج الثالثه اما طلاق مافي الحين يابنات وش اسوي هل انزل هالطفل ولا لا وهل أتطلق ولا لا لاني منجد تعبت احس ان لو استمريت مع زوجي زوجته مؤذيه وقلبي قسم مجروح من زوجي من اهلي من اخويا من كل الناس دايم اسأل نفسي انا وش سويت من ذنب عشان يصير كل هذا  مو عارفه وش اسوي انا الحين دخلت بالشهر الرابع انزل هالطفل ولا لا او اروح اتوظف واطلع بيت وحدي واعيش مع ابني اللي رح يجي ولا اكمل مع زوجي تكفون يابنات انا قلبي مجروح ومو عارفه وش اسوي ابي نصيحه منكم تكفون 💗